Mirandan Kel'
Mirandan kel' (ičeze nimituz: Lhéngua mirandesa, lühüdas mirandés, port.: língua mirandesa / mirandês) om üks' ibero-romanižiš, indoevropižiš kelišpäi.
Se om Portugalijan ühteks kahtes valdkundkelespäi vn 1999 vilukuspäi, kävutase levigandusen rajoniš.
Reguliruindorganzacii om Mirandan kelen institut (mir. Anstituto de la Lhéngua Mirandesa) Portugalijan pohjoižpäivnouzman Miranda-du-Doru-municipalitetas, se institut om sätud vn 2000 sügüz'kul.
Leviganduz
Kel' om levitadud Portugalijan pohjoižpäivnouzmaižen čogan koumes municipalitetas: Miranda-du-Doru, Vimiozu, Mogadoru. Opetas kel't niiden školoiš vspäi 1986.
Pagižijoiden lugu om 15 tuhad ristituid (2000): viden tuhad ristituiden mamankel', i 10 tuhad ristituid kävutadas toižeks keleks. Äjad kelenkandajad mahttas pagišta portugalijaks-ki.
Ümbrikirjutand
Mirandan kirjkel' om latinan kirjamišton pohjal. Erigoittud kel' 12. voz'sadaspäi, šingotihe latinan kelen sijaližes paginvariantaspäi. Asturleonan paginkontinuuman pala, no portugalijan kel' valatoitab mirandan kel't kontinuuman toižiden keliden erineden, kudambiden valatoitai kel' om ispanijan kel'.
Kelel om äi ühthižid pirdoid portugalijan kelenke, no ičeze vajehnik i grammatik oma. Erasiden konsonantiden virkand om toine, oz., sanan augoitišen l i kaksitadud ll/nn/mn pehmdudas (palataliziruišoiš).
Homaičendad
| Mirandan kel' Vikiaitas |
 | Nece kirjutuz om vaiše ezitegez. Tö voit abutada meile, ku kohendat sidä da ližadat sihe. |
This article uses material from the Wikipedia Vepsän article Mirandan kel', which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Südäimišt voib kacta CC BY-SA 4.0, ku ei ole ozutadud nimidä tošt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Vepsän (DUHOCTRUNGQUOC.VN) is an independent company and has no affiliation with Wiki Foundation.