Koror (mugažo anglijan kelel, anglijan virkand , japon.: コロール Korōru) om kaikiš suremb lidn Palaus da sen enzne pälidn vn 2006 redukun 7.
päivhäsai. Lidn om Koror-štatan administrativižeks keskuseks.
Valdkund | Palau |
Eläjiden lugu (2013) | 8,744 ristitud |
Telefonkod | +680−488 |
Aigvö | UTC+9 |
Eländpunktan aluz om pandud vl 1866. Vll 1919−1947 Koror oli Suvine Tün'valdmerine mandat-territorijan administrativižeks keskuseks. Se alištui Japonijan tobmudele. Tähäsai lidn om valdkundan azjaline keskuz.
Koror šingotase valdkundaližil aluzkundoil, tuncan eksportal i kokoskopran tehmižel. Turizman sarak om šingotadud: 22 adivpertid, kahesa motelid, kurortad, restoranad, öližed klubad. Lidnan port radab lähižel Malakal-sarel.
Lidn sijadase Koror (Oreor)-sarel, otab saren suvipäivlaskmašt palad. Matkad Ngerulmud-pälidnhasai om 20 km pohjoižpäivnouzmha.
Klimat om tropine vihmmecoiden. Kun keskmäine lämuz om +27,2..+28,0 C° vodes läbi. Paneb sadegid 3758 mm vodes, enamba kezakus-heinkus (438..458 mm kus), vähemba uhokus-sulakus (208..231 mm kus).
Vl 2005 lidnan eläjiden lugu oli 12 676 ristitud sen ümbrištonke, valdkundan koume videndest. Lidn da ümbrišt mülüdas Koror-štatha 18 km² pindanke.
Rahvahad: mikronezijalaižed — 80 %, filippinalažed — 19 %, toižed rahvahad — 1 %.
Koror (lidn) Vikiaitas |
This article uses material from the Wikipedia Vepsän article Koror (lidn), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Südäimišt voib kacta CC BY-SA 4.0, ku ei ole ozutadud nimidä tošt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Vepsän (DUHOCTRUNGQUOC.VN) is an independent company and has no affiliation with Wiki Foundation.