Chinval (oset.: Чъреба / Цхинвал / , gruz.: ცხინვალი Chinvali «graboiden ma») om Suviosetijan pälidn, sen kul'turan i ižandusen keskuz.
Valdkund | Gruzii |
Eläjiden lugu (2021) | 32,906 ristitud |
Pind | 17,46 km² |
Telefonkod | +7929- |
Aigvö | UTC+3 |
Eländpunktan aluz om pandud vl 1398. Se sai lidnan statusad vl 1922. Vll 1934−1961 oficialine nimituz oli Staliniri vai Stalinir (ven.: Сталинири / Сталинир). Lidn om udessaudud vn 2008 sodategendoiden jäl'ghe.
Chinval šingotase holitišil, socialižen sferan aluzkundoil, regionan professionaližen opendusen keskuz.
Lidn sijadase territorijan suviröunanno Kavkazan pämägisel'gan suvižil pautkil, Sur' Liahvi-jogen randal (98 km pitte, oset.: Стыр Леуахи gruz.: დიდი ლიახვი Didi Liahvi, Kuran hura ližajogi), 870 m ü.m.t. keskmäižel korktusel.
Klimat om ven kontinentaline, lumekahanke tal'venke. Voden keskmäine lämuz om +8,6 C°, kezakun-elokun +17..+19 C°, tal'vkun-uhokun 0..−3 C°. Paneb sadegid 805 mm vodes, enamba semendkus-kezakus (97 mm kus), vähemba vilukus-uhokus (46 mm kus). Om vinmarjžomid lidnanno.
Vl 2015 lidnan ristitišt oli 30 432 eläjad. Kaikiš suremb ristitišt oli 42 934 eläjad vl 1989. Edel 1990-nziden voziden sodategendoid gruzijalaižiden i gruzijan evrejalaižiden tobj pala okai lidnad.
Rahvahad (vn 2015 sijaližen rahvahanlugemižen mödhe): osetijalaižed — 94,4 %, gruzijalaižed — 1,8 %, venänikad — 1,6 %, armenijalaižed — 1,1 %, ukrainalaižed — 0,3 %, toižed rahvahad — 0,8 %.
Chinval Vikiaitas |
This article uses material from the Wikipedia Vepsän article Chinval, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Südäimišt voib kacta CC BY-SA 4.0, ku ei ole ozutadud nimidä tošt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Vepsän (DUHOCTRUNGQUOC.VN) is an independent company and has no affiliation with Wiki Foundation.