Statuto De Roma

El Statuto de Roma el ze el tratà internasionałe costitutivo de ła Corte Penałe Internasionałe. El ze sta adotà inte ła sità de Roma inte el 17 de lujo del 1998, inte el ndar de ła Conferensa diplomàtega dei plenipotensiari de łe Nasion Unie su l'istitusion de na Corte penałe internasionałe.

Statuto de Roma

Sorte	tratà internasionałe
Data	17 de lujo del 1998
Data de publicasion	17 de lujo del 1998
Entrada in vigor	1° de lujo del 2002
Pozision	Roma
Stato	Itàłia
Depozitàrio	Segretàrio zenerałe de łe Nasion Unie
Łéngua de l'òpara o del nòme	franseze, inglezo, spanjoło, ruso, àrabo e cinezo stàndar
Efeti	Corte penałe internasionałe
Òpara integrałe in	legal.un.org…

Durante de sta Conferensa, i Stati Unii, l'Israełe e ła Cina i ga fato na liansa comun contro de sta cuà. No-ostante tuto, sia Israełe che i Stati Unii i ga firmà ma no ratìfegà el Tratà. De fato, ła firma da parte dei Stati Unii ła ze sta fata da l'ex presidente Bill Clinton pena un dì prima che el dasase el podere a George W. Bush.

I Stati Unii i ga proponesto che ła dòpara miłitare dei putełi no ła gàpia da vegner considarà un crìmene de guera, proposta che ła ze sta da suito rabaltada.

Si bè che ghe fuse l'esperiensa internasionałe inte ła firma de tratai multilaterałi, l'isteso statuto el fisa un quorum alto par ła so entrada in vigore (60 paezi). Tutavia, el proceso el ze sta estremamente ràpido, partindo par el Senegal finmente a cuando dieze paezi insieme i ga depozità inte el Segretarià zenerałe de łe Nasion Unie l'istrumento de ratìfega l'11 de apriłe del 2002. El Statuto el ze entrà in vigore co efeto dal 1 de lujo del 2002.

Inte el 28 de otobre del 2005 el Mèsego el ze sta el sentèzemo Paeze a ratìfegare el Statuto.

El Statuto el ze in tal magnera struturà:

• Preànboło
• Parte I: L'istitusion del tribunałe (artìcułi 1-4)
• Parte II: Concorensa, amisibiłità e leje aplegàbiłe (5-21)
• Parte III: Prinsipi zenerałi de derito penałe (22-33)
• Parte IV: De ła conpozision e de l'aministrasion del tribunałe (34-52)
• Parte V: Indàzeni e prosedimenti zudisiari (53-61)
• Parte VI: Del Zudìsio (62-76)
• Parte VII: Łe Pene (77-80)
• Parte VIII: In apeło e revizion (81-85)
• Parte IX: Cooparasion internasionałe e asistensa legałe (86-102)
• Parte X: Su l'ezecusion de ła sentensa (103-111)
• Parte XI: Da l'Asenblea dei Stati Parte (112)
• Parte XII: Del finansiamento (113-118)
• Parte XIII: Clàuzołe finałi (119-128)

• (EN) Rome StatuteEnçiclopedia Britannica, Encyclopædia Britannica, Inc.