El Norn el xera na lengua zermanega setentrional estinguesta che la xera parlada su le ìzołe Shetland e su le Orcade, su la costa nord de la Scozia e a Caithness.
Dopo che le ìzołe le xe stae conquistae da la Scozia inte el secolo quindese, el só uso el xe stà descorazà da Governo e Chiesa de Scozia, e el xe stà man a man sostituìo dal Scots.
No se sa co esatezza quando che el Norn el se gabia estinguesto. I ultemi reperti e documenti i riva fin al secolo disnove ma se pensa che el doparamento de la lengua el fuse za stà bandonà intorno a la metà del secolo disdoto. Qualche schianta de la lengua la xe restata fin al di de uncuò in qualche parola e intercalari doparai da i abitanti de le dite zone, che i parla inglese e Scots.
Un diałeto del Norn, el Norse, el jera parlà in Scozia - par exenpio a Caithness - me el se gavea za estinguest qualche sècoło prima che su łe ìzołe Órcade o su łe Shetland. Al dì de uncuò el Norn el xe soravivest cofà łéngua scrita, par exenpio su preghiere, su diplomi o qualche antiga inscrision.
El Norn el xe na łéngua Indo-Europea che ła apartien a ła łéngue xermàneghe del nord. insieme col Faroéxe, islandéxe e al norvejexe el fa parte del grupo de łe łéngue Scandìnave Oçidentałi, separae da łe Scandìnave Orientałi o sia el svedexe e el danéxe. Anàłixe pi aprofondìe łe divide łe łéngue xermàneghe del nord in "Scandìnave Ixołane" e "Scandìnave Continentałi", col danexe, norvejexe e svedexe, uxando el criterio de ła mùtua intełezibiłità dovest anca al fato che el norvejéxe el xe stà tanto influensa in particołar dal Danéxe durante łe só dominasion de l'ùltimo miłenio.
Ła fonołoxìa del Norn no ła połe èsar determinada co preçixion a càusa del poc materiałe a dispoxision, ma i aspeti xenerałi i połe èsar estrapołai da łe poche forme scrite che łe existe oncora uncuò. El Norn el condivide tanti trati co i diałeti del sud-est de ła Norveja. Questo l'include i sóni fà /p, t, k/ o [b, d, g] prima o in mezo a do vicałi e ła conversion de /θ/ e /ð/ ("thing" e "that" rispetvamente) in [t] e [d] rispetivamente.
Łe caraterìsteghe gramaticałi del Norn łe jera bastansa conpagne a qûeł'altre łéngue Scandìnave. Ghe jera do nùmari, tre xenari e quatro caxi (nominativo, acuxativo, xenitivo e dativo). Ghe jera do prinçipałi coniugasion dei verbi al prexente e al pasà were e, cofà tute łe łéngue xermèneghe setentrionałi, l'uxava un sufiso inveçe de l'artìcoło determinativo par indicar ła definitività cofà in Danéxe/Norvejéxe/Svedéxe uncuò: man(n) ("man"); mannen ("the man").
This article uses material from the Wikipedia Vèneto article Łéngua norn, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). El contegnùo el xe disponibile soto CC BY-SA 4.0, almanco che no ghe sia scrito difarente. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Vèneto (DUHOCTRUNGQUOC.VN) is an independent company and has no affiliation with Wiki Foundation.