Zaynab Sadriyeva (1914.25.10, Astraxon — 1991.31.10, Toshkent) — Oʻzbekiston xalq artisti (1952).
1930—1933-yillar oʻzbek ishchi-yoshlar teatrida, 1933—1987-yillar Hamza teatrida, 1987—1991-yillar Abror Hidoyatov nomidagi teatrida ishlagan. Aktrisaning oʻziga xos isteʼdodi qismati ogʻir, lekin irodasi kuchli ayollar harakterini yaratishda monumental obrazlari ochildi. Kruchinina ("Aybsiz aybdorlar"), Lyubov Yarovaya ("Lyubov Yarovaya"), Xristina ("Roʻyxatlarda yoʻq") va boshqa shular jumlasidan. Shuningdek, Sadriyeva ijodida qattiqqoʻl, hukmini oʻtkazishga oʻch ayollar obrazi alohida oʻrin tutadi: Gavharshod begim ("Mirzo Ulugʻbek"), Tangabeka ("Oy tutilgan tunda"), Hojiona ("Boy ila xizmatchi") va boshqa Mumtoz asarlardagi Milfordxonim ("Makr va muhabbat"), Gertruda ("Hamlet"), Vassa, Glafira ("Vassa Jeleznova", "Soʻnggi qurbon") kabi obrazlari ijtimoiy va psixologik jihatdan teran va tugalligi bilan ajralib turadi. Ayniqsa, Sadriyeva yaratgan Farmonbibi ("Kelinlar qoʻzgʻoloni") milliy boʻyoqlarga boyligi, hayotiyligi bilan katta muvaffaqiyat qozondi. U bir qancha filmlar ["Gang daryosining qizi" (Chata Patxayaxonim), "Suyunchi" (Anzirat), "Armon" (oshpaz ayol) va b.]da ham suratga tushgan. Hamza nomidagi Oʻzbekiston Davlat mukofoti laureati (1979).
Ushbu maqolada Oʻzbekiston milliy ensiklopediyasi (2000-2005) maʼlumotlaridan foydalanilgan. |
This article uses material from the Wikipedia O‘zbek article Zaynab Sadriyeva, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Matndan CC BY-SA 4.0 litsenziyasi boʻyicha foydalanish mumkin (agar aksi koʻrsatilmagan boʻlsa). Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki O‘zbek (DUHOCTRUNGQUOC.VN) is an independent company and has no affiliation with Wiki Foundation.