The Ronettes: Ingliz musiqiy guruhi

1959-yilda opa-singillar Ronnie Spector Bennet va Estelle Bennet hamda ularning amakivachchasi Nedra Talley (talaffuzi: Nedra Telli) bilan birgalikda „The Darling Sisters“ nomi ostida isteʼdodlar tanlovida gʻalaba qozonishadi. Natijada ularning musiqiy ijodiga ovoz yozish kompaniyalari qiziqib qolishadi va 1961-yilda guruh oʻzining birinchi qo‘shig‘i "My Darling Angel" ni chiqarishadi. Tez orada guruh nomini „The Ronettes“ ga oʻzgartirishadi. 1963-yilda musiqiy prodyuser Phil Spector (talaffuzi: Fil Spektor) bilan hamkorlik qila boshlashadi. Spector guruh qizlarining imijini „asalari uyasi“ni eslatadigan soch turmagi ega, tor yubka kiyadigan „yomon qizlar“ obraziga oʻzgartiradi. Ularning hammualliflikdagi birinchi qoʻshigʻi "Be My Baby" Spector tomonidan „Wall of Sound“ (tarjimasi „Devor tovushi“) musiqaviy texnika yordamida yozilgan. Bu qoʻshiq xalqaro mashhurlikni egallab, AQSh xit-paradida 2-oʻrinni, Buyuk Britaniya xit-paradida 4-oʻrinni egallaydi. Undan keyingi mashhurlikni AQSh xit-paradida 24-oʻrinni, Buyuk Britaniya xit-paradida 11-oʻrinni olgan "Baby I Love you" qoʻshigʻi egallagan . Oʻnlab qoʻshiqlar, shunigdek, uchta musiqiy albomlar muallifi boʻlgan guruh 1966-yilda tarqab ketadi.

1968-yilda Ronnie Spector Bennet Phil Spectorga turmushga chiqadi. U oʻzining musiqiy faoliyatini davom ettiradi va bir necha vaqt davomida ikkita uangi xonandalar bilan birga „Ronnie and the Ronettes“ guruhida faoliyat yuritadi.

2007-yilda „The Ronettes“ guruhi nomi „The Vocal Group Hall of Fame“ (tarjimasi „Vokal guruhlarning shon-sharaf zali“)ga kiritiladi. "Be My Baby" qoʻshigʻi esa „The Rock and Roll Hall of Fame“ (tarjimasi „Rokʼnʼrol shon-sharaf zali“) hamda „Rolling Stone jurnalining tarixdagi 500 eng buyuk qoʻshiqlar roʻyxati“ga kiritiladi.

• Veronica „Ronnie“ Yvette Bennett (1943-yil 10-avgust — 2022-yil 12-yanvar)
• Estelle Bennet (1941-yil 22-iyul — 2009-yil 11-fevral)
• Nedra Talley (1946-yil 27-yanvarda tugʻilgan)
• Laverne „Chip“ Fields (1951-yil 5-avgustda tugʻilgan)
• Elaine Mayes
• Denise Edwards
• Diane Linton

Qoʻshiqlari

• 1961 — My Darling Angel
• 1961 — I Want a Boy
• 1962 — Silhouettes
• 1962 — I’m Gonna Quit While I’m Ahead
• 1962 — The Memory
• 1963 — Be My Baby
• 1963 — Baby I Love You
• 1964 — (The Best Part Of) Breakinʼ Up
• 1964 — Do I Love You?
• 1964 — (Walking) In The Rain
• 1965 — Born To Be Together
• 1965 — Is This What I Get For Loving You?
• 1965 — He Did It
• 1966 — I Can Hear Music
• 1969 — You Came, You Saw, You Conquered!
• 1973 — Go Out and Get It
• 1974 — I Wish I Never Saw The Sunshine
• 1976 — Paradise

Musiqiy albomlari

• 1963 — A Christmas Gift for You
• 1964 — Presenting the Fabulous Ronettes Featuring Veronica
• 1965 — The Ronettes featuring Veronica