Futbol Klubi Navbahor

Ilk nomi Tekstilshik edi. Klubning hozirgi murabbiysi Samvel Babayan hisoblanadi.

Navbahor Namangan
Toʻliq nomi	Navbahor Namangan Football Club
Laqabi	Lochinlar
Asos solingan	1978 (46 yil avval) (1978)
Stadion	Markaziy Stadium Namangan, Uzbekistan
Stadion hajmi	21,000 ortiq
Prezidenti	Rasul Nizomboyev
Murabbiyi	UZB Samvel Babayan
Vebsayt	https://www.pfcnavbahor.uz/index.php/uz/
Musobaqasi	Oʻzbekiston Superligasi
2023	3-oʻrin
Asosiy libosi Ikkinchi libosi Zaxira libosi
{{{amaldagi mavsum}}}

1980-yillarda Sobiq Ittifoq 2-ligasi Sharqiy Zonasida nomi bilan toʻp sura boshlagan. 1992-yildan esa Oʻzbekiston Oliy Ligasida Navbahor nomi ostida muntazam ishtirok eta boshladi. Jamoa Namangan shahridagi Navbahor Markaziy Stadionida toʻp suradi. Stadion oʻz bagʻriga 21 mingdan ortiq muxlis sigʻdira oladi.

SSSR Chempionatlarida

„Navbahor“ futbol klubiga 1978-yilda asos solingan. Dastlabki yillarda – aniqrogʻi 1980-yillarda „Tekstilshik“ nomi bilan Sobiq Ittifoq chempionati 2-ligasi Sharqiy Zonasida toʻp sura boshlagan.  Jamoa oʻsha vaqtda „Tekstilshik“ nomi bilan sobiq ittifoq chempionati ikkinchi ligasining 5-mintaqasi bahslarida qatnashgan. 1980-yilga kelib „Tekstilshik“ nomi „Navbahor“ga oʻzgartirildi. Jamoa sobiq ittifoq chempionatlarida muvaffaqiyatli qatnashib, 1981-1982-yillarda ikkinchi liganing yettinchi mintaqasi jamoalari orasida faxrli uchinchi oʻrinni egalladi.

1984-1987-yillarda jamoa oʻz nomini „Avtomobilist“ ga oʻzgartiradi. 1984 va 1986-yillarda namanganliklar „Paxtakor-79“ xotira turnirida gʻolib chiqishdi. „Navbahor“ aʼzolari oʻz mahoratlarini yil sayin oshirib, sobiq ittifoq 52-chempionatining ikkinchi liga beshinchi mintaqasida muvaffaqiyatli qatnashib, birinchi ligaga chiqish imkoniyatini beradigan „bufer“ mintaqa musobaqalarida ishtirok etish huquqini qoʻlga kiritishdi. Ikki mavsum „bufer“ mintaqada toʻp surgan „Navbahor“ 1990-yil yakuniga koʻra, birinchi liga yoʻllanmasiga ega boʻldi.

1987-yilning noyabr oyida „Navbahor“ Markaziy Osiyoda birinchi, sobiq ittifoqda Ukrainaning „Dnepr“ (Dnepropetrovsk) klubidan soʻng, ikkinchi boʻlib, xoʻjalik hisobidagi futbol klubi sifatida faoliyat yuritishni boshladi.

„Navbahor“ 1978-yildan 1991-yilga qadar sobiq ittifoq chempionati ikkinchi ligasining turli mintaqalarida qatnashib, 508 ta uchrashuvda maydonga tushgan. Jamoa 245 ta oʻyinda gʻalaba qozonib, 100 ta uchrashuvda durangga imzo chekkan boʻlsa, 163 ta bahsda magʻlubiyatga uchragan. 702ta gol urib, oʻz darvozasidan 513 ta toʻp oʻtkazib yuborgan.

1991-yili sobiq ittifoq chempionatining birinchi ligasida ishtirok etgan „Navbahor“ 42 ta oʻyinda 19 ta gʻalaba qayd etgan. Yettita bahsda durang kuzatilgan boʻlsa, 19 ta uchrashuvda jamoa raqiblariga imkoniyatni boy bergan. Oʻsha yilgi chempionat yakunida „Navbahor“ 22 ta jamoa orasida toʻqqizinchi oʻrinni egallagan.

Namanganliklar 1989-yildan 1991-yilgacha sobiq ittifoq kubogida ham 10 ta oʻyin oʻtkazishgan. Jamoa oltita uchrashuvda zafar quchib, toʻrtta oʻyinda magʻlubiyatga uchragan. Mazkur uchrashuvlar davomida raqiblar darvozasiga 24 ta gol urilgan. „Navbahor“ oʻz darvozasidan 12 ta toʻp olib chiqqan. Jamoaning kubok bahslaridagi eng yirik gʻalabasi 1991-yili kuzatilgan. Oʻsha yili „Navbahor“ oʻz maydonida 1/32 final doirasida Chimkentning „Meliorator“ jamoasini 14:0 hisobida magʻlubiyatga uchratib, keyingi bosqich yoʻllanmasini qoʻlga kiritgandi.

Oʻzbekiston Chempionatlarida

1992-yilda klub nomi „Navbahor“ deb oʻzgartirildi. SSSR parchalanib, Oʻzbekiston mustaqillikka erishgach (1991 -yil 2-yarmida), 1992-yilgi mavsumdan boshlab Oʻzbekiston milliy chempionatida oʻynay boshladi.

Oʻzbekiston chempionati tarixida 1-oʻrinni egallagan „Navbahor“ yana 16 ta jamoa bilan birga Oliy ligadan joy oldi. Debyut mavsumi yakuniga koʻra 5-oʻrinni egalladi va Oʻzbekiston kubogining 1-gʻolibiga aylandi.

Keyingi mavsumlarda ketma-ket uch marta (1993, 1994 va 1995) „Navbahor“ Oliy liga bronza medali sohibi, 1993-yilda Kubok finalchisi, 1995-yilda esa 2-marta Oʻzbekiston kubogini qoʻlga kiritdi.

1996-yilgi mavsumda klub 1-marta Oʻzbekiston chempioni boʻldi. Keyingi 3-yil davomida u yana bronza medali sohibi boʻldi va 1998-yilda oʻz tarixida 3-marta va hozircha oxirgi marta Oʻzbekiston kubogini qoʻlga kiritdi.

1999-yilda „Navbahor“  Oʻzbekiston Superkubogining 1-gʻolibi boʻldi. 2000-2002-yilgi mavsumlarda sovrinlarsiz klub qoldi, ammo 2003 va 2004-yillarda ketma-ket ikki marta bronza medalini qoʻlga kiritgan. 2005-yildan beri jamoa natijalarida malum darajada pasayish kuzatilib, namanganliklar chempionatning „oʻrta jamoasi“ deb ataladigan jamoalaridan biriga aylandi.

Keyingi mavsumlarda klubning eng yuqori yutugʻi 2017-yilgi mavsumdagi 5-oʻrin boʻldi. Ammo 2018-yilda (14-yildan soʻng) „Navbahor“ yana 9-marta Oʻzbekiston Superligasining bronza medallarini qoʻlga kiritib, Oʻzbekiston chempionati sovrindorlari qatoridan joy oldi. 2022-yil yakunlariga koʻra jamoa klub 24 yildan soʻng ilk bor Oʻzbekiston Kubogi finalida toʻp surdi, ammo, Nasaf jamoasiga magʻlub boʻlib ikkinchi oʻrinni egalladi. Oʻzbekiston Superligasida esa klub oʻz tarixida ilk bor kumush medallarini qoʻlga kiritdi.

Xalqaro Musobaqalar

„Navbahor“ toʻrt marta Osiyoning klublar oʻrtasidagi musobaqalarida ishtirok etgan. 1996/1997-yilgi mavsumda Oʻzbekiston kubogining amaldagi sohibi sifatida AFC klublar oʻrtasidagi ikkinchi nufuzli turnir – Osiyo kubogi egalari kubogida ishtirok etib, ikkinchi saralash bosqichida toʻxtagan edi.

1997/1998-yilgi mavsumda Namangan klubi Osiyo Chempionlar Kubogida (hozirgi OCHL deb ataladi) Oʻzbekistonning amaldagi chempioni sifatida ishtirok etib, guruhdan chiqa olmadi.

„Navbahor“ uchinchi marta 1999/2000-yilgi mavsumda Osiyo klublar musobaqasida qatnashgan. 1998-yilgi Oʻzbekiston Kubogining amaldagi sohibi sifatida Osiyo Kubogi egalari kubogida ishtirok etgan va yarim finalga qadar yetib borgan. Toʻrtinchi marotaba 2023/2024-yilgi mavsumda ishtirok etdi va 1/8 final bosqichiga qadar yetib bordi.

Klub afsonalari

Jamoaning afsonaviy murabbiylaridan biri Viktor Jalilovdir. Viktor Jalilovning jamoa muvaffaqiyatidagi oʻrni beqiyos. Aynan u boshchiligida klub oʻz tarixida hozircha yagona boʻlib turgan chempionlikka erishgan. Murabbiy shuningdek, Oʻzbekiston Kubogida ham jamoa bilan gʻalabalarga erishgan.

Shuningdek, Mustafo Bayramov, Farhod Magometov, Dmitriy Bashkevich, Eduard Momotov, Gennadiy Denisov, Rustam Zabirov, Oleg Shatskix, Saydullo Tursunov, Tohir Madrahimov, Shuhrat Mirxoldorshoyev, Xayrulla Karimov singari jamoada toʻp surgan tajribali futbolchilarning ham jamoa tarixida oʻz oʻrni bor.

Sobiq ittifoq davrida „Navbahor“ Valixon Zunnunov, Viktor Orlov, Pyotr Boldirev, Sergey Dotsenko, Pavel Kim, Dmitriy Korneyev, Gennadiy Nedelkin, Valeriy Gladilin va Igor Volchok kabi taniqli murabbiylar boshqarishgan.

• Klub tarixidagi eng yaxshi toʻpurar – Shuhrat Mirxoldorshoyev – 140 ta gol

• Eng koʻp oʻyin – Tohir Madrahimov – 259 ta oʻyin

Jamoa nomlari tarixi

• 1978—1980: Tekstilshchik
• 1980—1983: Navbahor
• 1983—1987: Avtomobilchi
• 1988-yildan – Navbahor

Klub ramzlari

2018-yilgi mavsum oldidan jamoada bir qator oʻzgarishlar boʻldi, bulardan biri jamoaga yangi logo tanlandi.

•  
  "Navbahor" jamoasini sobiq logosi
•  
•  
  Klubning hozirgi logosi

Klublar uyi 22 000 tomoshabinga moʻljallangan „Navbahor Markaziy“ stadionidir. 1989-yilda qurilgan stadion sigʻimiga koʻra (toʻliq qayta taʼmirdan avval 33000 muxlis sigʻar edi) mamlakatdagi eng katta futbol stadionlaridan biri boʻlgan. 2011-yilda klub stadionni rekonstruksiya qilish niyatida ekanligini eʼlon qildi va u uzoq vaqt davom etgan rekonstruksiya ishlari uchun yopildi. Qayta tiklash ishlari 2014-yil bahorida yakunlandi. 2014-yilning 29-may kuni „Barkamol avlod-2014“ sport oʻyinlarining tantanali ochilish marosimi bilan yangi taʼmirlangan stadionning tantanali ochilish marosimi boʻlib oʻtdi. Yangi joyning sigʻimi 22 000 kishi.

2012—2014-yilgi mavsumlarda klub uy uchrashuvlarini Kosonsoy stadionida oʻtkazdi. Taʼmirlangan stadiondagi ilk rasmiy oʻyin 2014-yil 14-iyun kuni Liga doirasidagi „Navbahor“ – „Olmaliq“ uchrashuv boʻldi. Uchrashuvda mezbonlar 3:1 hisobida gʻalabaga erishadilar.

• Oʻzbekiston Superligasi chempioni: (1) 1996

• Oʻzbekiston Superligasi ikkinchi o'rin: (1) 2023
• Oʻzbekiston Superligasi uchinchi o'rin: (10) 1993, 1994, 1995, 1997, 1998, 1999, 2003, 2004, 2018, 2023

• Oʻzbekiston Kubogi sohibi: (3) 1992, 1995, 1998
• Oʻzbekiston Kubogi finalchisi: 1993, 2022

• Oʻzbekiston Superkubogi: (1) 1999

Mahalliy musobaqalar natijalari

OFK musobaqalaridagi ishtiroki

• Osiyo Chempionlar ligasi: 1 marotaba

Osiyo Chempionlar ligasi: Guruh bosqichi

• Osiyo kubogi egalari kubogi: 2 marotaba

1996/97: 2-Bosqich
1999/00: 4-oʻrin

2023/24 OCHL da ishtirok etmoqda

Xalqaro Musobaqalarda natijalar

Soʻnggi Oʻyin 2000-yil 15-aprelda boʻlib oʻtgan.

Mavsum	Musobaqa	Bosqich	Klub	Uy	Safar	Umumiy hisob
1996-97	Osiyo kubogi egalari kubogi	Birinchi bosqich	Al-Quwa Al-Jawiya	1-4	5-2	6-6
		Ikkinchi bosqich	Esteghlal	1-4	3-0	4-4
1997-98	AFC Osiyo Chempionlar kubogi	Birinchi bosqich	-	Bye
		Saralash bosqichi	Dynamo Dushanbe	3-0	1-2	4-2
		Ikkinchi bosqich	Nisa Aşgabat	6-1	2-2	8-3
		Chorak final – Gʻarbiy osiyo Guruh bosqichi	Al Ansar	0-0		3rd
			Al Hilal	1-3
			Persepolis	1-1
1999-2000	Osiyo kubogi egalari kubogi	Birinchi bosqich	-	Bye
		Ikkinchi bosqich	Kaisar-Hurricane	2-2	1-0	3-2
		Chorak final	Al-Ahli	1-6	2-0	3-6
		Yarim final	Al-Zawraa	1-2
		3-oʻrin uchun	Bangkok Bank	1-3
2023-2024	AFC Osiyo Chempionlar ligasi	Play-off round	Al-Wakrah	1–0 (q.v)
		D guruhi	Al Hilal	0–2	1–1	Ikkinchi
			Mumbai City	3–0	2-1
			Nassaji Mazandaran	2–1	3–1
		Nimchorak final	Al-Ittihod	0-0	1-2	1-2

Muxlislar

„Navbahor“da juda katta tarafdorlar va muxlislar armiyasi bor. Namangan klubining deyarli har bir uy uchrashuvida stadion toʻlib-toshadi.

Raqobat

„Navbahor“ning asosiy raqiblari Fargʻonaning „Neftchi“ va Toshkentning „Paxtakor“ jamoalaridir. Bu klublar har qanday davrda oʻzaro raqobati yuqori darajada oʻtgan. Bundan tashqari Vodiyning yana bir jamoasi Andijonning „Andijon“ klubiga qarshi oʻziga xos derbi ham tarixga kirgan.

Eslatma: bayroqlar FIFA muvofiqlik qoidalariga koʻra belgilangan milliy terma jamoani koʻrsatadi. Oʻyinchilar FIFAga aʼzo boʻlmagan bir nechta fuqarolikka ega boʻlishlari mumkin.

17-fevral 2024-yil

№ Amplua Futbolchi 1   UZB DR Oʻtkir Yusupov 5   UZB HM Alijon Alijonov 6   UZB HM Ibrohim Yoʻldoshev (futbolchi) 7   UZB YH Azim Ahmedov 8   IRN YH Siavash Hagh Nazari 9   UZB YH Odiljon Hamrobekov 10   UZB YH Jamshid Iskanderov 11   UZB HJ Asadbek Sobirjonov 12   UZB DR Aleksandr Lobanov 13   SRB HM Filip Ivanović 14   UZB YH Jamshid Boltaboyev 17   UZB HJ Ruslanbek Jiyanov 19   UZB HM Sherzodbek Abdulboriyev

№ Amplua Futbolchi 20   UZB YH Muzaffar Moʻminov 21   GEO HJ Giorgi Nikabadze 22   GEO HJ Toma Tabatadze 23   SRB YH Jovan Đokić 24   UZB HM Doston Abdulhayev 25   UZB HJ Navroʻzbek Iminjonov 33   UZB HJ Shodiyor Shodiboyev 34   UZB HM Farrux Sayfiyev 41   UZB DR Ozodbek Maʼrupov 55   UZB HJ Asadbek Joʻraboyev 77   UZB YH Abror Ismoilov 88   UZB YH Nurmuhammad Toshpoʻlatov 98   UZB YH Davronbek Olimjonov

U21

U19

Murabbiylar shtabi

 

Lavozimi	Xodimlar
Bosh murabbiy	Samvel Babayan
Yordamchi murabbiy	Grigoriy Kolosovskiy
Texnik yordamchi murabbiy	Denis Toymensov
Fitnes murabbiyi	Marko Drekalovic
Darvozabonlar murabbiyi	Shavkat Abduxojayev
Texnik yordamchi/fitnes murabbiyi
Sport terapevti
Texnik tahlilchi

Xodimlar

Lavozimi	Xodimlar
Prezident	Rasul Nizomboyev
Vitse prezident	Otabek Samatov
Bosh direktor	Akmal Sohibov

SSSR/Oʻzbekiston

Sobiq SSSR davlatlari

Yevropa

Janubiy Amerika

Afrika

Osiyo

• Oʻzbekiston futbol klublari Osiyo kuboklarida