John Kerry: Amerikalik siyosatchi, Demokratik partiya a'zosi, AQShning 68-Davlat kotibi
Jon Forbes Kerry (1943 yil 11 dekabr, Aurora, Kolorado, AQSh) — amerikalik siyosatchi.
2021-yil 20-yanvardan Prezidentning iqlim masalalari bo‘yicha maxsus vakili.
| Jon Forbs Kerri | |
|---|---|
inglizcha: John Forbes Kerry | |
 | |
  | |
| Mansab davri 1-fevral 2013-yil – 20-yanvar 2017-yil | |
| Oʻtmishdoshi | Hillary Clinton |
| Vorisi | Rex Tillerson |
 | |
| Mansab davri 6-yanvar 2009-yil – 1-fevral 2013-yil | |
| Oʻtmishdoshi | Joe Biden |
| Vorisi | Robert Menendez |
 | |
| Mansab davri 2-yanvar 1985-yil – 1-fevral 2013-yil | |
| Oʻtmishdoshi | Paul Zongas |
| Vorisi | William Kovan |
| Shaxsiy maʼlumotlari | |
| Tavalludi | 11-dekabr 1943-yil Kolorado, AQSH |
| Siyosiy partiyasi | Demokratlar |
| Turmush oʻrtogʻi | Teresa Symoe-Heinz |
| Kasbi | siyosatchi |
| Maʼlumoti | Yale Universiteti |
AQSh Davlat kotibi (2013-2017). 1985-yildan boshlab kichik, 2009-yildan 2013-yilgacha Massachusets shtatidan katta senator, Senatning tashqi aloqalar qo'mitasi raisi edi.
Amerikaning mashhur Forbes oilasidan boʻlib, imtiyozli taʼlim olgan. Oʻrta maʼlumotni Shveytsariyada olib, mashhur Montana Zugerberg institut xususiy maktabini tamomlagan. Yel universitetida siyosat va notiqlikka qiziqish koʻrsata boshladi, prezident Kennedyning saylovoldi kampaniyasini qoʻllab-quvvatlashda ishtirok etdi va prezident, uning oilasi bilan shaxsiy uchrashuvga sazovor boʻldi. Universitetni tugatgach, Vetnam urushida qatnashgan (1966—1970), daryo qayigʻini boshqargan. Uchinchi jarohatdan keyin demobilizatsiya qilindi va urushga qarshi harakatda qatnashdi. 1972-yilda u senatorlikka nomzodini qoʻydi, ammo muvaffaqiyatsizlikka uchradi. Yuridik fakultetni tugatgan, tuman prokuraturasida ishlagan, xususiy yuridik firmada ishlagan. 1982-yilda u Massachusets gubernatori Michael Dukakisning oʻrinbosari etib saylandi. 1985-yilda u Senatga saylangan. 2004-yilgi saylovlarda Demokratik partiyadan AQSh prezidentligiga nomzod boʻlgan, ammo George Bushga yutqazgan (538 saylovchilardan 35 tasini yoʻqotgan). 2009-yil avgust oyida senator Edward Kennedy vafotidan soʻng Kerry Massachusets shtatidan katta senator boʻldi (kichik senator lavozimini 2009-yil 25-sentyabrdan vaqtincha Paul Kirk egallab turgan. 2010-yil 19-yanvardan boshlab esa respublikachi siyosatchi Skott Braun tayinlangan.
Prezident Barak Obama AQSh Davlat kotibi lavozimiga Hillari Rodham Klinton oʻrniga John Kerry nomzodini ilgari surdi. 2013-yilning 29-yanvarida AQSh Senati 2013-yil 1-fevralda lavozimga kirishgan Kerrini tasdiqlash uchun 3-ga qarshi 94 ovoz berdi.
2020-yilning 23-noyabr kuni AQShning saylangan prezidenti Jo Bayden sobiq davlat kotibi John Kerry oʻz kabinetida AQSh prezidentining iqlim masalalari boʻyicha maxsus vakili sifatida faoliyat yuritishini maʼlum qildi. Jon Kerri 2021-yilning 20-yanvarida lavozimga kirishgan.
Manbalar
This article uses material from the Wikipedia O‘zbek article John Kerry, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Matndan CC BY-SA 4.0 litsenziyasi boʻyicha foydalanish mumkin (agar aksi koʻrsatilmagan boʻlsa). Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki O‘zbek (DUHOCTRUNGQUOC.VN) is an independent company and has no affiliation with Wiki Foundation.