پرم ہنس یوگانند: یوگی اور گرو۔
پرم ہنس یوگانند ((بنگالی: পরমহংস যোগানন্দ)) (5 جنوری 1893 – 7 مارچ 1952)، پیدائشی نام مُکند لال گھوش ((بنگالی: মুকুন্দলাল ঘোষ))، ایک بھارتی یوگی اور گرو تھے جنھوں نے اپنی تنظیم ”Yogoda Satsanga Society of India“ اور ”Self-Realization Fellowship“ کے ذریعے مراقبہ اور کریہ یوگا کی تعلیمات اہلِ بھارت اور اہلِ مغرب میں متعارف کیں۔ ان کی کتاب ”Autobiography of a Yogi“ اب تک کا روحانی شاہکار ہے اور اسے اکیسویں صدی کی 100 بہترین روحانی کتابوں کی فہرست میں شامل کیا گیا تھا۔
پرم ہنس یوگانند | |
|---|---|
 | |
| ذاتی | |
| پیدائش | مکند لال گھوش 5 جنوری 1893 |
| وفات | 7 مارچ 1952 (عمر 59 سال) بلٹمور ہوٹل، لاس اینجلس، کیلیفورنیا |
| مدفن | فاریسٹ لان میموریل پارک |
| مذہب | ہندومت |
| قومیت | بھارتی اور امریکی |
| دستخط |  |
| سلسلہ | Self-Realization Fellowship Order |
| بانئ | Self-Realization Fellowship/Yogoda Satsanga Society of India |
| فلسفہ | ہندو مت، کریہ یوگا |
| مرتبہ | |
| گرو | سوامی یوکٹیشور گری |
| ادبی کام | ذیل کا قطعہ دیکھیے - "کتابیات" |
ابتدائی زندگی
یوگانند کی پیدائش گورکھپور، اتر پردیش، ہندوستان کے پارسا خاندان میں ہوئی۔ ان کے چھوٹے بھائی سنند لال گھوش کے مطابق روحانیت کا تجربہ اور شعور یوگانند بچپن ہی سے ایک عام آدمی سے زیادہ رکھتے تھے۔ اپنی جوانی میں انھوں نے کئی ہندو بزرگ اور سَنْتوں کی تلاش اس امید سے کی کہ ان میں سے کوئی ایک استاد مل ان کو جائے جو روحانیت کی تلاش میں ان کی بہتر رہنمائی کرے۔
1910ء میں یوگانند کو سترہ سال کی عمر میں ان کا گرو مل گیا۔ اسی سال انھوں نے سوامی یوکٹیشور گری سے ملاقات کی۔ انھوں نے یوکٹیشور کے ساتھ اپنی پہلی ملاقات کو ایک نئے رشتہ کے طور پر بیان کیا ہے جو ایک لمبے عرصے تک برقرار رہا:
| ” | We entered a oneness of silence; words seemed the rankest superfluities. Eloquence flowed in soundless chant from heart of master to disciple. With an antenna of irrefragable insight I sensed that my guru knew God, and would lead me to Him. The obscuration of this life disappeared in a fragile dawn of prenatal memories. Dramatic time! Past, present, and future are its cycling scenes. This was not the first sun to find me at these holy feet! | “ |
یوکٹیشور نے بعد میں یوگانند کو بتایا کہ انھیں مہا اوتار بابا جی نے خصوصی مقصد کے لیے ان (یوگانند) کی طرف بھیجا۔
اسکاٹش چرچ کالج، کلکتہ سے آرٹس میں اپنے انٹرمیڈیٹ امتحانات پاس کرنے کے بعد جون 1915ء میں انھوں نے اے۔ بی۔ کی ڈگری (موجودہ دور میں جسے بی۔ اے۔ کہا جاتا ہے) شری رام پور کالج سے حاصل کی۔ شری رام پور میں وہ یوکٹیشور کے آشرم میں بھی وقت گزارتے تھے۔ 1915ء میں انھوں نے راہبانہ سوامی سلسلے میں داخل ہونے کے لیے رسمی عہد لیا اور وہ سوامی یوگانند گِری بن گئے۔
1917ء میں یوگانند نے ڈھیکا، مغربی بنگال میں لڑکوں کا ایک اسکول بنایا، جس میں عام تعلیم کے ساتھ ساتھ یوگا کی تربیت اور روحانی نظریات کی تعلیم دی جاتی تھی۔ ایک سال بعد اسکول رانچی میں منتقل کر دیا گیا۔ آگے چل کر یہ اسکول ایک تنظیم ”Yogoda Satsanga Society of India“ کی شکل اختیار کر گیا۔
وفات
اپنی وفات سے چند دن قبل انھوں نے اپنی موت کی پیشین گوئی کی تھی اور وہ وفات سے چند دن قبل اس بات کا اشارہ ہر وقت دیتے رہتے تھے کہ وہ جلد اس دنیا سے جانے والے ہیں۔
7 مارچ 1952ء کو دل کا دورہ پڑنے سے وہ وفات پا گئے۔
کتابیات
تفصیلی مضمون کے لیے پرم ہنس یوگانند کی کتابیات ملاحظہ کریں۔حواشی
بیرونی روابط
| ویکی ذخائر پر پرم ہنس یوگانند سے متعلق سمعی و بصری مواد ملاحظہ کریں۔ |
| ویکی اقتباس میں پرم ہنس یوگانند سے متعلق اقتباسات موجود ہیں۔ |
حوالہ جات
This article uses material from the Wikipedia اردو article پرم ہنس یوگانند, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). تمام مواد CC BY-SA 4.0 کے تحت میسر ہے، جب تک اس کی مخالفت مذکور نہ ہو۔ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki اردو (DUHOCTRUNGQUOC.VN) is an independent company and has no affiliation with Wiki Foundation.