مطلع مستقیم
مطلع مستقیم (انگریزی: Right Ascension) یا مطلع استوائی علامت (α)، ایک زاویائی فاصلہ ہے جو خط استوا سماوی کے ساتھ نقطہ اعتدال ربیعی سے مشرقی جانب ماپا جاتا ہے۔ مطلع مستقیم اور میل (فلکیات)، استوائی متناسق نظام میں کرہ سماوی پر کسی نقطہ یا جرم سماوی کا مقام یا محل وقوع کا تعین کرتا ہے۔
وضاحت
سماوی مطلع مستقیم زمین کے جغرافیائی طول بلد کے مترادف ہے، دونوں خط استوا کے ابتدائی سمت، مبدا (نقطہ صفر) سے ماپے جاتے ہیں۔ مطلع مستقیم، نقطہ اعتدال ربیعی (جسے نقطہ اول حمل (انگریزی: First point of Arise) بھی کہا جاتا ہے) سے ناپا جاتا ہے، یہ وہ نقطہ ہے جہاں دائرۃ البروج خط استوا سماوی کو قطع کرتا ہے دوسرے الفاظ میں یہ وہ مقام یا نقطہ ہے جہاں سورج اعتدال ربیعی کے دوران جنوب سے شمال کی طرف جاتے ہوئے خط استوا سماوی کو قطع کرتا ہے۔ موجودہ دور میں یہ نقطہ مجمع النجوم حوت (مجمع النجوم) میں واقع ہے۔ اسے زاویہ کے کسی بھی اکائی سے ناپا جا سکتا ہے لیکن عام طور پر اسے گھنٹہ (h)، دقیقہ (وقت) (m) اور ثانیہ (s) میں ناپا جاتا ہے جس میں ایک چکر 24 گھنٹوں کا ہوتا ہے۔
مزید دیکھیے
This article uses material from the Wikipedia اردو article مطلع مستقیم, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). تمام مواد CC BY-SA 4.0 کے تحت میسر ہے، جب تک اس کی مخالفت مذکور نہ ہو۔ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki اردو (DUHOCTRUNGQUOC.VN) is an independent company and has no affiliation with Wiki Foundation.