دلت

لفظ دَلِت(سنسکرت سے:दलित، دَلِتَ یعنی ٹوٹا/بکھرا ہوا، ہندی:दलित) کے معنی مظلوم کے ہیں۔ یہ نام جنوبی ایشیا کے سماج کے طبقوں نے خود کے لیے چنا ہیں جنہیں ماضی میں اچھوت کہا جاتا تھا۔انیسویں صدی میں ایک سماجی کارکن نے اس لفظ کو بطور اصطلاح متعارف کروایا تھا۔ یہ لوگ ہندوؤں کے ذات پات نظام میں مذکور چار ذاتوں برہمن، چھتری، ویش اور شودر کے بعد آتے ہیں، اس لیے عملاً یہ ذات پات کے نظام سے باہر ہیں۔بھارت میں ان لوگوں کو سماجی تحفظ دینے کے لیے قانون سازی بھی کی گئی ہے اور دلت ذات میں سے اب تک ایک صدر بھی بن چکا ہے جن کا نام کے آر نارائن تھا ۔ برطانوی دور میں انگریزوں نے دلتوں کی بہبود کے لیے انھیں الگ سے انتخابات لڑنے کا موقع دیا جس کی گاندھی جی نے مخالفت کی۔ بعد میں ایک سماجی کارکنوں سے انھوں نے معاہدہ کیا جسے پونا معاہدہ کے نام سے یاد کیا جاتا ہے۔