Tripoli

Wɔatwerɛ nsɛm wei ɛwɔ Asante kasa mu

Ɛno ne ɔman no Ahenkro ne afei kurow a ɛso paa wɔ Libya man no mu. Wɔ afe 2019 mu no, na nnipa a wɔwɔ kurow nom dodow yɛ ɔpepepem baako ne akyire. Wobɛhu saa kurow yi wɔ Libya atifi fam wɔ anweatam no n'ano. Nneɛma atitiriw a wobɛhu wɔ hɔ no bi nye Tripoli Po so Hyɛn gyinabea, ɔman no mfir dwuma bea a ɛso paa wɔ ɔman no mu, Tripoli Suapɔn ne beaɛ a Bab al-Azizia asraafo fie wɔ. Afei nso hɔm na wɔn manpanyin dada Muammar Al-Gaddafi n'abusua fie wɔ na asraafo fie hɔ na na ɔte bu ɔman no.

Nkurɔfo a wɔtee Tripoli man yi wɔ Sɛntri 7 BC mu no din de Phoenicians, na akyiri wode maa Libyco-Berber(Tete Libyafo) no ansa na ɛrebedi Greekfo nsam. Esiane kurow sɛ kurow no wɔ abakɔsɛm pii nti, wɔwɔ nhomakroabea ne abakɔsɛm mbeaɛ pii wɔ mu.Wɔnyaa edin Tripoli no fii Greek kasa mu a ɔkyerɛ nkurow mmieɛnsa.

Tripoli Abakɔsɛm

Phoenicianfo na wɔtee kurow no na wɔmaa no edin Libyco-Berber esiane sɛ na wodwen sɛ na saa beaɛ no yɛ kurow dada bi a na wɔfrɛ no Berber ananmu. Nea ɛmaa saa nkorɔfo yi ani gyee beaɛ no nye Ɛpo sohyɛn gyina bea a na wobenya ne ahobanbɔ a na ɛwɔ hɔ esiane asaase no yɛbea ne nsu a na atwa wɔn ho akyia na ɛbɛma wɔahu wɔn Atanfo koraa ansa na woadu hɔ no maa wosoɛ hɔ. Ɛkyiri wɔde kurow no hyeɛ Greek nkorɔfo nsa nanso ankyɛ na wɔde maa Carthaginians fo no.