Пляж Волейболы
Пляж волейболы (бич-волей) — туп ярдәмендә уйнала торган спорт уены.
Спортчылар челтәр ярдәмендә ике тигез өлешкә бүленгән комлы мәйданда яланаяк уйныйлар. Уенның максаты — кул белән бәреп, тупны көндәшләр тотып кала яки дөрес итеп бәреп җибәрә алмаслык итеп икенче якка төшерергә. Шулай ук уен вакытында тупны мәйданның үз өлешендә җиргә төшермәслек итеп уйнарга кирәк.
Пляж волейболы спорт төре буларак классик волейболдан барлыкка килгән. Әлеге ике спорт төре арасында бик күп уртак яклар бар. Шулай ук аермалар да шактый. Алар уенның кагыйдәләрендә һәм уен техникасында чагылыш таба. Пляж волейболында уңышка ирешү өчен спортчы яхшы сикерергә, реакциясе яхшы булырга тиеш. Шулай ук көч, тупны тоя белү дә бик мөһим. Гадәти волейболдан аермалы буларак, биредә спортчы атлетик яктан әзерлекле булырга тиеш. Комда уйнаганда аңа күбрәк сикерергә, этелергә туры килә. Уенчылар өчен универсал булу да кирәк. Чөнки пляж волейболы командасы дүрт кешедән генә тора. Уенчылар амплуа буенча бүленми, алар уен мәйданында иркенрәк урнашалар.
Пляж волейболы белән төп идарә иткән оешма — Халыкара волейбол федерациясе (FIVB). 1996 елдан бирле әлеге спорт төре Олимпия уеннарының спорт программасына кертелгән. Олимпиададан тыш, ике елга бер тапкыр пляж волейболы буенча Дөнья чемпионаты үткәрелә.
Сылтамалар
- Универсиада 2013 сайтында пляж волейболы 2012 елның 20 июль көнендә архивланган.
 | Бу мәкаләнең сыйфатын арттырыр өчен түбәндәгеләрне эшләргә кирәк?:
|
This article uses material from the Wikipedia Tatarça / Татарча article Пляж волейболы, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Мәгълүмат CC BY-SA 4.0 буенча таратыла (әгәр башкасы күрсәтелмәсә). Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Tatarça / Татарча (DUHOCTRUNGQUOC.VN) is an independent company and has no affiliation with Wiki Foundation.