2011 Домодедово Һава Аланында Шартлау
Домодедово һава аланында шартлау — 2011 елның 24 гыйнварында 16 сәгать 32 минутта Мәскәүнең Домодедово һава аланында булган шартлау.
Вакыйгалар дисбесе
- 16:32дә каршылаучылар булган залда шартлау. Һава аланы бинасы төтен белән капланган. Очышларның өлеше Шереметьево һава аланына күчерелә. Кимендә 35 кешенең вафат булуы хәбәр ителә. Барлыгы 130дан артык кеше төрле җәрәхәтләр алган .
- РФ Тикшерү Комитеты «террор гамәле» дигән мәддә нигезендә җинаять эшен ачкан.
- Һава аланында эшләгән такси хезмәткәрләре бару бәясен 10-20 мең сумга күтәргән .
- Россия президенты Дмитрий Медведев Давоска сәфәреннән баш тарта.
- 23:00: Россия МЧСы мәгълүматларына караганда шартлаудан 180ннән күбрәк кеше зарар күрде.
- Туганнар турында белешү өчен «кайнар линия» ачылган.
- YouTube сайтында шартлауның видеоязмасы чыкты.
Халыкара реакция
Азәрбайҗан, Алмания, АКШ, Беларус, Болгария, Бөекбритания, Парагвай, Польша, Латвия, Сербия, Эстония, Украина, Франция, НАТО җитәкчеләре россиялеләр белән кайгы уртаклашуы турында белдерделәр, вакыйгага кискен тәнкыйтен белдерделәр.
Нәтиҗәләр
Шартлаулар сәбәпле, Мәскәүдән Казанга барган очкычлар берникадәр соңга калып килгәннәр.
26 гыйнвар Россиядә яс көне дип игълан ителде. 25 гыйнварда исә ил университетлары Студентлар көнен билгеләүдән баш тарттылар.
Искәрмәләр
This article uses material from the Wikipedia Tatarça / Татарча article Домодедово һава аланында шартлау (2011), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Мәгълүмат CC BY-SA 4.0 буенча таратыла (әгәр башкасы күрсәтелмәсә). Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Tatarça / Татарча (DUHOCTRUNGQUOC.VN) is an independent company and has no affiliation with Wiki Foundation.