Альберт Нестеров: театр рәссамы
Альберт Нестеров, Альберт Валерий улы Нестеров (рус. Альберт Валерьевич Нестеров, 1976 елның 11 марты, СССР, РСФСР, БАССР, Уфа) ― театр рәссамы, 2012 елдан Мәҗит Гафури исемендәге Башкорт дәүләт драма театрының баш рәссамы, БР атказанган сәнгать эшлеклесе (2013), Россия Федерациясенең «Алтын битлек» театр (2016), Башкортстанның Салават Юлаев исемендәге дәүләт (2020) премияләре лауреаты.
| Альберт Нестеров | |
|---|---|
| Туган телдә исем | Альберт Валерьевич Нестеров |
| Туган | 11 март 1976 (48 яшь) СССР, РСФСР, БАССР, Уфа |
| Ватандашлыгы |  СССР→ РФ |
| Һөнәре | режиссёр, театр рәссамы |
| Бүләк һәм премияләре |    |
| Сайт | Альберт Нестеров |
Тәрҗемәи хәле
1976 елның 11 мартында Уфада туган. Черниковкада балалар сәнгать мәктәбен (лицей), Уфа дәүләт сәнгать институтының режиссёрлык бүлеген тәмамлаган (Р. В. Исрафилов курсы, укытучылары Б. Б. Хәйбуллин, И. Ш. Сәетов, 2000) . Диплом эше ― Жан Батист Мольерның «Саран» пьесасы буенча куелган спектакль.
Хезмәт юлы
Югары уку йортында укыганда Гафури театрының баш рәссамы Таң Еникеевның ассистенты була.
2001 елдан Салават драма театрында: куючы-рәссам, 2003―2012 елларда ― театрның баш рәссамы.
2012 елдан – Мәҗит Гафури исемендәге Башкорт дәүләт драма театрының баш рәссамы.
2016 елда узган IV халыкара «Нәүрүз» театраль белем бирү фестиваль-форумында (Казан) «Спектакльнең образын иҗат иткәндә пьеса белән эшләү» семинарын алып бара.
Иҗаты
А. В. Нестеров бер үк вакытта сценограф, костюмнар һәм яктырту буенча рәссам, реклама продукциясе дизайнеры. Төрле театр сәхнәләрендә Альберт Нестеров 100 дән артык спектакль бизәгән .
Бизәгән спектакльләренең кайберләре
- Бирнәсез кыз (А. Островский, 2012)
- Ак пароход (Ч. Айиматов, 2013)
- Әниләр һәм бәбиләр (Т. Миңнуллин, 2014)
- Каһым түрә (Б. Бикбай, 2015)
- Зөләйха күзләрен ача (Г. Яхина, 2017)
- Ташлама утны, Прометей (М. Кәрим, 2018)
- Кыз урлау (М. Кәрим, 2019) һ. б.
- Шулай булды шул (Т. Миңнуллин)
- Соңлаган мәхәббәт (А. Островский)
- Сөяркәм килгән. Нишләргә? (З. Хәким)
- Ай тотылган төндә (М. Кәрим) һ. б.
- Урман әкияте
- Ябык ишекләр артында (Ж. П. Сартр) һ. б.
- Асылъяр (М. Фәйзи)
- Кодача (Б. Бикбай, З. Исмәгыйлев) һ. б.
- Сыер (Н. Хикмәт)
- Җил көе (З. Хәким)
- Килмешәк (С. Гаффарова, 2017)
- Күрәсем килгән иде (И. Мәхмүтова)
- Ырынбур рус театры
- Купшы ир (С. Белов )
- Аккош күле (А. Чехов) һ. б.
- Новосибирск театры
- Зөләйха күзләрен ача (Г. Яхина)
- Сөясеңме, сөймисеңме (Ф. Бүләков, 2021)
Бүләкләре, мактаулы исемнәре
- 2013 ― БР атказанган сәнгать эшлеклесе
- 2016 ― «Алтын битлек» премиясе ― «костюмнар буенча иң яхшы рәссам эше» номинациясендә (Гафури театрында куелган «Кара йөзләр» спектакле, М. Гафури әсәре)
- 2016 ― Салават Юлаев ордены ― «мәдәният, сәнгать өлкәсендә югары иҗади казанышлары өчен»
- 2020 ― Салават Юлаев премиясе ― Гүзәл Яхинаның «Зөләйха күзләрен ача» романы һәм Мәҗит Гафуриның «Кара йөзләр» повесте буенча куелган спектакльләр өчен (Гафури театрының сәнгать җитәкчесе Айрат Әбүшахманов белән бергә)
Сылтамалар
- Альберт Нестеров. 2021 елның 2 декабрь көнендә архивланган. Гафури театры сайты(рус.)(башк.)
- Альберт Нестеров. «Алтын битлек» фестиваленың рәсми сайты(рус.)
Искәрмәләр
This article uses material from the Wikipedia Tatarça / Татарча article Альберт Нестеров, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Мәгълүмат CC BY-SA 4.0 буенча таратыла (әгәр башкасы күрсәтелмәсә). Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Tatarça / Татарча (DUHOCTRUNGQUOC.VN) is an independent company and has no affiliation with Wiki Foundation.