Ray Phiri: Muyimbeleri wa vunanga bya jazz wa Afrika Dzonga
Raymond Chikapa Enock Phiri (23 Nyenyankulu 1947 - † 12.
| Ray Phiri | ||
| ||
| Ntirho: | Muqambhi, Muyimbeleri | |
| Siku ro velekiwa: | 23. Nyenyankulu 1947 | |
| Ndhawu yo velekiwa: | Nelspruit; Mpumalanga; Afrika Dzonga | |
Mudyaxihi 2017) a kuri nqambhi na muyimbeleri wa vunanga bya Jazz na mbaqanga wa laha Afrika Dzonga, loyi a tswariweke eMpumalanga naswona tata wakwe a kuri mutirhi wo suka e tikweni ra Malawi loyi a a tiviwa hi ra "Just Now" Phiri. U sungule ntlawa wa vunanga lowu a wu tiviwa hi ra Cannibals eka malembe ya ma 1970. Loko ntlawa wa Cannibals wu hangalaka, Ray u sungule ntlawa wa vunanga lowu a wuvuriwa Stimela, naswona va thlomiwe risiva ra Nsuku na Platinamu hileswi va xaviseke ti Albamu to tala, leti hlanganisaka Fire, Passion and Ecstacy (1991), Look, Listen and Decide (1992) na People Don't Talk So Let's Talk.
Malembe ya le ndzhaku
Ray Phiri u velekiwe ekusuhi na Nelspruit khale ka vuxa bya Transvaal, leyi nga xifundza xa Mpumalanga, e Africa Dzonga. Hi lembe ra 1985, Paul Simon u kombele Ray ku hlanganisa na Ladysmith Black Mambazo leswaku va hlanganela eka pfumba ra yena ra Graceland, leri humeleleke naswona ri kote ku pfuna tinqambi to tala ta Afrika Dzionga ku tiveka eminsungeni ya malwandle. Ray uthlele a tirhisana na Paul Simon ekuhumeleriseni albamu ya Rhythm of the Saints, leyi vangeke leswaku vaya chaya emahlweni ka xitshungu e Central Park na Madison Square Garden vathlela va vonakala eka nongonoko wa Thelevixini e tikweni ra Amerika. Hi lembe ra 2012, Paul Simon u lulamise pfumba ro heta malembe ra Graceland nakambe laha Ray atheleke a hlanganela eke pfumba leri.
Ta vutomi bya yena
Phiri uvile eka tinghozi ta mimovha to hlaya leti khumbeke vutomi bya yena na vuqambhi bya yena. Phiri uvaviseke ngopfu hi lembe ra 1987 eka nghozi ya movha leyi hundzeke na vutomi bya vachayi kulori va yena va ntsevu kuhlanganisa na Manejara wakwe. Hi lembe ra 2003, nsati ulovile eka nghozi ya movha, laha Ray a vavisekeke ngopfu.
Ray Phiri u love hi ti 12 ta Mudyaxihi 2017, a ri na malembe ya 70, exibhedlele xa Nelspruit hi vuvabyi bya Mfukuzana.
Kuhumelela ka yena
Phiri uthlomiwe tinsiva to tala hikwalaho ka vuqambhi na vunanga bya yena, rin'wana ra risiva leri kuve Order of Ikhamanga ra Silvere leri a rithlomiweke hi Presidenti ya tiko ra Afrika Dzonga. Risiva leri urikume hikwalaho ka ntirho wayena eka Vunanga na kutirhisa vuyimbeleri ku hlohlotela nhluvuko e van'whini.
Vuqambhi byakwe
- 1982: Fire, Passion And Ecstasy
- 1983: Rewind
- 1985: Shadows, Fear And Pain
- 1986: Look, Listen And Decide
- 1987: Unfinished Story
- 1989: Trouble In The Land Of Plenty
- 1996: Out Of The Ashes
- 2000: Steam Tracks (Best of)
- 2001: Live At The Market Theatre - 1st Half (Live)
- 2002: The 2nd Half (Live)
- 2010: A Lifetime...
- 2011: Turn On The Sun
Mintshaho
Minkombo yale handle
- Profile on music.org.za Archived 2017-07-19 at the Wayback Machine.
- Profile on allmusic.com
This article uses material from the Wikipedia Xitsonga article Ray Phiri, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Xitsonga (DUHOCTRUNGQUOC.VN) is an independent company and has no affiliation with Wiki Foundation.