Ang pagkabingi o kahinaan sa pagdinig (Ingles: deafness, hearing impairment) ay ang kalagayan ng isang taong hindi makarinig o hindi mainam ang pandinig.
Isa itong katayuan ng pagkakaroon ng tao ng buo o bahagi lamang na bawas sa kakayahang makapansin o makadetekta at makauna ng mga tunog. Sanhi ito ng malawak na saklaw ng mga biyolohikal at pampaligid na mga bagay. Maaaring mangyari ang kawalan ng pandinig sa anumang organismong nakakasagap ng tunog. Mas kalimitang ginagamit ang panghihina ng pandinig o kahinaan sa pandinig sa mga taong hindi nakakarinig, bagaman tinataw ang katagang ito bilang isang negatibong katawagan, partikular na ng mga kasapi ng kulturang bingi o kalinangang hindi makarinig, na mas iniibig o ninanais ang salitang bingi o nahihirapan sa pagdinig.
Maraming mga taong bingi, katulad nina Ludwig van Beethoven, Helen Keller, at Marlee Matlin. Marami sa mga taong bingi ang natututo ng wikang pasenyas upang magawa nilang makipagtalastasan at makipag-ugnayan sa ibang mga tao.
Sa ibang pakahulugan, maaaring tumukoy ang pagkabingi sa taong ayaw makinig o ayaw sumunod sa pinag-uutos o payo ng kapwa tao. Kaya't may kaugnayan ang salita sa mga sumunod pang mga salita: engot, balingot, paking, bingengot, bingaw, tulingag, tulig, nagtatayngang-lipya, nagtatayngang-kawali, at nambabale-wala sa naririnig.
Ang lathalaing ito na tungkol sa Karamdaman, Kalusugan at Panggagamot ay isang usbong. Makatutulong ka sa Wiki sa pagpapalawig nito.
This article uses material from the Wikipedia Tagalog article Pagkabingi, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Maaaring gamitin ang nilalaman sa ilalim ng CC BY-SA 4.0 maliban kung nabanggit. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Tagalog (DUHOCTRUNGQUOC.VN) is an independent company and has no affiliation with Wiki Foundation.