Neil Gaiman

Kabilang sa kanyang mga kilalang gawa ang serye ng komiks na The Sandman at mga nobelang Stardust, American Gods, Coraline, at The Graveyard Book. Nanalo siya ng maraming parangal, kabilang ang mga parangal ng Hugo, Nebula, at Bram Stoker, pati na rin ang mga medalyang Newbery at Carnegie. Siya ang kauna-unahang manunulat ng parehas na mga medalyang Newbery at Carnegie para sa kaparehas na likha, The Graveyard Book (2008). Noong 2013, binoto ang The Ocean at the End of the Lane bilang Aklat ng Taon sa Briton na Pambansang Gantimpala ng mga Aklat.

Neil Gaiman
Si Neil Gaiman noong Abril 2013
Kapanganakan	Neil Richard Gaiman (1960-11-10) 10 Nobyembre 1960 (edad 63) Portchester, Hampshire, Inglatera
Trabaho	Manunulat, manlilikha ng komiks, manunulatsay, aktor sa boses
Nasyonalidad	Briton
Kaurian	Pantasya, katatakutan, salaysaying makaagham, pantasyang madilim, katatawanan
(Mga) kilalang gawa	The Sandman, Neverwhere, American Gods, Stardust, Coraline, The Graveyard Book, Good Omens, The Ocean at the End of the Lane
(Mga) asawa	Mary McGrath (1985–2007) Amanda Palmer (2011–kasalukuyan)
(Mga) anak	4
(Mga) nakaimpluwensiya Douglas Adams, Alan Moore, Jack Vance, Roger Zelazny, Jorge Luis Borges, Ray Bradbury, G. K. Chesterton, James Branch Cabell, Lord Dunsany, Harlan Ellison, Ursula K. Le Guin, Robert A. Heinlein, Shirley Jackson, R. A. Lafferty, C. S. Lewis, Terry Pratchett, H. P. Lovecraft, Michael Moorcock, Clive Barker, Dave Sim, Thorne Smith, J. R. R. Tolkien, Peter S. Beagle, Gene Wolfe, Lewis Carroll, Russell Payne, Dave McKean
neilgaiman.com

Ang pamilya ni Neil Gaiman ay may Polako-Hudyo at iba pang Silanganing Europeong-Hudyong pinagmulan; ang kanyang lolo sa tuhod ay nanggaling mula sa Antwerp, Belhika, papunta sa NK bago ang 1914 at ang kanyang lolo ay tuluyang nanirahan sa timog ng Inglatera sa lungsod ng Hampshire ng Portsmouth at nagtatag ng maraming mga pamilihan. Ang kanyang ama, si David Bernard Gaiman, ay nagtrabaho sa parehong mga pamilihan; ang kanyang ina, si Sheila Gaiman (née Goldman), ay isang parmasyutiko. Mayroon siyang dalawang nakababatang kapatid na babae, sina Claire at Lizzy.

Pamamahayag, mga unang sulat, at mga impluwensyang pampanitikan

Bilang isang bata at binatilyo, binasa ni Gaiman ang mga gawa nina C. S. Lewis, J. R. R. Tolkien, Lewis Carroll, Mary Shelley, Rudyard Kipling, Edgar Allan Poe, Michael Moorcock, Alan Moore, Ursula K. Le Guin, Harlan Ellison, Lord Dunsany at G. K. Chesterton.