Pangatnig: Bahagi ng pananalita na dumudugtong sa dalawang salita, pangungusap, parirala, o sugnay

Sa balarilang Filipino, ang pangatnig ay maaring magbukod (katulad ng "o," "ni", "habang" at "maging"), manalungat (katulad ng "ngunit," "habang" at "bagamat"), maglinaw (katulad ng "kaya," "kung" at "gayon"), manubali (katulad ng "kapag" at "sana"), magbigay halintulad (katulad ng "kung saan" at "gayon din"), magbigay sanhi (katulad ng "sapagkat" at "dahil") at magbigay ng pagtatapos (katulad ng "sa wakas" at "upang").

at

Ito ay ginagamit na pang-ugnay sa dalawang salita, parirala o pangungusap na pagkaugnay.

Halimbawa: "ina at ama", "Aalis ako ngayon at bukas na ako babalik."

Isa pang halimbawa: "Pupunta ako sa parke kasama sina Liza at Remy."

ngunit, subalit, pero, datapwat, kaso

Ito ay ginagamit na pang-ugnay ng dalawang kaisipang magkakontra o magkasalungat.

Halimbawa: "Gusto kong maligo pero wala namang tubig."

Isa pang halimbawa: "Kailangan ko lumabas, kaso nawawala ang quarantine pass ko."

o

Ito ay ginagamit na pang-ugnay ng mga salita o kaisipang pinagpipilian.

Halimbawa: "mahal ko o mahal ako", "Alin sa mga ito ang gusto mo, pula, puti o asul?"

Iba pang halimbawa

Narito ang mga iba pang uri ng pangatnig:

• ni- pang ugnay sa pangalang ng tao
• kaya
• maging
• man
• saka
• pati
• di kaya
• gayundin
• kung alin
• bagkus
• samantala
• habang
• maliban
• bagaman
• kung
• sa bagay
• kundi
• kapag
• sakali
• sana
• sapagkat
• kasi
• kung kaya
• palibhasa
• dahil sa
• sanhi ng
• samakatuwid
• sa madaling salita
• Habang

Mga Pinagkukunan

• Pinagyamang Pluma 9, by Ailene G. Baisa-Julian, Mary Grace G. del Rosario, Nestor S. Lontoc ISBN 978-971-06-3652-5, pp. 87

• Bagong Likha: Wika at Pagbasa 4, by Ester V. Raflores ISBN 978-971-655-331-4, pp. 429-430

  Ang lathalaing ito ay isang usbong. Makatutulong ka sa Wikipedia sa pagpapalawig nito.