Ang mga lagas-dahon, lugas-dahon, ngulag-dahon, o hunos-dahon (Ingles: deciduous, nangangahulugang nahuhulog kapag hinog na o maaari o malamang na mahulog) ay ang karaniwang katawagan para sa mga puno o mga palumpong na panapanahong nawawalan (nakakalbo o nababawasan), nalulugasan, nangungulag, o nalalagasan ng kanilang mga dahon, at pati na rin sa paghuhunos ng iba pang mga kayariang panghalaman na katulad ng mga talulot (mga dahon ng bulaklak) pagkaraang mamulaklak o magbunga, kapag hinog na, o tuwing panahon ng taglagas.
Sa mas tiyak na diwa, ang paglalagas ay ang pagbagsak ng isang bahagi na hindi na kailangan, o paglaglag pagkaraan na magwakas na ang layunin nito. Sa mga halaman, ito ang kinalabasan ng prosesong likas. Ang paglalagas o pagiging desiduoso ay may kahalintulad na kahulugan kapag tumutukoy sa mga bahagi ng hayop, katulad ng nalalagas na mga antler o sungay ng usa, o sa mga ngiping nalalagas, na nakikilala rin bilang ngipin ng sanggol, sa ilang mga mamalya (kabilang na ang mga batang tao). Ang mga halamang o punong lagas-dahon ay kabaliktad ng mga halamang laging-lunti.
Ang lathalaing ito na tungkol sa Botanika ay isang usbong. Makatutulong ka sa Wiki sa pagpapalawig nito.
This article uses material from the Wikipedia Tagalog article Lagas-dahon, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Maaaring gamitin ang nilalaman sa ilalim ng CC BY-SA 4.0 maliban kung nabanggit. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Tagalog (DUHOCTRUNGQUOC.VN) is an independent company and has no affiliation with Wiki Foundation.