Bjørnstjerne Bjørnson

Itinuturing siya bilang isa sa "Ang Dakilang Apat" na mga manunulat na Noruwego; sina Henrik Ibsen, Jonas Lie, at Alexander Kielland ang iba pa. Ipinagdiriwang si Bjørnson dahil sa kanyang mga liriko para sa Pambansang Awit ng Noruwegang "Ja, vi elsker dette landet".

Bjørnstjerne Bjørnson
Kapanganakan	8 Disyembre 1832 (Tynset Municipality, Innlandet, Noruwega)
Kamatayan	26 Abril 1910 Paris (Grand Paris, Île-de-France, Metropolitan France, Pransiya)
Libingan	Vår Frelsers gravlund
Mamamayan	Noruwega
Nagtapos	Unibersidad ng Oslo
Trabaho	makatà, mandudula, manunulat, mamamahayag, prosista, politiko
Asawa	Karoline Bjørnson (11 Setyembre 1858–26 Abril 1910)
Anak	Bergliot Ibsen Bjørn Bjørnson Erling Bjørnson
Magulang	Peder Bjørnson
Pirma

Ipinanganak si Bjørnson sa Kvikne, sa Bulubundukin ng Dovre, ng Noruwega. Anak na lalaki siya ng pastor ng nayon. Pagkaraan ng anim na taon, lumipat ang mag-anak niya papunta sa Naesset (o Nesset) na nasa kanlurang dalampasigan ng Noruwega.

Nag-aral siya sa paaralan ng balarila sa Molde. Pagkalipas nito, pumasok siya sa Pamantasan ng Christiana, kung saan siya nagsimulang magsulat ng mga berso at mga artikulo para sa pahayagan.

Sa Upsala niya napag-alamang may "tawag" siya para sa larangan ng panitikan, noong 1856. Noong 1857, naisulat niya ang kanyang unang obra maestra, ang Synnøve Solbakken (o Synnöve Solbakken), habang nasa Copenhagen. Nasundan ito ng Arne noong 1858, isang kuwentong naglunsad ng baong panahon sa panitikang Noruwego, at naging dahilan din kanyang isa sa mga nangungunang Noruwegong mga manunulat sa kanyang panahon.

Noong 1887, ipinalabas ni Bjørnson ang dramang "The King" ("Ang Hari") na nagkaroon ng epektong pampolitika sa Noruwega, sapagkat isa itong pag-atake sa pinuno ng Noruwega at Sweden, at naging sanhi ng pagtanggap kay Bjørnson bilang pinuno ng bagong kilusang ito ng bawat isang Noruwegong nagnanais na maging isang nagsasariling bansa ang Noruwega.