Гигабайт

Гбайт; Гб, ихтисораи ҷаҳонӣ.: Gbyte, GB) — воҳиди каратии андозагирии миқдори иттилоот. 1 Г= 10⁹ ё 2³⁰ = 1073741824 (мувофиқи пешниҳоди Комиссияи байналмилалии электротехника гибибайт аст). Ишораташ ГБ. Номгӯй ва ишорати воҳиди миқдори иттилоот «байт» (1 байт = 8 бит) бо пешванди «Кило», «Мега», «Гига» истифода мешаванд, ки ба зарбкунандаи «2¹⁰», «2²⁰» ва «2³⁰» мувофиқат мекунанд (1 Кбайт=1024 байт, 1 Мбайт=1024 Кбайт, 1 Гбайт=1024 Мбайт). Пешвандҳои мазкур бо ҳарфи калон навишта мешаванд. Истифодаи ишорати байналмилалии воҳиди иттилоот бо пешвандҳои «К», «М», «G», ки стандарти Комиссияи байналмилалии электротехникӣ МЭК 60027-2 тавсия додааст, иҷозат дода шудааст. Ҳангоми истифодаи Г. (10⁹ ё 2³⁰) баъзан харидорони маҳсулоти компютерӣ (курсҳои дурушт ва кортҳои флеш-хотирот) душворӣ мекашанд. Маъмулан дар маснуот ҳаҷми воқеии он, мас., 1 гигабайт (10⁹) ишорат мешавад, харидор баъзан гумон мекунад, ки маснуот ҳаҷми 1 гигибайт (2³⁰) дошта, ин ҳолат боиси нофаҳмию ноҳинҷорӣ мегардад.

Дар забон (сленг)-и компютерӣ истилоҳи гигабайтроро ба калимаҳои гектар, гиг ва ҳатто гиббон низ иваз мекунанд.