Геловани, Михаил Георгиевич

Артисти халқии ИҶШС (1950).

Геловани, Михаил Георгиевич
Таърихи таваллуд:	6 январ 1893(1893-01-06)
Зодгоҳ:	Сухум, Sukhumi Okrug[d], Губернияи Кутаиси, Caucasus Viceroyalty[d], Русияи подшоҳӣ ё Lechkhumi Uyezd[d], Губернияи Кутаиси, Caucasus Viceroyalty[d], Русияи подшоҳӣ
Таърихи даргузашт	21 декабр 1956(1956-12-21) (63 сол)
Маҳалли марг:	Маскав, ИҶШС
Шаҳрвандӣ:	Русияи подшоҳӣ  ИҶШС
Касб:	ҳунарпеша, коргардони филм, ҳунарпешаи театр, ҳунарпешаи синамо, коргардони театр, chorist
Корнома:	аз 1913
Ҷоизаҳо:	Ҳунарпешаи мардумии ҶШС Гурҷистон[d] (1946)
IMDb:	ID 0312499
Парвандаҳо дар Викианбор

Фаъолияти эҷодиашро дар Батуми оғоз намуда, баъд дар театрҳои Боку, Кутаиси кор кардааст. Пас аз Инқилоби Октябр аз мактаби ҳунарпешагии Театр-студияи коргардон Михаил Геловани Ҷабарии Тифлис гузашт (1919–20). Нимаи дуввуми солҳои 20 садаи XX ба коргардонии филмҳо рӯ овард. Аз соли 1927 коргардону басаҳнагузорандаи студияи филмбардории «Армен-кино», баъд ҳунарпешаи Театри ба номи Ш. Руставелии Тифлис (1936–39), Театри бадеии академии Маскав ба номи М. Горкий (1942–48), театр-студияи актёри кино (1954–56) буд. Ба нақшҳои иҷрокардаи Михаил Геловани мушоҳидакории дақиқ хос аст: Васка Пепел («Дар қаър»-и М. Горкий), Котсия («Дӯшинаҳо»-и Ш.Н. Дадиани), Тариэл Мкловадзе (пйесаи ҳамноми Э. Ф. Ниношвили) ва ғ. Михаил Геловани нахустин иҷрокунандаи нақши И. В. Сталин дар театр (1937, «Аз шарора»-и Дадиани; «Марди мусаллаҳ»-и Н. Погодин) ва дар кино – «Шафақи бузург» (1938; Мукофоти давлатии ИҶШС,1941), «Ленин дар соли 1918» (1939; «Мудофиаи Саритсин» (1942; Мукофоти давлатии ИҶШС, 1942), «Қасам» (1946; Мукофоти давлатии ИҶШС, 1947), «Сарнагуншавии Берлин» (1950; Мукофоти давлатии ИҶШС, 1950) мебошад. Дар кино дигар нақшҳои ҷолиб низ бозидааст: Бахва Пулава («Се ҳаёт», 1925), шоир («Хабарда», 1931), Ломидзе («То дидан», 1935), Крилэ («Водии заррин», 1937) ва ғ. Михаил Геловани режиссёри филмҳои «Ҷавонии музаффар» (1929) ва «Қафқозии асил» (1939) аст. Бо ордени Байрақи Сурхи Меҳнат сарфароз гардидааст.