Ҷазира Мадейра

Ҷазираи Мадейра (порт. Madeira – ҷангал) – гурӯҳи ҷазираҳои вулканӣ.

Дар уқёнуси Атлантик (калонтаринаш ҷаз. Мадейра, баландияш то 1862 м, кӯҳи Пику-Руйву), дар наздикии соҳилҳои ҷанубу ғарбии Африқо ҷойгир аст. Ҳудуди Португалия. Масоҳаташ 797 км². Иқлимаш уқёнусию баҳримиёназаминӣ. Ҳарорати миёнаи январ тақр. 16⁰ С, июл 25⁰С. Боришоти солона 740 мм. М.- ро асосан гармдаштҳои субтропикӣ ва кӯҳҳои онро бешаҳои дарахтони ғор (лавр) фаро гирифтаанд. Дар М. кишоварзии гармсерӣ рушд кардааст: токпарварӣ, шаробпазӣ. Осоишгоҳҳои зимистонаи Фуншал, Камаша ва ғ. дорад. Шаҳр ва бандари асосии М.  – Фуншал (дар ҷаз. Мадейра). Соли 1419 ҷаз. Порту Санту ва галаҷаз. Мадейраро баҳрнавардони португалӣ Ж. Гонсалвиш Зарку ва Т. Ваш Тейшер кашф кардаанд. Футболбози машҳур – Криштиану Роналду дар ш. Фуншали ҷаз. Мадейра таваллуд шудааст.

 

 

 

 

 

• Официальная веб-страница регионального правительства Мадейры(порт.)(пайванди дастнорас — таърих). Баргирифта аз сарчашмаи аввал 9 май 2007.
• Официальная веб-страница регионального управления статистики Мадейры(порт.)(пайванди дастнорас — таърих). Баргирифта аз сарчашмаи аввал 13 ноябри 2012.
• Официальная туристическая веб-страница Мадейры(исп.)(пайванди дастнорас — таърих). 24 ноябри 2011 санҷида шуд. Баргирифта аз сарчашмаи аввал 14 май 2011.
• Детальная карта острова Мадейры(порт.)(пайванди дастнорас — таърих). Баргирифта аз сарчашмаи аввал 5 феврали 2009.
• Portugal Official Tourism Website(порт.)(англ.)(исп.)(олмонӣ)(фр.)(ит.)(нл.)(рус.)(ҷоп.)
• Ботанический сад Мадейры(рус.)