Весталкаҳо (лот.
Весталкаҳоро ба ибодатгоҳ дар синни 6-солагӣ пазируфта, дар тайи 10 сол онҳоро ҳамчун нигаҳбони оташи муқаддас омода мекарданд. Баъди даҳ соли хидмату риёзат весталкаҳо ба тарбият ва омӯзиши духтарони хурдсол машғул шуда, нигаҳбонони ояндаи оташи муқаддасро ба камол мерасонданд. Пас аз интиҳои 30 соли ранҷу хидмат весталкаҳо метавонистанд ихтиёран тоату ибодатро идома диҳанд ё ба шавҳар баромада, зиндагии осудаҳолонаи дунявиро пеш гиранд. Ҳангоми буду бош дар ибодатгоҳ весталкаҳо вазифадор буданд, ки оташи дар оташкадаи махсус маҳфузро содиқона нигаҳбонӣ намоянд. Весталкаҳо пайваста ба оташи муқаддас ҳезум афканда, бовар доштанд, ки хомӯш шудани оташ боиси нохушии бузурге дар Рум мегардад. Весталкаҳо пироҳани сафеди ҳошиядор пӯшида, дар миёни сокинони Рум эҳтироми зиёд доштанд. Онҳо тимсоли покию риёзати занона буда, дар маросиму ид ва ҷамъомадҳои мардумӣ дар ҷойҳои хосса менишастанд ва ҳатто баъди марг дар қабристони бошукӯҳи канори Рум дафн мешуданд. Дертар баъди паҳн гардидани дини масеҳӣ дар Рум нуфузи весталкаҳо ва парастиши оташ коста, соли 380 императори Рум Феодисии I бузургдошти илоҳа Веста ва ойини оташпарастиро расман манъ кард. Бо оташбон ва ё муғи оташпарастон айният дорад.
This article uses material from the Wikipedia Тоҷикӣ article Весталкаҳо, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Муҳтаво таҳти иҷозатномаи CC BY-SA 4.0 ва ё дигар дастрас аст. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Тоҷикӣ (DUHOCTRUNGQUOC.VN) is an independent company and has no affiliation with Wiki Foundation.