Бӯгинакҷорӯб

Бӯгинакҷорӯб
Табақабандии илмӣ
Домен: Эукариотҳо Олам: Наботот Шоха: Гулдорон Синф: Дупаллаиҳо Забартартиб: Asteranae Тартиб: Asterales Оила: Мураккабгулҳо Зероила: Мураккабгулҳо Триба: Anthemideae Зертриба: Шибоғиҳо Ҷинс: Шибоғ Гуна: Бӯгинакҷорӯб
Номи байнулмилалии илмӣ
Artemisia annua L., 1753
Мутародифот
Artemisia chamomilla C.Winkl.
Сомонашиносӣ дар Викигуна Тасвирот дар Викианбор ITIS   35448 NCBI   35608 EOL   469710 GRIN   t:4275 IPNI   304416-2 TPL   gcc-39740

Пояи рости сершох (30 — 100 см), барги паршакл, гули майдаи зард, гултӯдаи сабадшакл дорад. Июл — сент. гул карда, авг. — окт. тухм мебандад. Дар Тоҷикистон ҳамчун алафи бегона дар боғу киштзор, заминҳои партов, канори роҳу наздикии истиқоматгоҳҳо, дашту марғзор мерӯяд. Бо мақсади давоӣ баргҳои навруста (баҳорон) ва баргу поя (тирамоҳ)-и бӯгинакҷорӯбро кор мефармоянд. Растаниро баъди ғундоштан дар ҷои сояи шамолрас хушкондан лозим аст.

Табибони халқӣ сабадаки гули дар асал қиёмшудаи бӯгинакҷорӯбро чун давои рафъи заъфи дил тавсия медиҳанд. Бо шираи баргу пояи наврустаи он амрози пӯст (хоришак, шукуфа)-ро табобат мекунанд. Аз барги хушки бӯгинакҷорӯб барои муолиҷаи шукуфа марҳами 10-фоиза таҳия карда мешавад. Ҷӯшоби баргу пояи он (як чумча алафро дар як истакон об 10 дақиқа меҷӯшонанд, баъд полида пеш аз хӯрок як чумчача менӯшанд) давои хуби иштиҳоовар аст. Муқаррар шудааст, ки шираи бӯгинакҷорӯб инкишофи микробҳои бемории сӯхтагиро бозмедорад, қобилияти сироятангезии онҳоро барҳам медиҳад. Дар амалияи тибби муосир аз бӯгинакҷорӯб барои табобати зиқи нафас доруи «Диметулен» тайёр карда мешавад.