Аксон
Аксон (юн.-қад.
Аз ҳар ҳуҷайраи асаб (нейрон) фақат як Аксон мебарояд. Ғизогирӣ ва нумӯи Аксон аз ҷисми нейрон вобаста аст: ҳангоми буридани Аксон қисми канораи он нобуд гашта, қисми марказиаш фаъол боқӣ мемонад. Дар мавриди якчанд мкм будани диаметри Аксон дарозии он дар ҳайвоноти калон (масалан, Аксоне, ки аз нейронҳои ҳароммағз ба по меравад) ба зиёда аз 1 м мерасад. Дар баъзе ҷонварон (масалан, моҳӣ) Аксон хеле калон (ғафсиаш садҳо мкм) мешавад. Дар протоплазмаи Аксон (аксоплазма) торҳои тунук — нейрофибрилҳо, инчунин митохондрия ва тӯри эндоплазмавӣ мавҷуданд. Сохтори ҷилд ва диаметри Аксон, ки торҳои асабро ташкил медиҳанд, суръати ба воситаи асаб гузарондани ангезишро муайян месозанд. Интиҳои Аксон (терминалҳо) шоха ронда, ба асабҳои дигар (масалан, асаби мушакҳо) алоқа менамояд. Ба воситаи чунин алоқа (синапсҳо) ангезиш интиқол меёбад. Маҷмӯи Аксонҳоро асаб меноманд.
Эзоҳ
Сарчашма
- А — Асос. — Д. : СИЭМТ, 2011. — 608 с. — (Энсиклопедияи Миллии Тоҷик : [тахм. 25 ҷ.] / сармуҳаррир А. Қурбонов ; 2011—2023, ҷ. 1). — ISBN 978-99947-33-45-3.
This article uses material from the Wikipedia Тоҷикӣ article Аксон, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Муҳтаво таҳти иҷозатномаи CC BY-SA 4.0 ва ё дигар дастрас аст. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Тоҷикӣ (DUHOCTRUNGQUOC.VN) is an independent company and has no affiliation with Wiki Foundation.