აქსონი (ჯვ.-ბერძენ.
ἄξων — „ლირე“) — ნეირიტი (ნერვული თოლეფიშ გჷრძე ცილინდრიშ ფორმაშ გუმნარდეფი), ნამუშ მეშქაშობათ თოლიშ რსხულშე (სომაშე) ნერვული იმპულსეფი გინმაჩამუნა ინტერვირაფილი ორგანოეფს დო შხვა ნერვულ თოლეფს.
ირი ნეირონი აკმოდირთუ ართი აქსონშე, რსხულეფი (პერიკარიონიშ) დო მუსხირენი დენდრიტიშ, ნამუშ მუდანობაშ დოჸუნალათ თოლეფი ირთუნა უნიპოლარულო, ბიპოლარულო დო მულტიპოლარულო. დენდრიტეფშე (ვარ-და თოლიშ რსხულშე) აქსონშა ნერვული იმპულსეფიშ გინოჩამა მუთმოხვადუ, უკული აქსონიშ დაჭყაფური სეგმენტიშე გენერირაფილი პოტენციალიშ ქიმინუათ კინ უკახალე გინმაჩამუ დენდრიტის. დო ნერვული თოლიშ აქსონი გეჸვენჯი ნერვული თოლიშ რსხულს ქარსხუაფუ-და, თეჯგურა კონტაქტის აქსო-სომატური, დენდრიტეფწკჷმა — აქსო-დენდრიტული, შხვა აქსონეფწკჷმა — აქსო-აქსონური (კონტაქტიშ ვანაფერი ტიპი, აფხვადჷნა ცნს-ს) ჯოხო.
აქსონიშ საბოლა ნორთეფი — ტერმინალეფი — ინოჸელებჷნა დო არსხუაფუნა შხვა ნერვული, კუთური ვარ-და ჯარკვალური თოლეფს. აქსონიშ ბოლოს იდვალაუფუ სინაპტური საბოლა — ტერმინალიშ საბოლა ნორთი, ნამუთ არსხუაფუ თოლ-ღანკის. პოსტსინაპტური მემბრანული თოლ-ღანკწკჷმა ართო სინაპტური საბოლა აკმოქიმინუნს სინაპსის. სინაპსეფიშ მეშქაშალათ გინმადვალუ ეფურაფა.
ათე სტატია მერკე რე. თქვა შეგილებუნა ქიმეხვარათ ვიკიპედიას დო გაგშათინათ დო გახვეიანათინ. |
This article uses material from the Wikipedia მარგალური (Margaluri) article აქსონი, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). დინორე მიწორინაფილი რე გეჸვენჯი ლიცენზიათ (დო შხვა ვა რე მეწურაფილი-და): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki მარგალური (Margaluri) (DUHOCTRUNGQUOC.VN) is an independent company and has no affiliation with Wiki Foundation.