అర్ధ శతాబ్దం

ఈ సినిమా ట్రైలర్ ను 2021 జూన్ 2 న హీరో నాని విడుదల చేశాడు. ఈ సినిమాలోని "ఏ కన్నులు చూడనీ" పాటను ఫిబ్రవరి 12న, "మెరిసేలే మెరిసేలే మిలమిల" పాటను 2021 జూన్ 5 న విడుదల చేశారు. సినిమా 2021 జూన్ 11 న ఆహాపై విడుదలయ్యింది.

కృష్ణ (కార్తీక్‌ రత్నం) చదువు పూర్తి చేసి, ఊళ్లో ఎలక్ట్రీషియన్‌గా పని చేస్తుంటాడు.ఎప్పటికైనా దుబాయ్‌ వెళ్లి బాగా సంపాదించి, తల్లిని, చెల్లిని బాగా చూసుకోవాలని అతని కోరిక. ఆయనకు అదే గ్రామానికి చెందిన మాజీ నక్సలైట్‌ రామన్న(సాయికుమార్‌) కూతురు చిన్నప్పటి నుంచి తనతో పాటు చదువుకున్న పుష్ప(కృష్ణ ప్రియ)ను ప్రేమిస్తుంటాడు. తన మనసులోని మాటను పుష్పతో చెప్పాలని చాలా రకాలుగా ప్రయత్నిస్తాడు. అదే టైంలో 15 రోజుల్లో తనకి దుబాయ్ వెళ్లే అవకాశం వస్తుంది. దాంతో తను వెళ్లే లోపు తన ప్రేమని చెప్పాలనుకుంటాడు. ఈ క్రమంలో కృష్ణ చేసిన ఓ పని ఊర్లో గొడవలకు దారి తీస్తుంది. ఆ తప్పు వలన వారికే తెలియకుండా ఊరిలో కుల గొడవలు చెలరేగి ఒకరిని ఒకరు చంపేసుకుంటుంటారు. అసలు కృష్ణ చేసిన పని ఏంటి? వీరి ప్రేమకి కులాల మధ్య కుమ్ములాటకి సంబంధం ఏమిటి ? అనేదే మిగతా సినిమా కథ.

• కార్తీక్ రత్నం -కృష్ణ
• కృష్ణ ప్రియ - పుష్ప
• నవీన్ చంద్ర - రంజిత్, పోలీస్ ఆఫీసర్ గా
• సాయి కుమార్ - రామన్న
• రాజా రవీంద్ర - వీరన్న
• పవిత్ర లోకేష్ - లక్ష్మి
• ఆమని
• టిఎన్ఆర్
• అజయ్
• శరణ్య ప్రదీప్
• గౌతం రాజు
• అజయ్ మంకెనపల్లి
• శుభలేఖ సుధాకర్
• సుహాస్ - కోటి
• రోజాభారతి
• దయానంద్ రెడ్డి
• లిరిష

• బ్యానర్ - రిషిత శ్రీ క్రియేషన్స్, 24 ఫ్రెమ్స్ సెల్యూలాయిడ్స్
• నిర్మాతలు : చిట్టి కిరణ్‌ రామోజు, తేలు రాధాకృష్ణ
• కథ, స్క్రీన్ ప్లే, దర్శకత్వం: రవీంద్ర పుల్లే
• కెమెరా: అఖేర్‌, వెంకట్‌ ఆర్‌ శాఖమూరి, ఈజే వేణు
• సంగీతం: నోఫెల్‌ రాజ
• పాటలు: రహమాన్
• పిఆర్ఓ - సాయి సతీష్
• పబ్లిసిటీ డిజైనర్ - ధని ఏలే
• ఎడిటర్ - జె.ప్రతాప్‌ కుమార్‌
• ఆర్ట్ డైరెక్టర్ - సుమిత్ పటేల్
• ఫైట్స్ - అంజి మాస్టర్
• కాస్ట్యూమ్ డిజైనర్ - పూజిత తాడికొండ