శ్రీపాద ఎల్లంపల్లి ప్రాజెక్టు
శ్రీపాద ఎల్లంపల్లి ప్రాజెక్టు, తెలంగాణ రాష్ట్రం లోని పెద్దపల్లి జిల్లా, అంతర్గాం మండలం ఎల్లంపల్లి గ్రామంలో గోదావరి నదిపై నిర్మించబడిన ప్రాజెక్టు.
శాసనసభ్యులు డి. శ్రీపాదరావు పేరుతో నిర్మించిన ఈ ప్రాజెక్టు తెలంగాణలో గోదావరి నదిపై నాల్గవ అతిపెద్ద ప్రాజెక్టు.
| శ్రీపాద ఎల్లంపల్లి ప్రాజెక్టు | |
|---|---|
  Yellampalli Barrage at Ramagundam Mandal  శ్రీపాద ఎల్లంపల్లి ప్రాజెక్టు (India) | |
| ప్రదేశం | ఎల్లంపల్లి, అంతర్గాం మండలం , పెద్దపల్లి జిల్లా, తెలంగాణ రాష్ట్రం, |
| అక్షాంశ,రేఖాంశాలు | 18°50′45″N 79°22′05″E / 18.84583°N 79.36806°E |
| ఆవశ్యకత | రామగుండం పవర్ ప్లాంటు, రామగుండం, హైదరాబాదు నగరాలకు తాగునీరు |
| స్థితి | Operational |
| నిర్మాణం ప్రారంభం | 28 జూలై, 2004 |
| ప్రారంభ తేదీ | 4 ఆగష్టు, 2016 |
| నిర్మాణ వ్యయం | రూ. 5400 కోట్లు |
| యజమాని | తెలంగాణ ప్రభుత్వం |
| ఆనకట్ట - స్రావణ మార్గాలు | |
| ఆనకట్ట రకం | బ్యారేజి |
| నిర్మించిన జలవనరు | గోదావరి నది |
| Height | 26.3 మీటర్లు |
| పొడవు | 1180.7 మీటర్లు |
| Spillways | 62 |
| జలాశయం | |
| సృష్టించేది | ఎల్లంపల్లి |
| మొత్తం సామర్థ్యం | 20 tmcft |
| విద్యుత్ కేంద్రం | |
| నిర్వాహకులు | తెలంగాణ రాష్ట్రం |
| Commission date | 2004 |
| Type | బ్యారేజి |
శంకుస్థాపన
2004, జూలై 28న ఉమ్మడి ఆంధ్రప్రదేశ్ మాజీ ముఖ్యమంత్రి డా. వై.యస్. రాజశేఖరరెడ్డిచే ఈ ప్రాజెక్టు శంకుస్థాపన జరిగింది.
వివరాలు
ఈ ప్రాజెక్టు మొదటి దశలో రూ. 900 కోట్లతో 63 టిఎంసిల నీటిని నిలువచేసేలా, రెండవ దశలో కరీంనగర్, ఆదిలాబాద్, నిజామాబాద్, వరంగల్, మెదక్ జిల్లాలకు 49.5 టిఎంసిల నీటిని అందించేలా డిజైన్ చేయబడింది. రామగుండంలోని పవర్ ప్రాజెక్టుకు 6 టిఎంసిల నీరు కేటాయించబడింది. ప్రాజెక్టు మొత్తం సామర్థ్యం 20.175 టీఎంసీలు.
ఈ ప్రాజెక్టు పనిచేయడానికి సంవత్సరానికి 163 మెగావాట్ల విద్యుత్, నీటిని పంపుటకు 469 మిలియన్ కిలోవాట్స్ విద్యుత్ శక్తి అవసరం అవుతుంది. ఈ ప్రాజెక్టు రామగుండం మండలంలోని విద్యుత్ ప్రాజెక్టు రిజర్వాయరుకు నీటిని సరఫరా చేయడమేకాకుండా, రామగుండం, హైదరాబాదు నగరాలకు తాగునీటిని అందిస్తుంది. సర్ ఆర్థన్ కాటన్ గోదావరిపై ఎల్లంపల్లి వద్ద బ్యారేజి నిర్మాణానికి 100 ఏళ్ల కిందటే ప్రతిపాదన చేసినా ఇది కార్యరూపం దాల్చలేదు.
ఇవి కూడా చూడండి
- తెలంగాణలోని ఆనకట్టలు, జలాశయాలు
మూలాలు
This article uses material from the Wikipedia తెలుగు article శ్రీపాద ఎల్లంపల్లి ప్రాజెక్టు, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). అదనంగా సూచించని పక్షంలో పాఠ్యం CC BY-SA 4.0 క్రింద లభ్యం Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki తెలుగు (DUHOCTRUNGQUOC.VN) is an independent company and has no affiliation with Wiki Foundation.