ಅನುಷ್ಕಾ ಶೆಟ್ಟಿ (ಜನನ: 7 ನವೆಂಬರ್ 1981), ಭಾರತೀಯ ನಟಿ ಬೊಕ್ಕ ಮಾಡೆಲ್.
ಮೇರ್ ತರಲುಗು ಅಂಚನೆ ತಮಿಳು ಚಿತ್ರೊಲೆಡ್ ಅಭಿನಯ ಮಲ್ತ್ದೆರ್. ಸಿನಿಮಾಲೋಕೊಡ್ ಮೂಜಿ ಫಿಲ್ಮ್ಫೇರ್ ಅವಾರ್ಡ್ಸ್ ಸೌತ್, ಆಂಧ್ರಪ್ರದೇಶೊದ ನಂದಿ ಪ್ರಶಸ್ತಿ ಬೊಕ್ಕ ತಮಿಳುನಾಡು ರಾಜ್ಯೊದ ಚಲನಚಿತ್ರ ಪ್ರಶಸ್ತಿಲೆನ್ ಮೇರ್ ಗೆಂದ್ದೆರ್. 47 ಸಿನಿಮೊಲೆಡ್ ಅಭಿನಯ ಮಲ್ದಿನ ಮೇರ್ ದಕ್ಷಿಣ ಭಾರತ ಚಿತ್ರರಂಗೊದ ಲೇಡಿ ಸೂಪರ್ಸ್ಟಾರ್ ಪಂಡ್ದ್ ಜನಮೆಚ್ಚುಗೆ ಪಡೆದೆರ್.
ಮೇರ್ 2005 ನೇ ಇಸವಿಡ್ ಸೂಪರ್ ಪನ್ಪಿನ ತೆಲುಗು ಚಲನಚಿತ್ರೊದ ಮೂಲಕ ಸಿನಿರಂಗೊಗ್ ಪಾದಾರ್ಪಣೆ ಮಲ್ತೆರ್. ಉಂದೆಕ್ಕ್ ಮೆರೆಗ್ ಫಿಲ್ಮ್ಫೇರ್ ಅತ್ಯುತ್ತಮ ಪೋಷಕ ನಟಿ - ತೆಲುಗು ಆಯ್ಕೆ ಮಲ್ಪುಲೆಕ ಆಂಡ್. ಉಂದೆರ್ದ್ ಬೊಕ್ಕ ಮೇರ್ ಎಸ್.ಎಸ್. ರಾಜಮೌಳಿ ಮೆರೆನ ಬ್ಲಾಕ್ಬಸ್ಟರ್ ಹಿಟ್ ವಿಕ್ರಮಾರ್ಕುಡು ಚಿತ್ರೊಡ್ ಅಭಿನಯ ಮಲ್ತೆರ್. ದುಂಬಗ್ ಲಕ್ಷ್ಯಮ್ (2007), ಸೌರ್ಯಂ (2008), ಚಿಂತಕಯಾಲ ರವಿ (2008) ಈ ಸಿನಿಮೊಲಾ ಮೆರೆಗ್ ಪುದರ್ ಕನತ್ಂಡ್. 2009 ನೇ ಇಸವಿಡ್ ತೆಲುಗು ಡಾರ್ಕ್ ಫ್ಯಾಂಟಸಿ ಸಿನಿಮಾ ಅರುಂಧತಿ ಡ್ ದ್ವಿಪಾತ್ರೊನ್ ಮಲ್ತ್ದ್ ಫಿಲ್ಮ್ಫೇರ್ ಅತ್ಯುತ್ತಮ ನಟಿ ಪ್ರಶಸ್ತಿ- ತೆಲುಗು ಅಂಚನೆ ನಂದಿ ಪ್ರಶಸ್ತಿನ್ ಪಡೆಯೆರ್.
ಅನುಷ್ಕಾ ಶೆಟ್ಟಿ | |
---|---|
ಪುಟ್ಟಿನ | ೭ ನವೆಂಬರ್ ೧೯೮೧ |
ರಾಷ್ಟ್ರೀಯತೆ | ಭಾರತೀಯ |
ಬೇತೆ ಪುದರ್ಲು | ಸ್ವೀಟಿ ಶೆಟ್ಟಿ |
ಶಿಕ್ಷಣ | ಬಿ.ಸಿ.ಎ |
ವೃತ್ತಿ(s) | ನಟಿ, ಯೋಗ ಶಿಕ್ಷಕಿ |
Signature | |
ಅನುಷ್ಕಾ ಮೇರ್ 7 ನವೆಂಬರ್ 1981 ಗ್ ದಕ್ಷಿಣ ಕನ್ನಡೊದ ಪುತ್ತೂರು ತಾಲೂಕ್ದ ಬೆಳ್ಳಿಪಾಡಿ ಗ್ರಾಮೊದ ತುಳು ಪಾತೆರುನ ಬಂಟ್ಸ್ ಕುಟುಂಬೊಡು ಪ್ರಫುಲ್ಲ ಬೊಕ್ಕ ಎ.ಎನ್.ವಿಟ್ಟಲ್ ಶೆಟ್ಟಿ ದಂಪತಿಲೆಗ್ ಪುಟ್ಟಿಯೆರ್. ಮೆರೆಗ್ ರಡ್ಡ್ ಅಣ್ಣನಕ್ಲ್ ಉಲ್ಲೆರ್.
ಮೇರ್ ಬೆಂಗಳೂರುದ ಮೌಂಟ್ ಕಾರ್ಮೆಲ್ ಕಾಲೇಜ್ಡ್ ಕಂಪ್ಯೂಟರ್ ಅಪ್ಲಿಕೇಷನ್ಸ್ ಡ್ ಪದವಿ ಪಡೆಯೆರ್. ಅಂಚನೆ ಮೇರ್ ಯೋಗ ಕಲ್ಪಾವುನ ಗುರುಲಾ ಆದಿತ್ತೆರ್.
ಸೂಪರ್ ಪನ್ಪಿನ ಚಿತ್ರೊದ ಮೂಲಕ ಬಣ್ಣೊದ ಲೋಕಗ್ ಪಾದಾರ್ಪಣೆ ಮಲ್ತಿನ ಮೇರ್ ಅಸ್ತ್ರಂ, ಮಹಾನಂದಿ, ಲಕ್ಷ್ಯಂ, ಡಾನ್, ಅರುಂದತಿ, ಕಿಂಗ್, ಸಿಂಗಂ, ವೇದಂ, ಲಿಂಗ, ಮಿರ್ಚಿ,ಭಾಗಮತಿ ಇಂಚಿನ ಸುಮಾರ್ ತಮಿಳು ಬೊಕ್ಕ ತೆಲುಗು ಸಿನಿಮೊಲೆಡ್ ಅಭಿನಯ ಮಲ್ತೆರ್. ಈತ್ ಸಿನಿಮೊಲೆಡ್ ಮೆರೆಗ್ ಎಸ್.ಎಸ್.ರಾಜಮೌಳಿ ಮೆರೆನ ಬಾಹುಬಲಿ:ದಿ ಬಿಗಿನಿಂಗ್ ಬೊಕ್ಕ ಬಾಹುಬಲಿ ೨:ದಿ ಕನ್ಕ್ಲೂಷನ್ ಸಿನಿಮೊ ಮಸ್ತ್ ಪುಗಾರ್ಮೆ ಕೊರುಂಡು.
ವರ್ಷ | ಶೀರ್ಷಿಕೆ | ಪಾತ್ರೊ | ಬಾಸೆ | ಪ್ರದರ್ಶಕೆರ್ | ಆಲ್ಬಂ | Ref. |
---|---|---|---|---|---|---|
2012 | "ಸಚಿನ್ ಆಂಥೆಮ್" | ಸ್ವತಃ(ಅನುಷ್ಕಾ ಶೆಟ್ಟಿ) | ತಮಿಳ್ | ಧನುಷ್ | ಮಾಸ್ಟರ್ ಬ್ಲಾಸ್ಟರ್...ಯು ಆರ್ ಅವರ್ ಬೂಸ್ಟ್ |
ವರ್ಷ | ಸಿನಿಮೊ | ವರ್ಗೊ | Language | Outcome |
---|---|---|---|---|
2009 | ಅರುಂದತಿ | ಅತ್ಯುತ್ತಮ ನಟಿ | ತೆಲುಗು | ಗೆಂದ್ಯೆರ್ |
2010 | ವೇದಂ | ಗೆಂದ್ಯೆರ್ | ||
2013 | ಮಿರ್ಚಿ | ನಾಮನಿರ್ದೇಶನೊ | ||
2015 | ರುದ್ರಮ್ಮಾದೇವಿ | ಗೆಂದ್ಯೆರ್ | ||
2017 | ಬಾಹುಬಲಿ 2 :ದಿ ಕನ್ಕ್ಲೂಷನ್ | ನಾಮನಿರ್ದೇಶನೊ | ||
2018 | ಭಾಗಮತಿ | ನಾಮನಿರ್ದೇಶನೊ |
ವರ್ಷ | ಸಿನಿಮೊ | ವರ್ಗೊ | Outcome |
---|---|---|---|
2009 | ಅರುಂದತಿ | ಅತ್ಯುತ್ತಮ ನಟಿ | ಗೆಂದ್ಯೆರ್ |
2010 | ವೇದಂ | ಗೆಂದ್ಯೆರ್ | |
2015 | ರುದ್ರಮ್ಮಾದೇವಿ | ಗೆಂದ್ಯೆರ್ |
This article uses material from the Wikipedia ತುಳು article ಅನುಷ್ಕಾ ಶೆಟ್ಟಿ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ಪ್ರತ್ಯೇಕವಾದ್ ಉಲ್ಲೇಕ ಮಲ್ಪಂದೆ ಇತ್ತ್ಂಡ, ವಿಸಯ "CC BY-SA 4.0" ದ ಅಡಿಟ್ ಲಬ್ಯ ಉಂಡು. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ತುಳು (DUHOCTRUNGQUOC.VN) is an independent company and has no affiliation with Wiki Foundation.