ಜ್ಯೂರಿಕ್ (Zürich or Zurich, ಜರ್ಮನ್ ಭಾಷೆಡ್ ಉಚ್ಚಾರ - ಸ್ಯೂರಿಶ್) ನಗರ ಸ್ವಿಟ್ಜರ್'ಲ್ಯಾಂಡ್ (ಸ್ವಿಸರ್'ಲ್ಯಾಂಡ್; Switzerland) ದೇಶದ ಮಾತೆರ್ದ್ ಮಲ್ಲ ವಾಣಿಜ್ಯ ನಗರ ಅಂಚನೆ ಜ್ಯೂರಿಕ್ ಕೇಂಟೋನು(ರಾಜ್ಯ)ದ ರಾಜಧಾನಿ. ಉಂದು ಸ್ವಿಸರ್'ಲ್ಯಾಂಡ್ ದೇಶದ ಉತ್ತರನಡು ಭಾಗೊಡು, ಜ್ಯೂರಿಕ್ ಕೆದುತ ವಾಯುವ್ಯ ಕೊಡಿತಲ್ಪ ಉಂಡು. ಜ್ಯೂರಿಕ್ ಮುನಿಸಿಪಾಲಿಟಿಡ್ ಅಂದಾಜಿ 400,028 ನಿವಾಸಿಲು , ನಗರ ಸಮುಚ್ಚಯೊಡು ಅಂದಾಜಿ 1.315 ಮಿಲಿಯನ್ ಬೊಕ ಜ್ಯೂರಿಕ್ ಮೆಟ್ರೋಪಾಲಿಟನ್ ಪ್ರದೇಶೊಡು 1.83 ಮಿಲಿಯನ್. ಜನಸಂಖ್ಯೆ ಉಂಡು.ಜ್ಯೂರಿಕ್ ನಗರ ರೈಲ್ವೇ, ರಸ್ತೆ ಬೊಕ ವಾಯು ಸಾರಿಗೆಲೆನ ಮುಖ್ಯಬಿಂದು ಆದುಂಡು.
ಜ್ಯೂರಿಕ್ ವಿಮಾನ ನಿಲ್ದಾಣ ಬೊಕ ರೈಲ್ವೇ ನಿಲ್ದಾಣ ಸ್ವಿಸರ್'ಲ್ಯಾಂಡ್ ದೇಶೊಡೆ ಅತಿನಿಬಿಡ, ಓಡಿದಾಂತಿನ ನಿಲ್ದಾಣೊಲಾದುಲ್ಲಾ.
ಜ್ಯೂರಿಕ್ | ||
---|---|---|
ಮಿತ್ ದ: ಜ್ಯೂರಿಕ್ ನಗರ ಬೊಕ ಕೆದುತ ಒಂಜಿ ನೋಟ ನಡು: ಲಿಮ್ಮತ್ ಸುದೆ ಬರಿಟ್ ಫ್ರಾಮುನ್ಸ್'ಟರ್ ಚರ್ಚಿ (ದತ್ತ) ಬೊಕ ಸೂರ್ಯೋದಯ ಗೋಪುರ (ಬಲ) ತಿರತ: ಊಟಿಲ್ ಬರ್ಗ್ ಪ್ರದೇಶೊಡುದು ತೋಜುನ ಜ್ಯೂರಿಕ್ ನಗರ ದೃಶ್ಯ | ||
| ||
ಜ್ಯೂರಿಕ್ ನಗರದ ಜಾಗ Show map of Switzerland | ||
ನಿರ್ದೇಶಾಂಶೊಲು: 47°22′N 8°33′E / 47.367°N 8.550°E / 47.367; 8.550 8°33′E / 47.367°N 8.550°E / 47.367; 8.550 | ||
ರಾಷ್ಟ್ರ | ಸ್ವಿಟ್ಜರ್'ಲ್ಯಾಂಡ್ | |
ಕೇಂಟೋನು(ರಾಜ್ಯ) | ಜ್ಯೂರಿಕ್ | |
ಜಿಲ್ಲೆ | ಜ್ಯೂರಿಕ್ | |
ಸರಕಾರ | ||
• ಕಾರ್ಯಾಧ್ಯಕ್ಷೆರ್ | ಸ್ಟಡ್'ರಾಟ್ - 9 ಸದಸ್ಯೆರ್ ಸೇರ್ದ್ | |
• ಮೇಯರ್ | ಸ್ಟಡ್;ಪ್ರೆಸಿಡೆಂಟಿನ್ (ಪಟ್ಟಿ)) ಕೋರಿನ್ ಮೌಕ್ ಎಸ್ ಪಿ ಎಸ್/ಪಿ ಎಸ್ ಎಸ್ (ಫೆಬ್ರುವರಿ 2014 ಡ್ ಇತ್ತಿನಂಚ) | |
• ಪಾರ್ಲಿಮೆಂಟ್ | ಗೆಮಿಂಡರಟ್ -125 ಸದಸಸ್ಯೆರ್ ಸೇರ್ದ್ | |
ವಿಸ್ತೀರ್ಣ | ||
• ಒಟ್ಟು | 87.93 ಕಿಮಿ2 (33.95 ಚದರ ಮೈಲಿ) | |
ಎತ್ತರಮಾನ | 408 ಮಿ (1,339 ಅಡಿ) | |
ಗರಿಷ್ಟ ಎತ್ತರಮಾನ (ಊಟಿಲ್ ಬರ್ಗ್) | 871 ಮಿ (2,858 ಅಡಿ) | |
ಕನಿಷ್ಟ ಎತ್ತರಮಾನ (ಲಿಮ್ಮತ್) | 392 ಮಿ (1,286ಅಡಿ) | |
ಜನಸಂಖ್ಯೆ (ಡಿಸೆಂಬರ್ 2017) | ||
• ಒಟ್ಟು | 409,241 | |
• ಸಾಂದ್ರತೆ | 4,700/ಕಿಮಿ2 (12,000/ಚದರ ಮೈಲಿ) | |
ಜನಪುದರ್ | ಜರ್ಮನ್: ಜ್ಯೂರಿ | |
ಅಂಚೆ ಅಂಕೇತ | 8000–8099 | |
SFOS ಸಂಖ್ಯೆ | 0261 | |
ಸುತ್ತಮುತ್ತದ ಊರುಲು | ಅಡ್ಲಿಸ್ವಿಲ್, ಡುಬೆನ್ಡೊರ್ಫ್, ಫಾಲಂಡೆನ್, ಕ್ಲಿಚ್'ಬರ್ಗ್, ಮೌರ್, ಊಬೆರೆಂಗ್' ಸ್ಟ್ರಿಂಗೆನ್, ಊಫಿಕಾನ್, ರಿಗೆನ್ಸ್ ಡೊರ್ಫ್, ರೂಮ್ಲಾಂಗ್, ಶ್ಲೀರೆನ್ ,ಸ್ಟಾಲಿಕಾನ್, ಊಟಿಕಾನ್, ಊರ್ಡೋಫ್, ವಾಲಿಸೆಲ್ಲೆನ್, ಝೊಲ್ಲಿಕಾನ್ | |
ಅಮರ್ ನಗರೊಲು | ಕುನ್ಮಿಂಗ್, ಸಾನ್ ಫ್ರಾನ್ಸಿಸ್ಕೊ, ಶ್ರೀನಗರ | |
ಜಾಲತಾಣ | www.stadt-zuerich.ch SFSO ಅಂಕಿಅಂಶೊಲು |
ಸುಮಾರಾದ್ 2,000 ವರ್ಷದ ಪಿರಾವುಡು ರೋಮನೆರ್ ಸ್ಥಾಪನೆ ಮಲ್ತಿನ ಊರು ಜ್ಯೂರಿಕ್ . ರೋಮನೆರ್ ಈ ಊರುಗು, ಕ್ರಿಸ್ತಪೂರ್ವ 15 ಇಸವಿಡು, "ಟೂರಿಕಂ" (Turicum) ಇಂದ್ ಪಣೊಂದಿತ್ತೆರ್. ಆಂಡಾ ದಿಂಜ ಪ್ರಾಚೀನ ಮಾನವರೆನ ನಿವಾಸೊಲು ಈ ಭೂಭಾಗೊಡು ಅಂದಾಜಿ 6,400 ವರ್ಷೊಲೆನ ಪಿರಾವುಡೇ ಇತ್ತಾ ಇಂದ್ ಪಣ್ಪೆರ್. ಮಧ್ಯಕಾಲೀನ ಯುಗೊಟು ಜ್ಯೂರಿಕ್ ಒಂಜಿ ಸ್ವತಂತ್ರ ಅರಸೊತ್ತಿಗೆದ ಸ್ಥಾನ ಪಡೆವೊಂದಿತ್ತ್ಂಡ್. 1519 ಇಸವಿಡ್ ಜ್ಯೂರಿಕ್ ನಗರ ಹುಲ್ಡ್'ರಿಕ್ ಝ್ವಿಂಗ್ಲಿ ( Huldrych Zwingli. ). ಇನ್ಪಿನರೆನ ಮುತಾಲಿಕೆಡ್ ಯುರೋಪ್ ಖಂಡೊಡು ಪ್ರೊಟೆಸ್ಟಂಟ್ ಕ್ರಿಸ್ತಧರ್ಮ ಪರಿವರ್ತನೆದ ಮೂಲ ಕೇಂದ್ರವಾದ್ ಬುಳೆದ್ ಬತ್ತ್ಂಡ್.
ಜ್ಯೂರಿಕ್'ದ ಅಧಿಕೃತ ಭಾಷೆ ಜರ್ಮನ್ (German) ಆಂಡ ದಿಂಜ ಜನ ಪಾತೆರುನಿ ಜ್ಯೂರಿಕ್ ಜರ್ಮನ್ ಇನ್ಪಿನ ಅಲೆಮನ್ನಿಕ್ ರೂಪದ ಸ್ವಿಸ್-ಜರ್ಮನ್ ಪಾತೆರ. ಫ್ರೆಂಚ್ ಬೊಕ ಇಟಾಲಿಯನ್ ಭಾಷೆ ಭಾಷೆ ಪಾತೆರುನಕುಲಾ ಉಲ್ಲೆರ್. ಜ್ಯೂರಿಕ್ ನಗರೊಡು ದಿಂಜ ವಸ್ತುಸಂಗ್ರಹಾಲಯೊಲು ಬೊಕ ಕಲಾನಿಕೇತನೊಲೆನ್ ತೂವೊಲಿ. ಉಂದೆಟ್, ಸ್ವಿಸ್ ರಾಷ್ಟ್ರೀಯ ಮ್ಯೂಸಿಯಂ ಬೊಕ ಕುಂಸ್ಟ್'ಹೌಸ್ ( Kunsthaus. ) ಸೇರುಂಡು. ಶಾಸ್ಪಿಯೆಲ್'ಹೌಸ್ ಜ್ಯೂರಿಕ್ (Schauspielhaus Zürich ) ಇನ್ಪಿನವು ಜರ್ಮನ್ ಭಾಷಾಜಗತ್ತ್'ದ ಒಂಜಿ ಅತಿ ಪ್ರಮುಖ ನಾಟ್ಯಮಂದಿರ ಆದುಂಡು.
ಜ್ಯೂರಿಕ್ ಒಂಜಿ ಪ್ರಮುಖ ವಿಶ್ವಮಟ್ಟದ ನಗರಿ ಅತ್ತಾಂದೆ, ಜನಸಂಖ್ಯೆ ಕಡಮೆ ಇತ್ತ್ಂಡಲಾ ಲೋಕೊದ ಒಂಜಿ ಮಾಮಲ್ಲ ಆರ್ಥಿಕ ಕೇಂದ್ರೊದ ಸ್ಥಾನೊಡು ಉಂಡು.. ಈ ನಗರ ದಿಂಜ ಸಂಖ್ಯೆದ ಆರ್ಥಿಕ ಸಂಸ್ಥೆಲು ಬೊಕ ಬ್ಯಾಂಕ್ ಕಂಪೆನಿಲೆಗ್ ಮೂಲಸ್ಥಾನವಾದುಂಡು.ಸ್ವಿಸರ್'ಲ್ಯಾಂಡ್ ದೇಶದ ಹೆಚ್ಚಿನ ಸಂಶೋಧನೆ ಬೊಕ ಬುಲೆವಣಿಗೆದ ಕೇಂದ್ರೋಲು ಜ್ಯೂರಿಕ್'ಡ್ ನಿಲೆಯಾತಾ. ಕಡಮೆ ತೆರಿಗೆ ಉಪ್ಪುನ ಕಾರಣ ವಿದೇಶಿ ಕಂಪೆನಿಲು ಮುಲ್ಪ ಮುಖ್ಯಕಾರ್ಯಕೇಂದ್ರೊಲೆನ್ ಸ್ಥಾಪನೆ ಮಲ್ತೊಂದಾ. ಮೋನಾಕಲ್ ಸಂಸ್ಥೆ (Monocle's 2012 ) ಮಲ್ತಿನ ಜೀವನ ಗುಣಮಟ್ಟ ಸಮೀಕ್ಷೆಡ್ ("Quality of Life Survey") ಜ್ಯೂರಿಕ್ ನಗರ ಮೂಲಸ್ಥಾಪನೆಗ್ ವಿಶ್ವದ ಅಗ್ರ 25 ನಗರೊಲೆಡ್ ಪ್ರಥಮ ಸ್ಥಾನ ಪಡೆದ್ಂಡ್.
2006-2008 ವರ್ಷಲೆನ ನಡುಟು ಆಯಿನ ಮಸ್ತ್ ಸಮೀಕ್ಷೆಲೆಡ್ ಜ್ಯೂರಿಕ್ ನಗರ ವಿಶ್ವೊಡು ಅತ್ಯುತ್ತಮ ಜೀವನ ಗುಣಮಟ್ಟದ ನಗರ ಅತ್ತಂದೆ, ಸಮಗ್ರ ಸ್ವದೇಶಿ ಉತ್ಪಾದನೆ (ಜಿ.ಡಿ.ಪಿ)ದ ದೃಷ್ಟಿ ಕೋನೊಡ್ ಯುರೋಪ್ ಖಂಡದ ಮಾಮಲ್ಲ ಶ್ರೀಮಂತ ನಗರ ಇನ್ಪಿನ ಬಿರ್ದಪಡೆವೊಂದು ಉಂಡು.. ಆರ್ಥಿಕ ಗುಪ್ತಮಾಹಿತಿ ದಳ ( Economist Intelligence Unit ) ನಡಪಾಯಿನ ವಿಶ್ವ ಬದುಕುದ ಗುಣತ ಕ್ರಮಾಂಕ ಸಮೀಕ್ಷೆಡು (Global Live-ability Ranking ) ಜ್ಯೂರಿಕ್ ವಿಶ್ವದ ಬದುಕೆರೆ ಅತಿ ಯೋಗ್ಯ ಪತ್ತ್ (10) ನಗರೊಲೆನ ಪಟ್ಟಿಡ್ ಜಾಗ ಪಡೆವೊಂದುಂಡು.
ಸ್ವಿಸ್ ಜರ್ಮನ್ ಭಾಷೆಡ್ ನಗರದ ಪುದರ್'ನ್ ಜ್ಯೂರಿಕ್ (Zürich) ಇಂದ್ ಬರೆಪೆರ್. ಉಚ್ಚಾರಣೆ "ಸ್ಯೂರಿಶ್" ಇಂದ್. [ˈtsyːrɪç] ( ಕೇಣುಲೆ ). ಸ್ಥಳೀಯ ಜ್ಯೂರಿಕ್ ಜರ್ಮನ್ ಭಾಷೆಡ್ ಬರೆನಗ ಜ್ಯೂರಿಕರ್(ರಿನ್) (Zürcher(in)) ಇಂದ್ ಬರೆಂಡಲಾ ಉಚ್ಚಾರ ಮಲ್ಪುನಗ ಕಡೆತ "ಕ್" ವ್ಯಂಜನ ದಾಂತೆ "ಜ್ಯೂರಿ" (Züri) ಇಂದ್ ಪಣ್ಪಿನ ರೂಡಿ. ಅಂಚನೆ, ಫ್ರೆಂಚ್ ಭಾಷೆಡ್ 'ಜ್ಯೂರಿಕ್', ಇಟಾಲಿಯನ್ ಭಾಷೆಡ್ 'ಜ್ಯೂರಿಗೊ', ರೋಮಾಂಶ್ ಭಾಷೆಡ್ 'ಟ್ಯೂರಿತ್ಗ್' ಇನ್ಪಿನ ರೂಡಿ ಉಂಡು. ಇಂಗ್ಲಿಷ್ ಭಾಷೆಡ್ ಜ್ಯೂರಿಕ್ (Zurich ; Zuerich) ಇಂದ್ ತರೆಬೊಟ್ಟುಲು (umlaut) ದಾಂತೆ ಬರೆಪಿನ ಉಂಡು.
This article uses material from the Wikipedia ತುಳು article ಜ್ಯೂರಿಕ್, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ಪ್ರತ್ಯೇಕವಾದ್ ಉಲ್ಲೇಕ ಮಲ್ಪಂದೆ ಇತ್ತ್ಂಡ, ವಿಸಯ "CC BY-SA 4.0" ದ ಅಡಿಟ್ ಲಬ್ಯ ಉಂಡು. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ತುಳು (DUHOCTRUNGQUOC.VN) is an independent company and has no affiliation with Wiki Foundation.