ಅಟಲ್ ಬಿಹಾರಿ ವಾಜಪೇಯಿ (೨೫ ಡಿಸೆಂಬರ್ ೧೯೨೪-೧೬ ಆಗಸ್ಟ್ ೨೦೧೮) ಭಾರತದ ರಾಜಕಾರಣಿಯಾದಿತ್ತೆರ್ ಆರ್ ಮೂಜಿ ಸರ್ತಿ ಭಾರತದ ಪ್ರಧಾನ ಮಂತ್ರಿಯಾದ್ ಸೇವೆ ಕೊರ್ತೆರ್, ಸುರುತ ಸರ್ತಿ 1996ಡ್ 13 ದಿನೊತ ಅವಧಿಗ್ ಪ್ರಧಾನ ಮಂತ್ರಿಯಾದಿತ್ತೆರ್, 1998ಡ್ದ್ 1999 ಮುಟ್ಟ ಪತ್ತೊಂಜಿ ತಿಂಗೊಳ್ದ ಅವಧಿಗ್ ಪ್ರಧಾನ ಮಂತ್ರಿಯಾದಿತ್ತೆರ್, ಅವೆಡ್ದ್ ಬೊಕ್ಕ 1999ಡ್ದ್ 2004 ಮುಟ್ಟ ಪೂರ್ಣಾವಧಿಗ್ ಪ್ರಧಾನ ಮಂತ್ರಿಯಾದಿತ್ತೆರ್.
ಅಟಲ್ಬಿಹಾರಿ ವಾಜಪೇಯಿ - ಭಾರತೊದ ಮಾಜಿ ಪ್ರಧಾನಮಂತ್ರಿ, ಶ್ರೇಷ್ಠ ಸಂಸದೀಯ ಪಟು, ವಾಗ್ಮಿ, ಕವಿ ಅಂಚನೆ ನೇತಾರೆ ಬುಕ್ಕೊ ಜನನಾಯಕೆ. ಮೂಜಿ ಸರ್ತಿ ಭಾರತೊದ ಪ್ರಧಾನಮಂತ್ರಿಯಾದ್ ಇಂದೆಕ್ಕ್ ದುಂಬು ವಿದೇಶಾಂಗ ಸಚಿವರಾದ್, ವಿರೋಧ ಪಕ್ಷೊದ ನಾಯಕರಾದ್ ಕಜ್ಜೊ ಮಾಲ್ತ್ದೆರ್. ಇಂಬೆರ್ ಆರೆನ ಸಭ್ಯೊ, ಹಾಸ್ಯಪ್ರಜ್ಞೆ, ಉದಾರ ವ್ಯಕ್ತಿತ್ವ ಬುಕ್ಕೊ ನಡವಳಿಕೆಡ್ದ್ ದಿಂಜ ಜನಪ್ರಿಯ ನಾಯಕರಾಯೆರ್. ರಾಷ್ಟ್ರೀಯ ಪ್ರಜಾಸತ್ತಾತ್ಮಕ ಕೂಟೊದ ಅಧ್ಯಕ್ಷರಾದಿತ್ತೆರ್.
ಆರ್ ಮೂಜಿ ಸರ್ತಿ ಭಾರತೊದ ಪ್ರಧಾನ ಮಂತ್ರಿಯಾದ್ ಸೇವೆ ಸಂದಾದೆರ್, ಸುರೂಕು ೧೯೯೬ಗ್ ೧೩ ದಿನೊಕ್ಕು, ೧೯೯೮ಡ್ದ್ ೧೯೯೯ಗ್ ಮುಟ್ಟ ಪತ್ತೊಂಜಿ ತಿಂಗೊಳ್ದ ಅವಧಿಗ್ ಬುಕ್ಕೊ ೧೯೯೯ಡ್ದ್ ೨೦೦೪ಗ್ ಮುಟ್ಟ ಐನ್ ವರ್ಸೊ ಲೋಕಸಬೆಟ್ ಗೆಂದ್ದ್ ಪ್ರಧಾನ ಮಂತ್ರಿ ಆತೆರ್. ಲೋಕಸಭೆಕ್ ಪತ್ತ್ ಸರ್ತಿ ಬುಕ್ಕೊ ರಾಜ್ಯಸಭೆಕ್ ರಡ್ಡ್ ಸರ್ತಿ ಆಯ್ಕೆಯಾದ್ ಆರ್ ೪೦ ವರ್ಸೊದಾತ್ ಕಾಲೊಗು ಭಾರತೊದ ಸಂಸತ್ ಸದಸ್ಯರಾದಿತ್ತೆರ್. ೨೦೦೯ಗ್ ಮುಟ್ಟ ಉತ್ತರ ಪ್ರದೇಸೊದ ಲಖನೌದ ಸಂಸತ್ ಸದಸ್ಯರಾದ್ ಆರ್ ಸೇವೆ ಸಂದಾದೆರ್. ಆರೋಗ್ಯದ ಕಾರಣೊಡ್ದ್ ಆರ್ ಸಕ್ರಿಯ ರಾಜಕೀಯೊಡ್ದ್ ನಿವೃತ್ತಿ ಆಯೆರ್. ೧೯೬೮ಡ್ದ್ ೧೯೭೨ಗ್ ಮುಟ್ಟ ಯಜಮಾನಿಕೆ ದೆತೊಂದು ದುಂಬುದ ಭಾರತೀಯ ಜನ ಸಂಘೊದ ಸಂಸ್ಥಾಪಕ ಸದಸ್ಯರೆಡ್ ವಾಜಪೇಯಿ ಒರಿಯಾದಿತ್ತೆರ್. ಪ್ರಧಾನಿ ಮೊರಾರ್ಜಿ ದೇಸಾಯಿಯೆರೆ ಕ್ಯಾಬಿನೆಟ್ಡ್ ವಿದೇಶಾಂಗ ಸಚಿವರಾದಿತ್ತೆರ್. ಆರ್ ಒರಿ ಕವಿ, ಪತ್ರಕರ್ತೆ, ವಾಗ್ಮಿ, ಚಿಂತಕೆ, ದಾರ್ಶನಿಕೆ, ರಾಜಕಾರಣಿ ಆದಿತ್ತೆರ್.
ವಾಜಪೇಯೆರ್ ೧೯೨೪ಗ್ ಕೃಷ್ಣದೇವಿ ಬುಕ್ಕೊ ಕೃಷ್ಣ ಬಿಹಾರಿ ವಾಜಪೇಯಿ ಅಕ್ಲೆಗ್ ಮಗ ಆದ್ ಮಧ್ಯ ಪ್ರದೇಸೊದ ಗ್ವಾಲಿಯರ್ ಕೈತಲ್ದ ಶಿಂದೆ ಕಿ ಚವ್ವಾಣಿ ಪನ್ಪುನ ಗ್ರಾಮೊಡು ಪುಟ್ಟಿಯೆರ್. ಇಂಬೆರೆ ಅಮ್ಮೆರ್ ಒರಿ ಕವಿ, ಬುಕ್ಕೊ ಸಾಮಾನ್ಯ ಸಾಲೆದ ಮಾಸ್ಟೆರ್. ಅಟಲ್ರೆನ 'ಅಜ್ಜ ಪಂಡಿತ್ ಶ್ಯಾಮ್ ಲಾಲ್ ವಾಜಪೇಯಿ'ಯೆರ್ ಊರುಡು ಪುದರ್ ಇತ್ತಿನಾರ್.
ಅಟಲ್ ವಾಜಪೇಯಿ ಪದವಿನ್ ವಿಕ್ಟೋರಿಯಾ ಕಾಲೇಜಿಡ್ದ್ (ಇತ್ತೆ ಲಕ್ಷ್ಮಿ ಬಾಯಿ ಕಾಲೇಜು) ದೆತೊಂಡೆರ್. ಹಿಂದಿ, ಇಂಗ್ಲೀಷ್ ಬುಕ್ಕೊ ಸಂಸ್ಕೃತ ಬಾಸೆಡ್ ಪಾಂಡಿತ್ಯೊ ಗಳಸ್ನ ಅಟಲ್ ರಾಜಕೀಯ ಶಾಸ್ತ್ರೊಡು ಸ್ನಾತಕೋತ್ತರ ಪದವಿನ್ ಕಾನ್ಪುರದ ಡಿ.ಎ.ವಿ ಕಾಲೇಜಿಡ್ದ್ ಪಡೆಯೆರ್.
ಕಾನ್ಪುರತ ಲಕ್ಷ್ಮೀಬಾಯಿ ಕಾಲೇಜಿಡ್ ರಾಜಕೀಯ ಶಾಸ್ತ್ರೊಡು ಮಾಸ್ಟರ್ ಡಿಗ್ರಿ ದೆತೊನ್ನ ಅಟಲ್ ೧೯೪೨ಗ್ ಕ್ವಿಟ್ ಇಂಡಿಯ ಚಳವಳಿದ ಮುಖಾಂತರ, ಭಾರತೀಯ ಜನಸಂಘೊದ ಸಂಸ್ಥಾಪಕ ಶ್ಯಾಮ್ ಪ್ರಸಾದ್ ಮುಖರ್ಜಿ ಆರೆನ ನಿಕಟವರ್ತಿಯಾದ್ ಬುಲೆಯೆರ್. ಬುಕ್ಕೊ ರಾಷ್ಟ್ರೀಯ ಸ್ವಯಂ ಸೇವಕ ಸಂಘ (ಆರ್.ಎಸ್.ಎಸ್)ನ್ ಸೇರಿಯೆರ್. 'ವೀರ ಅರ್ಜುನ' ಬುಕ್ಕೊ 'ಪಾಂಚಜನ್ಯ' ಪನ್ಪುನ ರಡ್ಡ್ ಪತ್ರಿಕೆಲೆಗ್ ಪತ್ರಕರ್ತರಾದ್ ಕವಿಯಾದ್ ಸೇವೆ ಸಂದಾದೆರ್.
ವಾಜಪೇಯಿಯೆರ್ ನಡತ್ ಬತ್ತಿನ ಸಾದಿ
೧೯೫೧ - ಭಾರತೀಯ ಜನಸಂಘೊ ಪಕ್ಷೊದ ಸಂಸ್ಥಾಪನೆ
೧೯೫೭ - ರಡ್ಡನೇ ಲೋಕಸಭೆಗ್ ಚುನಾಯಿತರಾಯೆರ್
೧೯೫೭-೭೭ - ಸಂಸತ್ಡ್ ಭಾರತೀಯ ಜನಸಂಘೊ ಪಕ್ಷೊದ ಅಧ್ಯಕ್ಷೆರ್
೧೯೬೨ - ರಾಜ್ಯ ಸಭೆದ ಸದಸ್ಯೆ
೧೯೬೬-೬೭ - ಸರ್ಕಾರಿ ಖಾತ್ರಿ ಸಮಿತಿದ ಅಧ್ಯಕ್ಷೆರ್
೧೯೬೭ - ನಾಲನೇ ಲೋಕಸಭೆಗ್ ಪೆರ ಚುನಾಯಿತರಾಯೆರ್
೧೯೬೭-೭೦ - ಸಾರ್ವಜನಿಕ ಕಾತೆ ಸಮಿತಿಗ್ ಅಧ್ಯಕ್ಷೆರ್
೧೯೬೮-೭೩ - ಭಾರತೀಯ ಜನಸಂಘೊ ಪಕ್ಷೊದ ಅಧ್ಯಕ್ಷೆರ್
೧೯೭೧ - ಐನನೇ ಲೋಕಸಭೆಗ್ ಪೆರ ಚುನಾಯಿತರಾಯೆರ್
೧೯೭೭ - ಆಜನೇ ಲೋಕಸಭೆಗ್ ಪೆರ ಚುನಾಯಿತರಾಯೆರ್
೧೯೭೭-೭೯ - ಕೇಂದ್ರ ವಿದೇಶಾಂಗ ವ್ಯವಹಾರೊಲೆ ಕಾತೆ ಸಚಿವರಾಯೆರ್
This article uses material from the Wikipedia ತುಳು article ಅಟಲ್ ಬಿಹಾರಿ ವಾಜಪೇಯಿ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ಪ್ರತ್ಯೇಕವಾದ್ ಉಲ್ಲೇಕ ಮಲ್ಪಂದೆ ಇತ್ತ್ಂಡ, ವಿಸಯ "CC BY-SA 4.0" ದ ಅಡಿಟ್ ಲಬ್ಯ ಉಂಡು. Images, videos and audio are available under their respective licenses. ®Wikipedia is a registered trademark of the Wiki Foundation, Inc. Wiki ತುಳು (DUHOCTRUNGQUOC.VN) is an independent company and has no affiliation with Wiki Foundation.