ಚಂದನಾ ಅನಂತಕೃಷ್ಣ: ಭಾರತೀಯ ನಟಿ

ಎಚ್ಚಾದ್ ಮೇರ್ ಕನ್ನಡ ದಾರವಾಹಿ ಬೊಕ್ಕ ಕನ್ನಡ ಡಾನ್ಸ್ ಶೋ ಲೆಡ್ ಇತ್ತೆರ್. ಕನ್ನಡದ ಕಲರ್ಸ್ ಸೂಪರ್ ಚಾನೆಲ್‍ಡ್ ಪ್ರಸಾರ ಆವೊಂದಿತ್ತಿನ ರಾಜ ರಾಣಿ (ಧರಣಿ ರಮೇಶ್ ಮೆರೆನ ನಿರ್ದೇಶನೊದ) ಪನ್ಪಿನ ದಾರವಾಹಿದ ಮೂಲಕ ಮೇರ್ ಕನ್ನಡ ಕಿರುತೆರೆಗ್ ಪಾದಾರ್ಪಣೆ ಮಲ್ತೆರ್. ಅವೆಟ್ಟ್ ಚುಕ್ಕಿ ಪನ್ಪಿನ ಪಾತ್ರೊನ್ ಮಲ್ತೊಂದಿತ್ತೆರ್. ದಾರವಾಹಿ, ನೃತ್ಯ, ಸಂಗೀತ ಅತ್ತಂದೆ ಬಿಗ್ ಬಾಸ್ ೭ ಡ್ ಒಂಜಿ ಸ್ಪರ್ದಿಯಾದ್ಲಾ ಮೇರ್ ಪೋದಿತ್ತೆರ್. ಕನ್ನಡ ಮಾತ್ರ ಅತ್ತಂದೆ ಮೇರ್ ತೆಲುಗು ದಾರವಾಹಿಲೆಡ್ಲಾ ಅಭಿನಯ ಮಲ್ತ್ದೆರ್.
ಮೇರ್ ತೆಲುಗು ದಾರವಾಹಿ ಆಯಿನ ವರುಧಿನಿ ಪರಿಣಯಂ ನೆತ್ತ ಮೂಲಕ ತನ್ನ ನಟನಾ ವೃತ್ತಿನ್ ಸುರು ಮಲ್ತೆರ್. ನಟನೆ ಅತ್ತಂದೆ ಮೇರ್ ನಿರೂಪಕಿಯಾದ್ ಹಾಡು ಕರ್ನಾಟಕ ಹಾಡು ಸಾಧು ಕೋಕಿಲಾ, ಇಂದು ನಾಗ್ರಾಜ್ ಮೊಕುಲು ತೀರ್ಪುಗಾರೆರಾದ್ ಇತ್ತಿನ ಈ ಸಂಗೀತ ರಿಯಾಲಿಟಿ ಶೋಡ್ ಬೇಲೆ ಮಲ್ತ್‍ದೆರ್. ಅಂಚನೆ 2019 ನೇ ಇಸವಿಡ್ ಕಲರ್ಸ್ ಕನ್ನಡೊಡ್ ಪ್ರಸಾರ ಆವೊಂದಿತ್ತಿನ ಬಿಗ್ ಬಾಸ್ 7 ನೇ ಸೀಸನ್‍ಡ್ ಸ್ಪರ್ದಿಯಾದ್ ರವಿ ಬೆಳಗೆರೆ, ಸುಜಾತಾ ಅಕ್ಷಯ, ಅಮೂಲ್ಯ, ವಿಜೆ ಅಗ್ನಿ, ವಿಜಯಲಕ್ಷ್ಮಿ, ಜೈ ಜಗದೀಶ್, ಭೂಮಿ ಶೆಟ್ಟಿ, ಶ್ವೇತಾ ಪ್ರಸಾದ್ ಮೊಕ್ಲೆನೊಟ್ಟುಗು ಮೇರ್ಲಾ ಒರ್ತಿಯಾದಿತ್ತೆರ್.

ಚಂದನಾ ಅನಂತಕೃಷ್ಣ
ಪುಟ್ಟಿನ	ತುಮಕೂರು, ಕರ್ನಾಟಕ,ಭಾರತ
ರಾಷ್ಟ್ರೀಯತೆ	ಭಾರತೀಯ
ಶಿಕ್ಷಣ	ಟಿವಿಎಸ್ ಶಾಲೆ ತುಮಕೂರು, ಸೇಂಟ್ ಜೋಸೆಫ್ ಕಾಲೇಜ್ ಆಫ್ ಕಾಮರ್ಸ್,ಬೆಂಗಳೂರು ಆಳ್ವಾಸ್ ಕಾಲೇಜು, ಮೂಡುಬಿದಿರೆ, ಕುಡ್ಲ
ವೃತ್ತಿ(s)	ಕಿರುತೆರೆ ನಟಿ, ರಂಗಭೂಮಿ ಕಲಾವಿದೆ ಅಂಚನೆ ಭರತನಾಟ್ಯ ಕಲಾವಿದೆ
Known for	ಬಿಗ್ ಬಾಸ್ ೭

ದಕ್ಷಿಣ ಭಾರತೊದ ಹಿಂದು ಕುಟುಮೊಗು ಸೇರಿನ ಚಂದನಾ ಕರ್ನಾಟಕೊದ ತುಮಕೂರುಡ್ ಪುಟ್ಟಿಯೆರ್.

ಮೇರ್ ಪ್ರಾಥಮಿಕ ಬರವುನು ಮೇರ್ ತುಮಕೂರುದ ಟಿವಿಎಸ್ ಶಾಲೆಡ್ ಪಡೆಯೆರ್, ಪದವಿಪೂರ್ವ ಶಿಕ್ಷಣೊನು ಆಳ್ವಾಸ್ ಕಾಲೇಜು ಮೂಡುಬಿದಿರೆ ಅಂಚನೆ ಪದವಿ ಶಿಕ್ಷಣೊನು ಸೇಂಟ್ ಜೋಸೆಫ್ ಕಾಲೇಜ್ ಆಫ್ ಕಾಮರ್ಸ್, ಬೆಂಗಳೂರುಡ್ ಕಲ್ತೆರ್. ಕಲ್ತೊಂದಿಪ್ಪುನಗನೆ ಮೆರೆಗ್ ನೃತ್ಯ, ಸಂಗೀತ ಅಂಚನೆ ನಟನೆದ ಮಿತ್ತ್ ಆಸಕ್ತಿ ಇತ್ತ್ಂಡ್.

ಮನರಂಜನಾ ಉದ್ಯಮೊಡು ಚಂದನಾ ಮೆರೆಗ್ ಜನಪ್ರಿಯತೆ ತಿಕ್ಕಿನಿ ರಾಜಾ ರಾಣಿ ಪನ್ಪಿನ ಕನ್ನಡ ದಾರವಾಹಿರ್ದ್. ಅವೆಟ್ಟ್ ಮೇರ್ ಚುಕ್ಕಿ ಪನ್ಪಿನ ಪ್ರಮುಕ ಪಾತ್ರೊಡ್ ನಟನೆ ಮಲ್ತ್ದೆರ್. ಮೇರ್ ತನ್ನ ವೃತ್ತಿಜೀವನೊನ್ ವರುಧಿನಿ ಪರಿಣಯಂ ಪನ್ಪಿನ ತೆಲುಗು ದಾರವಾಹಿದ ಮುಕೇನ ಸುರು ಮಲ್ತೆರ್. ರಾಜಾ ರಾಣಿ ದಾರವಾಹಿರ್ದ್ ಬೊಕ್ಕ ಮೇರ್ ಕಲರ್ಸ್ ಕನ್ನಡ ಚಾನೆಲ್‍ಡ್ ಪ್ರಸಾರ ಆವೊಂದಿತ್ತಿನ ಡಾನ್ಸಿಂಗ್ ಚ್ಯಾಂಪಿಯನ್ ಪನ್ಪಿನ ಡಾನ್ಸ್ ರಿಯಾಲಿಟಿ ಶೋಡ್ ಸ್ಪರ್ದಿಯಾದ್ ಬಾಗವಹಿಸಾದೆರ್. ಇಂಚನೆ ನನೊಂಜಿ ಕನ್ನಡ ದಾರವಾಹಿ ಆಯಿನ ಹೂ ಮಳೆ ಪನ್ಪಿನ ಕನ್ನಡ ದಾರವಾಹಿಡ್ ಲಹರಿ ಪನ್ಪಿನ ಮುಕ್ಯ ಪಾತ್ರೊಡ್ ನಟನೆ ಮಲ್ತ್‍ದೆರ್. ನಟನೆ ಅತ್ತಂದೆ ಮೇರ್ ಹಾಡು ಕರ್ನಾಟಕ ಹಾಡು ಪನ್ಪಿನ ಸಂಗೀತ ರಿಯಾಲಿಟಿ ಪ್ರದರ್ಸನೊಡ್ ನಿರೂಪಕಿಯಾದ್ಲಾ ಬೇಲೆ ಮಲ್ತ್ದೆರ್. ಅಂಚನೆ 2019 ನೇ ಇಸವಿಡ್ ಚಂದನಾ ಕನ್ನಡದ ರಿಯಾಲಿಟಿ ಶೋ ಆಯಿನ ಬಿಗ್ ಬಾಸ್ 7 ಡ್ ರವಿ ಬೆಳಗೆರೆ, ಸುಜಾತಾ ಅಕ್ಷಯ, ಅಮೂಲ್ಯ, ವಿಜೆ ಅಗ್ನಿ, ವಿಜಯಲಕ್ಷ್ಮಿ, ಜೈ ಜಗದೀಶ್, ಭೂಮಿ ಶೆಟ್ಟಿ, ಶ್ವೇತಾ ಪ್ರಸಾದ್ ಮೊಕ್ಲೆನೊಟ್ಟುಗು ಮೇರ್ಲಾ ಸ್ಪರ್ದಿಯಾದ್ 84 ದಿನ ಬಿಗ್ ಬಾಸ್ ದ ಇಲ್ಲಡ್ ಇತ್ತೆರ್ .

ನಟಿಯಾದ್

ಚಂದನಾ ಮೇರ್ ನಟಿಯಾದ್ ಸುಮಾರ್ ಕನ್ನಡ ಬೊಕ್ಕ ತೆಲುಗು ದಾರವಾಹಿಲೆಡ್ ನಟನೆ ಮಲ್ತ್‍ದೆರ್.

ನಾಟಕೊಲು

• ಬೆದ್ರದ ಆಳ್ವಾಸ್ ರಂಗ ಅಧ್ಯಯನ ಕೇಂದ್ರೊದ ಭಾಗವಾಯಿನ ಮೇರ್ ಸುಮಾರ್ ನಾಟಕೊಲೆಡ್ಲಾ ಅಭಿನಯ ಮಲ್ದೆರ್. ಅವೆಟ್ಟ್ ಮಹಾಮಾಯಿ ನಾಟಕ ಪುದರ್ ಪೋತಿನವು.

ಕನ್ನಡ ದಾರವಾಹಿಲು

• ರಾಜಾ ರಾಣಿ - (ಪಾತ್ರೊ)ಚುಕ್ಕಿ.
• ಹೂ ಮಳೆ - (ಪಾತ್ರೊ)ಲಹರಿ
  ಧರಣಿ ರಮೇಶ್ ಮೆರೆನ ನಿರ್ದೇಶನೊದ ರಾಜಾ-ರಾಣಿ ದಾರವಾಹಿಡ್ ಚಂದನಾ ಮೇರ್ ಲಹರಿ ಪನ್ಪಿನ ಪಾತ್ರೊಡ್ ನಟನೆ ಮಲ್ತ್‍ದೆರ್
• ಮುದ್ದುಮಣಿಗಳು - ಸೃಷ್ಟಿ

ತೆಲುಗು ದಾರವಾಹಿಲು

• ವರುಧಿನಿ ಪರಿಣಯಂ

ನಿರೂಪಕಿಯಾದ್

• ಹಾಡು ಕರ್ನಾಟಕ ಹಾಡು, ಸಾಧು ಕೋಕಿಲಾ, ಇಂದು ನಾಗ್ರಾಜ್ ಮೊಕುಲು ತೀರ್ಪುಗಾರೆರಾದ್ ಇತ್ತಿನ ಈ ಸಂಗೀತ ರಿಯಾಲಿಟಿ ಶೋಡ್ ಚಂದನಾ ಮೇರ್ ನಿರೂಪಕಿ ಆದಿತ್ತೆರ್.

ಸ್ಪರ್ದಿಯಾದ್

• ಡಾನ್ಸಿಂಗ್ ಚ್ಯಾಂಪಿಯನ್
• ಬಿಗ್ ಬಾಸ್ 7