ಕತ್ತಿ
ಬೆನ್ನಿ ಬೇಸಾಯೊ, ಇಲ್ಲದ ಉಲಾಯಿ ಪಿದಾಯಿದ ಬೇಲೆ, ತೋಟೊದ ಬೇಲೆಡ್ ಕತ್ತಿನ್ ಗಳಸುವೆರ್.
ಪರಿಚಯೊ
ಕತ್ತಿ ಉಂದು ಕರ್ಬೊಡು ಮಲ್ದಿನ ಒಂಜಿ ಸಾಧನ. ಕೈಟ್ ಪತ್ತರೆ ಕಡೆ(ಪುಡಿ) ಇತ್ತುದ್ ಕಡ್ಪರೆ, ಮೂರೆರೆ ಆಪಿಲೆಕ್ಕ ಬಾಯಿ ಮಲ್ಪುವೆರ್.
ರೂಪೊ
ನೆಕ್ಕ್ ಮರತ್ತ ಅತ್ತಂಡ ಕರ್ಬೊತ್ತ ಕಡೆ(ಪುಡಿ) ಇಪ್ಪುಂಡು, ನೆನ್ನ ಅರು ಸರ್ತೊ ಅತ್ತಂಡ ಬಗ್ಗ್‌ತ್ಲ ಇಪ್ಪುಂಡು, ಒಂಜಿ ಪುಡೆತ್ತ ಬಾಯಿತ್ತ ರಡ್ಡ್ ಬರಿ ಬಾಯಿಲ ಇಪ್ಪುಂಡು.
ಗಳಸುನ
- ಒರ್ದ ಮಲ್ತುದ್ ಕನಕ್ ಕಡ್ಪರೆ ಬೋಡಾಯಿಲೆಕ್ಕ ಕತ್ತಿ ಮಲ್ಪುವೆರ್. ಕತ್ತಿಲೆನ್ ಮಲ್ಪನಗ ಬೆನ್ನಿಗ್, ಇಲ್ಲದ ಕೆಲಸೊಗು, ಪಿದಯಿದ ಬೇತೆ ಕೆಲಸೊಗು ಬೋಡಾಪಿಲೆಕ ಮಲ್ಪುವೆರ್.
- ಬೆನ್ನಿದ ಕೆಲಸೊಡು ಕೆಯಿ ಕೊಯ್ಯರೆ, ಪಜಿರ್ ಕೊಯ್ಯರೆ, ಕಣಕ್ ಕಡ್ಪರೆ, ಮರ ಕಡ್ಪರೆ ಎಯಿನ ಬೋಡಾಂಡಲಾ ಕಡ್ಪರೆಗ್ ಗಳಸುವೆರ್.
ಕತ್ತಿದ ಬಗೆಕುಲು
- ಪರ್ಕತ್ತಿ
- ಮಂಡೆಕತ್ತಿ (ನೆಕ್ಕ್ ಕಡ್ಪ ಕತ್ತಿ ಪಂಡ್ದ್ ಲಾ ಪನ್ಪೆರ್)
- ಬಾಲ್ ಕತ್ತಿ
- ಮೊಟ್ಟತ್ತಿ(ಮಣೆಕ್ಕ್ ಜೋಡಾದಿನ ಕತ್ತಿ)
- ಬೀಸತ್ತಿ
- ತರ್ಕತ್ತಿ
- ಗೆಜ್ಜೆ ಕತ್ತಿ
- ಅಮೆಕತ್ತಿ
- ಇಡೆಕತ್ತಿ
- ಉಳೆ ಕತ್ತಿ
- ಒಡ್ಕತ್ತಿ
- ಕಯಿ ಕತ್ತಿ
- ಕಸಿ ಕತ್ತಿ
- ಕಿರ್ಗತ್ತಿ
- ಕುಞ್ಞತ್ತಿ
- ಕುಮ್ಮಯ ಕತ್ತಿ
- ಕೊಡಂಕತ್ತಿ
- ಕೊಯಿಲತ್ತಿ
- ಗಾರೆ ಕತ್ತಿ
- ಬಡ್ಡ್ಕತ್ತಿ
- ನಾರತ್ತಿ
- ಪಂತಿಕತ್ತಿ
- ಪರ್ದತ್ತಿ
- ಪೀಂಚಿಲ್ ಕತ್ತಿ
- ಬಡ್ಡ್ ಕತ್ತಿ
- ಬಾಯಿ ಕತ್ತಿ
- ಬಿಚ್ಚು ಕತ್ತಿ
- ಮುಳ್ಳು ಕತ್ತಿ
- ಬೆರಿಕತ್ತಿ
- ಮೇಶೆ ಕತ್ತಿ
- ಹಾರ್‌ಕತ್ತಿ
- ದಡ್ಡ್ಕತ್ತಿ
ಗಾದೆಲು
- ಕತ್ತಿಗ್ ಉದೆ ಬೋಡು ಮಾನೊಗು ಮದೆ ಬೋಡು
- ಕತ್ತಿ ಅಡಕ್ಕ್‌ದ್ ಉದೆಟ್ ಕಾದ್ಯುನಿ
- ಸಯ್ತಿ ಕೋರಿಗ್ ಕತ್ತಿದ ಪೋಡಿಗೆನಾ
ಒಗಟ್
- ಕತ್ತಿ ಇಜ್ಜಂದೆ ಕಾಡ್ ಕಡ್ತೆ ದಾದ? (ಬಚ್ಚಿರೆ ಕಿನುಕುನೆ)
ಉಲ್ಲೇಕೊ
This article uses material from the Wikipedia ತುಳು article ಕತ್ತಿ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ಪ್ರತ್ಯೇಕವಾದ್ ಉಲ್ಲೇಕ ಮಲ್ಪಂದೆ ಇತ್ತ್ಂಡ, ವಿಸಯ "CC BY-SA 4.0" ದ ಅಡಿಟ್ ಲಬ್ಯ ಉಂಡು. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ತುಳು (DUHOCTRUNGQUOC.VN) is an independent company and has no affiliation with Wiki Foundation.