பையூர்

பெண்ணேஸ்வர மடம் பெண்ணேஸ்வரர் கோயிலில் உள்ள சிவன் கோயிலில் தென் திருச்சுற்றில் உள்ள தனிக்கல்லில் விஜயநகரப் பேரரசின் புக்கராயன் காலத்திய கல்வெட்டு உள்ளது. கி.பி 1410 ஆம் ஆண்டைச் சேர்ந்த இந்தக் கல்வெட்டில் பெண்ணேசுவரருக்கு அளிக்கப்பட்ட நிலக்கொடை பற்றிய செய்தி உள்ளது. அதில் பையூர் நாட்டுப் பிரிவு குறிக்கப்பட்டுள்ளது. இக்கோயில் அருகே உள்ள பாறையில் கி.பி. 1188 ஆண்டின் வீரராஜேந்திர சோழன் காலத்தைச் சேர்ந்த கல்வெட்டு உள்ளது. இதைக்கொண்டு பார்க்கும்போது இந்த ஊர்ப் பெயர் அக்காலத்தில் இருந்து மாறாமல் இருப்பது அறியவருகிறது.

காவேரிப்பட்டணம் ஊராட்சி ஒன்றியத்துக்கு உட்பட்ட இந்த ஊரானது காவேரிப்பட்டணத்திலிருந்து ஒரு கிலோமீlட்டர் தொலைவிலும், மாவட்டத்தின் தலைநகரான கிருஷ்ணகிரியில் இருந்து 20 கிலோமீட்டர் தொலைவிலும், மாநிலத் தலைநகரான சென்னையில் இருந்து 272 கிலோமீட்டர் தொலைவிலும் உள்ளது.

2011 ஆண்டு மக்கள் கணக்கெடுப்பின்படி இக்கிராமத்தில் 1507 வீடுகள் உள்ளன. கிராமத்தின் மொத்த மக்கள் தொகையானது 5842 ஆகும். இதில் ஆண்கள் எண்ணிக்கை 2994, பெண்களின் எண்ணிக்கை 2848 என உள்ளது. மக்களின் கல்வியறிவு விகிதமானது 65.3% என உள்ளது. இது தமிழ்நாட்டின் சராசரி எழுத்தறிவு விகிதமான 80.09 % ஐ விடக்குறைவு ஆகும்.

• பையூர் மண்டல வேளாண் ஆராய்ச்சி நிலையம்

• பையூர் கரக பொன்னியம்மன் கோயில்