Macan Dahan Sunda
| Macan Dahan Sunda Temporal range: Pléstosin Awal - Kiwari | |
|---|---|
 | |
| Macan Dahan Sunda di hilir Walungan Kinabatangan, Sabah wétan, Malaysia | |
| Status konservasi | |
 Vulnerable (IUCN 3.1) | |
| Klasifikasi ilmiah | |
| Karajaan: | |
| Filum: | Chordata |
| Kelas: | Mammalia |
| Ordo: | |
| Kulawarga: | |
| Subfamili: | Pantherinae |
| Génus: | Neofelis |
| Spésiés: | N. diardi |
| Ngaran binomial | |
| Neofelis diardi G. Cuvier, 1823 | |
 | |
| Sebaran Macan Dahan Sunda | |
| Sinonim | |
| Felis diardii | |
Macan dahan Sunda (Neofelis diardi) nyaéta hiji spésiés ucing liar ukuran sedeng nu hirup di Kalimantan jeung Sumatra. Taun 2006, ieu spésiés kakara dipisahkeun ti dulurna Macan dahan (Neofelis nebulosa) di daratan utama buana Asia.
Taun 2008 IUCN ngasupkeun ieu spésiés kana kelas rawan, ku sabab ukuran populasi éféktifna kurang ti 10.000 (sawawa) anu terus ngurangan.
Saméméhna, ieu spésiés katelah Macan dahan Bornéo (Basa Inggris: 'Bornean clouded leopard') — ngaran anu dipublikasi ku WWF dina Maret 2007, nyonto omongan Dr. Stephen O'Brien ti Lembaga Kangker Nasional AS, "Hasil panalungtikan genetik écés nuduhkeun yén macan dahan di Kalimantan kudu dianggap salaku spésiés anu misah".
Dedegan
Macan dahan Sunda téh ucing panggedéna di Bornéo, awakna seseg, beuratna 12–25 kg. Panjang sihungna nepi ka 5 cm, buntutna mapakan panjang awakna. Pola buluna teu tetep, tapi sacara umum kawas awan (ku kituna dina basa Inggris katelah "clouded leopard", "maung tutul awan"). Najan para élmuwan geus wanoh ka ieu sato ti awal abad ka-19, ieu sato kakara diaku salaku hiji spésiés taun 2006, lain subspésiés ti Neofelis nebulosa.
Sebaran jeung habitat
Macan dahan Sunda sigana ukur aya di kalimantan jeung Sumatra. Di Kalimantan kapanggih di leuweung hujan lebak (handapeun 1500 m lbl) jeung di leuweung geledegan (leuwih saeutik). Di Sumatra kapanggih leuwih loba hirup di pagunungan, tapi can kanyahoan aya/henteuna di Kapuloan Batu deukeut Sumatra anu laleutik.
Ékologi jeung paripolah
Paripolah/pola hirup macan dahan Sunda can pati dipikawanoh ku sabab tara kawénéhan, tapi sacara umum hirupna resep nyorangan.
Macan dahan ilaharna néang mangsa dina taneuh sarta ngamangpaatkeun kabisana dina tétérékél pikeun nyingkahan bahya.[rujukan?]
Ngaran lokal
Di Indonésia ieu sato katelah "macan dahan", anapon dina basa Malayu (baheula dipaké di Sumatra, kiwari masih dipaké di Malaysia) disebut "harimau dahan".[rujukan?]
Rujukan
Tutumbu kaluar
| Wikispecies mibanda émbaran ngeunaan: Neofelis diardi |
| Wiki Commons mibanda média séjénna nu patali jeung Neofelis diardi. |
- Bornean Clouded Leopard Programme
- Clouded Leopard Conservation and Research in Borneo
- BBC Earth News, February 2010: Clouded leopard: First film of new Asia big cat species
- New Scientist: Rare leopard caught on candid camera
Artikel kalawarta anu bisa kénéh dibuka:
- The Clouded Leopard Project, March 2007: Borneo Clouded Leopard Classified as New Species Archived 2010-01-13 di Wayback Machine
- BBC News, March 2007: Island leopard deemed new species
- msnbc.com, March 2007: New leopard species found in Borneo
- National Geographic, March 2007: Photo in the News: New Leopard Species Announced
- Daily Mail, March 2007: New species of leopard with largest fangs in cat world discovered
This article uses material from the Wikipedia Basa Sunda article Macan dahan Sunda, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Eusi nu nyangkaruk ditangtayungan ku CC BY-SA 4.0 iwal lamun disebutkeun béda. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Basa Sunda (DUHOCTRUNGQUOC.VN) is an independent company and has no affiliation with Wiki Foundation.