João Cancelo: Futbollist portugez
João Pedro Cavaco Cancelo (lindur më 27 maj 1994) është një futbollist profesionist portugez i cili luan për klubin spanjoll Barcelona, në huazim nga Manchester City, dhe kombëtaren portugeze.
Pozicioni i tij parësor është mbrojtës i djathtë, por ai mund të luaj edhe si i majtë ose si anësor.
.jpg) Cancelo duke luajtur Valencian në 2015 | |||
| Të dhënat vetjake | |||
|---|---|---|---|
| Emri i plotë | João Pedro Cavaco Cancelo | ||
| Datëlindja | 27 maj 1994 | ||
| Vendlindja | Barreiro, Portugali, Portugali | ||
| Gjatësia | 1.82 m (6 ft 0 in) | ||
| Pozicioni | Mbrojtës i djathtë / Anësor | ||
| Të dhënat e klubit | |||
Klubi aktual | Barcelona (në huazim nga Manchester City) | ||
| Numri | 2 | ||
| Karriera me të rinjtë | |||
| 2002–2007 | Barreirense | ||
| 2007–2012 | Benfica | ||
| Karriera me klube* | |||
| Vitet | Klubi | Ndeshje | (Golat) |
| 2012–2014 | Benfica B | 51 | (3) |
| 2014–2015 | Benfica | 1 | (0) |
| 2014–2015 | → Valencia (huazim) | 10 | (0) |
| 2015–2018 | Valencia | 64 | (2) |
| 2017–2018 | → Internazionale (huazim) | 26 | (1) |
| 2018–2019 | Juventus | 25 | (1) |
| 2019– | Manchester City | 98 | (5) |
| 2023 | → Bayern München (huazim) | 15 | (1) |
| 2023– | → Barcelona (huazim) | 8 | (2) |
| Karriera ndërkombëtare‡ | |||
| 2010 | Portugalia U16 | 6 | (0) |
| 2010–2011 | Portugalia U17 | 17 | (1) |
| 2011–2012 | Portugalia U18 | 7 | (0) |
| 2012 | Portugalia U19 | 25 | (1) |
| 2013–2014 | Portugalia U20 | 9 | (0) |
| 2014–2017 | Portugalia U21 | 11 | (1) |
| 2016– | Portugalia | 48 | (9) |
| *Ndeshjet dhe golat me klubet llogariten vetëm për ligën vendase – redaktuar më 28 tetor 2023 ‡ Ndeshjet dhe golat me ekipin kombëtar të redaktuar më 16 tetor 2023 | |||
Karriera me klube
Benfica
Lindur në Barreiro, Qarku Setúbal, Cancelo filloi të luante futboll me klubin lokal Barreirense. Ai u bashkua me të rinjtë e Benficës në vitin 2007 në moshën 13 vjeç, ku ai luajti si Mbrojtës i djathtë dhe i majtë.
Më 28 korrik 2012, Cancelo debutoi me ekipin e parë në një ndeshje miqësore kundër Gil Vicente ku ai luajti si mbrojtës i djathtë për 90 minuta. Pavarësisht se u regjistrua me ekipin B, ai u pa edhe si zëvëndësuesi i mundshëm i uruguajianit Maxi Pereira në ekipin e parë; deri në vitin 2013 ai përfaqësoi edhe ekipin e të rinjëve, dhe më 18 maj të atij viti shënoi dy gola vendimtar në fitoren 2–1 kundër Rio Ave që i dhuroi ekipit kampionatin kombëtar.
Cancelo luajti ndeshjen e parë zyrtare me ekipin kryesor të Benficës më 25 janar 2014, duke hyrë në minutat e fundit të një fitoreje 1–0 në shtëpi kundër Gil Vicente e vlefshme për Taça da Liga, që më vonë u fitua. Paraqitja e tij e parë në Primeira Liga erdhi më 10 maj pasi klubi kishte siguruar kampionatin, duke luajtur si titullar në një humbje 1–2 kundër Portos.
Valencia
Më 20 gusht 2014, Cancelo u bashkua me klubin spanjoll Valencia në një huazim një-vjeçar. Debutimi i tij në La Liga ndodhi më 25 shtator, në një fitore 3–0 kundër Córdobës; ai e përfundoi sezonin e tij të parë me 13 ndeshje në të gjitha kompedicionet.
Më 25 maj 2015, ai firmosi një kontratë të përherëshme me klubin deri më 30 qershor 2021. Valencia pagoi 15 milion € për kartonin e tij. Ai shënoi golin e parë me klubin më 16 shtator në ndeshjen hapëse të UEFA Ligës së Kampioneve të atij sezoni, në një humbje 2–3 në shtëpi kundër Zenit Saint Petersburg. Goli i parë në La Liga erdhi më 20 prill 2016 në një fitore 4–0 kundër Eibar gjithashtu në Stadiumin Mestalla.
Internazionale
Më 22 gusht 2017, Cancelo u bashkua me Interin në një huazim një-vjeçar deri më 30 qershor 2018 me mundësinë për ta bërë transferimin të përherëshëm. Kjo marrëveshje ishte pjesë edhe e një marrëveshje tjetër, që përfshinë francezin Geoffrey Kondogbia, i cili u huazua tek Valencia.
Ai debutoi me klubin katër ditë më vonë, duke zëvëndësuar Antonio Candrevan në minutën e 83të të një fitoreje 3–1 kundër Romës jashtë fushe. Cancelo pësoi një dëmtim në ligamentin e gjumit në në fund të muajit gjatë kohës që ishte me kombëtaren, gjë që e la jashtë fushave për një muaj e gjysëm. Ai u rikthye në aksion më 17 tetor në një fitore 3–2 kundër Milanit në Derby della Madonnina, duke luajtur në 20 minutat e fundit.
Juventus
Më 27 qershor 2018, Cancelo u ble nga klubi tjetër italian Juventus për shifrën e 40.4 milion €; ai firmosi një kontratë pesë-vjeçare. Ai debutoi me klubin më 18 gusht, duke luajtur 90 minuta në fitoren 3–2 ndaj Chievos në ndeshjen hapëse të sezonit.
Manchester City
Më 7 gusht 2019, Cancelo ju bashkua klubit anglez Manchester City në një kontratë gjashtë-vjeçare për 27.4 milion £ plus shërbimet e mbrojtësit Danilo që kaloi te Juventusi. Shuma e këtij transferimi plus kartoni i Danilos arrini vlerën rreth 60 milion £, duke e bërë Cancelon mbrojtësin e djathtë më të shtrenjtë në histori.
Karriera ndërkombëtare
.jpg)
Cancelo luajti me Portugalinë nën-19 në 2012 UEFA Kampionatin Evropian nën-19. Ai pritej të luante edhe në edicionin tjetër, që u mbajt në Lituani.
Me ekipin nën-20, Cancelo luajti në Kupën e Botës 2013 dhe Turnamentin Toulon 2014. Ai luajti ndeshje në këtë të fundit, me ekipin që arriti në raundin e 16-tave.
Cancelo ishte pjesë e ekipin nën-21 që konkuroi në UEFA Kampionatin Evropian 2015. Ai zëvëndësoi mbrojtësin e majtë Raphaël Guerreiro nga mesi i pjesës së dytë të ndeshejs gjysëm-finale kundër Gjermanisë që u mbyll me një fitore 5–0. Në finale, ekipi u mposht nga Suedia.
Cancelo u thirr në kombëtaren e të rriturve nga trajneri Fernando Santos më 26 gusht 2016, dhe luajti 90 minuta të plota në fitore 5–0 në miqësoren kundër Gjibraltarit, me Cancelon që shënoi të tretin. Një muaj më vonë ai shënoi edhe dy të tjerë, në dy ndeshje kualifikuese të Kupës së Botës 2018 kundër Andorrës (6–0, në shtëpi) dhe Ishujve Faroe (jashtë fushe, i njëjti rezultat).
Në maj 2018, Cancelo ishte pjesë e listës paraprake prej 35 lojtarësh që do luanin në Kupën e Botës 2018, por nuk u përfshi në listën përfundimtare.
Profili i lojtarit
I quajtur si një lojtarë premtues nga mediat, Cancelo njihet më shumë për shpejtësinë e tij, energjinë dhe aftësitë sulmuese, si dhe për aftësitë dribluese, krijueshmërinë dhe krosimet. Ai mund të luaj si mbrojtës dhe anësor në të dyja krahët, pavarësisht se zakonisht luan në të djathtë.
Jeta personale
Në janar 2013, Cancelo u përfshi në një aksident rrugor që vrau mamanë e tij. Ai pësoi dëmtime të vogla.
Statistikat e karrierës
Klube
- Redaktuar më 7 dhjetor 2018
| Klubi | Sezoni | Liga | Kupa | Kupa e ligës | Kontinenti | Gjithsej | |||||
|---|---|---|---|---|---|---|---|---|---|---|---|
| Ndsh | Gola | Ndsh | Gola | Ndsh | Gola | Ndsh | Gola | Ndsh | Gola | ||
| Benfica B | 2012–13 | 20 | 2 | — | — | — | 20 | 2 | |||
| 2013–14 | 31 | 1 | — | — | — | 31 | 1 | ||||
| Gjithsej | 51 | 3 | — | — | — | 51 | 3 | ||||
| Benfica | 2013–14 | 1 | 0 | 0 | 0 | 1 | 0 | 0 | 0 | 2 | 0 |
| Valencia | 2014–15 | 10 | 0 | 3 | 0 | — | — | 13 | 0 | ||
| 2015–16 | 28 | 1 | 4 | 1 | — | 7 | 1 | 39 | 3 | ||
| 2016–17 | 35 | 1 | 3 | 0 | — | — | 38 | 1 | |||
| 2017–18 | 1 | 0 | 0 | 0 | — | — | 1 | 0 | |||
| Gjithsej | 74 | 2 | 10 | 1 | — | 7 | 1 | 91 | 4 | ||
| Internazionale | 2017–18 | 26 | 1 | 2 | 0 | — | — | 28 | 1 | ||
| Juventus | 2018–19 | 12 | 0 | 0 | 0 | 0 | 0 | 3 | 0 | 15 | 0 |
| Gjithsej karriera | 164 | 6 | 12 | 1 | 1 | 0 | 10 | 1 | 187 | 8 | |
Kombëtarja
- Redaktuar më 20 nëntor 2018
| Ekipi kombëtar | Viti | Ndsh | Gola |
|---|---|---|---|
| Portugalia | |||
| 2016 | 4 | 3 | |
| 2017 | 2 | 0 | |
| 2018 | 6 | 0 | |
| Gjithsej | 12 | 3 | |
Golat me kombëtaren
Redaktuar më 10 tetor 2016. Rezultatet e Portugalisë të listuara të parat, kolonat e golave tregojnë rezultatin pas çdo goli të shënuar nga Cancelo.
| Nr. | Data | Vendi | Kundërshtari | Goli | Rezultati | Kompedicioni |
|---|---|---|---|---|---|---|
| 1. | 1 shtator 2016 | Estádio do Bessa, Porto, Portugali |  Gjibraltari | 1 | 5–0 | Ndeshje Miqësore |
| 2. | 7 tetor 2016 | Estádio Municipal, Aveiro, Portugali |  Andorra | 3–0 | 6–0 | Kualifikueset e 2018 FIFA Kupës së Botës |
| 3. | 10 tetor 2016 | Tórsvøllur, Tórshavn, Ishujt Faroe |  Ishujt Faroe | 6–0 | 6–0 | Kualifikueset e 2018 FIFA Kupës së Botës |
Trofe
Klube
Benfica
- Primeira Liga: 2013–14
- Taça da Liga: 2013–14
Kombëtarja
Portugal
- UEFA Kampionati Evropian nën-21 i Futbollit: Finalist 2015
Personale
- Serie A Skuadra e Vitit: 2017–18
Referime
Lidhje të jashtme
| Wiki Commons ka materiale multimediale në lidhje me: João Cancelo. |
- Profili zyrtar te Valencia Arkivuar 7 gusht 2019 tek Wayback Machine
- João Cancelo te TheFinalBall.com
- João Cancelo Arkivuar 9 qershor 2019 tek Wayback Machine te ForaDeJogo
- João Cancelo te BDFutbol
- Profili te Federata Portugeze e Futbollit
- João Cancelo te National-Football-Teams.com
- João Cancelo – Rekordi në kompeticionet e UEFA
This article uses material from the Wikipedia Shqip article João Cancelo, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Përmbajtja është në disponim nëpërmjet licencës CC BY-SA 4.0 nëse nuk shënohet ndryshe. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Shqip (DUHOCTRUNGQUOC.VN) is an independent company and has no affiliation with Wiki Foundation.