Stuorrâlodde (Larus argentatus) lii stuorrâ lodde, mii kulá riddoluudij laahkon.
Puárásumos Suomâst riegistum stuorrâlodde lii lamaš masa 33 ihheed puáris.
Stuorrâlodde Larus argentatus (Pontoppidan, 1763) | |
---|---|
Tile | LC (eellimvuáimálâš) |
Tile Suomâst | VU (hiäjulum) |
Tieđâlâš luokittâllâm | |
Doomeen | Sellâvááimusliih Eucarya |
Kodde | Elleekodde Animalia |
Uáiviráiđu | Savosuonâsiih Chordata |
Vyeliráiđu | Čielgitávtáliih Vertebrata |
Luokka | Lodeh Aves |
Lahko | Riddolodeh Charadriiformes |
Hiäimu | Kaijuuh Laridae |
Suuhâ | Kaijuuh Larus |
Šlaajâ | argentatus |
Stuorrâlodde lii 54–60 cm kukke já tiäddá 640–1 700 g. Ton suájákejij koskâ lii 123–148 cm.
Stuorrâlodde iälust riddokuávluin já motomin meiddei sisenâmist. Tom kuáhtáá iänááš Euroop taveviestâr- já taveoosijn. Suomâst stuorrâlodde pessee suáluikuávluin já siseennâm stuárráámuin jaavrijn Koskâ-Laapi räi. Suomâst stuorrâlodde lii luokattâllum hiäjulum šlaaijân Ive 2019 rääjist, tastko nääli lii kiäppánâm. Ovdil 2019 tot lâi luokattâllum eellimvuáimálâš šlaaijân.
Suomâst maneh almostuveh piervâlân cuáŋui-vyesimáánust. Niŋálâs mannee 2–3 mane, maid niŋálâs já ores kuohtuuh läälliv 25–28 peivid. Uđâgááh vyelgih piervâlist 6–7 oho ahasâžžân.
Stuorrâlodde lii puohporree. Tot porá kuolijd já njuovâduvâid, rapuelleid, lapsemááđuid, eres luudij moonijd já uđâgáid, pasâttâsâid já elleid, moh láá jáámmám jotoluv keežild.
This article uses material from the Wikipedia Anarâškielâ article Stuorrâlodde, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Sisältö on käytettävissä lisenssillä CC BY-SA 4.0, ellei toisin mainita. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Anarâškielâ (DUHOCTRUNGQUOC.VN) is an independent company and has no affiliation with Wiki Foundation.