Harkova Kuávlu
Harkova kuávlu (ukrainakielân Харківська область teikkâ Харківщина) lii haaldâtlâš kuávlu tavenuorttâ-Ukrainast.
Kuávlu vijđodâh lii 31 418 km² já ive 2021 tobbeen assii 2 633 834 olmožid. Vijđoduv peeleest tot lii Ukraina niäljádin stuárráámus kuávlu. Ton ránnjákuávluh láá nuorttân Luhansk kuávlu, mäddin Donetsk já Dnipropetrovsk kuávluh, uárjin Pultava kuávlu, tavveen Ruošâ Belgorod kuávlu já taveuárjin Sumy kuávlu. Kuávlu já siämmáánommâsii pirrâduv haaldâtlâš kuávdáš lii Harkova, kost ive 2021 aalgâst assii 1 433 886 olmožid.
Haldâttâh já politiik
Haaldâtlâš jyehim
Pirrâduvah
Ukraina kuávluhaldâttuv vuossâmuu tääsist láá kuávluh já nube tääsist pirrâduvah (ukrainakielân район). Ive 2020 räi Harkova kuávlu lâi juohhum 25 pirrâdâhân já 7 kaavpugân, mut syeinimáánu 2020 kuávlu-uđâsmitmist Ukraina alemus rääđi meridij, ete Harkova kuávlun kuleh innig čiččâm pirrâdâhhâd:
| Nommâ | Ukrainakielâg nommâ | Ässeeloho (2021) | Kaavpugliih (%, 2021) | Vijđodâh (km²) | Haaldâtlâš kuávdáš (ässeeloho 2021) | Sajadâh káártást |
|---|---|---|---|---|---|---|
| Bohodukh'iv pirrâdâh | Богодухівський район | 124 936 | 40.5 | 4 508,1 | Bohodukh'iv (14 882 ässed) |  |
| Harkova pirrâdâh | Харківський район | 1 745 734 | 94.4 | 3 222,5 | Harkova (1 433 886 ässed) |  |
| Izjum pirrâdâh | Ізюмський район | 175 986 | 61.6 | 5 906,2 | Izjum (45 884 ässed) |  |
| Krasnohrad pirrâdâh | Красноградський район | 105 948 | 36.7 | 4 334,2 | Krasnohrad (20 013 ässed) |  |
| Kupjansk pirrâdâh | Куп'янський район | 133 135 | 52.3 | 4 612,9 | Kupjansk (27 169 ässed) |  |
| Lozova pirrâdâh | Лозівський район | 150 400 | 68.7 | 4 027,1 | Lozova (54 026 ässed) |  |
| Tšuhujiv pirrâdâh | Чугуївський район | 197 695 | 61.4 | 4 804,0 | Tšuhujiv (31 575 ässed) |  |
Viehâdâh
Kaavpugeh
Harkova lii sehe kuávlu já siämmáánommâsii pirrâduv haaldâtlâš kuávdáš. Tot lii meid Ukraina nubben stuárráámus kaavpug. Tobbeen assii ive 2021 2 633 834 olmožid. Kuávlu eres stuárráámuuh kaavpugeh ive 2021 lijjii Lozova (54 026 ässed), Izjum (45 884 ässed), Tšuhujiv (31 575 ässed), Pervomaisky (31 061 ässed), Balaklija (29 499 ässed), Kupjansk (27 169 ässed), Pisotšyn (23 616 ässed), Merefa (21 421 ässed), Ljubotyn (20 376 ässed) já Krasnohrad (20 013 ässed).
Fáádást eres soojijn
Wiki Commonsist láá koveh teikkâ eres tiätuvuárháh fáádást Harkova kuávlu.
Käldeeh
| |||||||||||
This article uses material from the Wikipedia Anarâškielâ article Harkova kuávlu, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Sisältö on käytettävissä lisenssillä CC BY-SA 4.0, ellei toisin mainita. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Anarâškielâ (DUHOCTRUNGQUOC.VN) is an independent company and has no affiliation with Wiki Foundation.