කකුළුවා
මඩ කකුළුවා
ශ්‍රී ලංකාවේ මඩ කකුළුවන් ඇති කිරීම සිදුකරයි . දේහ වර්ණය නිල් පැහැයට හුරු කොළ පැහැයක් ගනී. බොහෝ විට කඩොලාන ශාක ආශ්‍රිත කලපු වල වාසය කරයි. නමුත් බිත්තර මේරීම සිදුවන්නේ කරදියෙහි ය. පාද වල බහු අඝ්‍රාකාර සුදු පැහැති සළකුණු ඇත. මඩ කකුළුවාගේ පිරිමි සතා ගැහැණු සතාට වඩා විශාලය. මඩ කකුළුවන් මාංශ භක්ෂක වේ.
පරිණත කකුළුවන් ප්‍රජනනයේ යෙදීමෙන් පසු බිජුබර ගැහැනු සතුන් මුහුදට සංක්‍රමණය වේ. මුහුදේ දී බිත්තර දමන අතර කීටයන් තරමක් වර්ධනය වී මෙගලෝපා නමින් හඳුන්වන කීටයා වූ පසු කලපු හා මෝය ආශ්‍රිත ප්‍රදේශ වලට සංක්‍රමණය වේ. මෙගලෝපා කීටයා පරිනත කකුළුවෙකු බවට පත්වන තුරුම කඩොලාන පරිසර පද්ධතියේ වාසය කරයි.
වර්තමානයේ බොහෝ කකුළුවන් වගා කරන්නන් කකුළුවන් අල්ලලා ගනු ලබන්නේ කඩොලාන ආශ්‍රිත ස්වාභාවික පරිසරයෙනි. එයට හේතුව අභිජනන මධ්‍යස්ථාන තුළින් ලබාගන්නා සතුන් නියමිත වෙළෙඳපළ බරට පැමිණීමට පෙර මියයාම නිසා ආර්ථික වශයෙන් පාඩු සිදුවන බැවිනි. කලපුවෙන් අල්ලලා ගන්නා බර ග්‍රෑම් 250ට අඩු කලපු කකුළුවන් තර කිරීම සඳහා යොදා ගනී.
කකුළුවන්ගේ මාංශය ඉතා රසවත් ආහාරයකි. කලපු කකුළුවන් හෙවත් මඩ කකුළුවන් ශ්‍රී ලංකාවේ තර කිරීම සඳහා වැඩි වශයෙන් යොදාගනී. කලපු කකුළුවන් සඳහා දේශීය මෙන්ම විදේශීය වෙළෙඳපළ ඉල්ලුමක් පවතී. සිංගප්පූරුව , මැලේසියාව , ජපානය යන රටවල් සඳහා ශ්‍රී ලංකාව කකුළුවන් අපනයනය කරනු ලබයි .
This article uses material from the Wikipedia සිංහල article කකුළුවා, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). අන්ලෙසකින් සඳහන්කර නැති සෑම විටෙකම අන්තර්ගතය CC BY-SA 4.0 යටතේ ඇත. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki සිංහල (DUHOCTRUNGQUOC.VN) is an independent company and has no affiliation with Wiki Foundation.