သၽႃးမိူင်းႁူမ်ႈတုမ်
သၽႃးမိူင်းႁူမ်ႈတုမ် (မၢၼ်ႈ: ပြည်ထောင်စု လွှတ်တော်), (ဢိင်းၵလဵတ်ႈ: Assembly of the Union) ၼႆႉပဵၼ်ႁွင်ႈၵၢၼ် ၽၢႆႇသၢင်ႈၾိင်ႈမိူင်း ဢၼ်ဢိင်လူၺ်ႈ လၵ်းမိူင်း မိူင်းႁူမ်ႈတုမ်မိူင်းမၢၼ်ႊ ဢၼ်ၵူၼ်းမိူင်းမၵ်းမၼ်ႈမႃးပၼ် တီႈပၢင်ႁပ်ႉဢဝ်ၵၢင်ၸႂ်ၵူၼ်းမိူင်း ပီ 2008 ၼၼ်ႉယဝ်ႉ။ ယူင်ႉသၢင်ႈ သၽႃးမိူင်းႁူမ်ႈတုမ်ၼႆႉ မီးဝႆႉတီႈ ၼေႇပျီႇတေႃႇၼၼ်ႉယဝ်ႉ။
| Assembly of the Union သၽႃးမိူင်းႁူမ်ႈတုမ် Pyidaungsu Hluttaw | |
|---|---|
| သၽႃးမိူင်းႁူမ်ႈတုမ် ပွၵ်ႈၵမ်းသွင် | |
Wiki လိၵ်ႈတႆး | |
| မဵဝ်းမၼ်း | |
| မဵဝ်းမၼ်း | သၽႃးသွင်ဢၼ်ႁူမ်ႈၵၼ် |
| လုမ်းတႅၼ်းၽွင်း | သၽႃးၸိူဝ်ႉၸၢတ်ႈ သၽႃးၵူၼ်းမိူင်း |
| သၢႆပိုၼ်း | |
| တႄႇတင်ႈ | 31 ၸၼ်ႇဝႃႇရီႇ 2011 |
| ဢွၼ်တၢင်း | သၽႃးမိူင်းႁူမ်ႈတုမ် (1974-1988) |
| ႁူဝ်ၼႃႈ | |
| လၵ်းမိူင်း | |
| ႁူဝ်ၼပ်ႉတႅၼ်းၽွင်း | 664 တႅၼ်းၽွင်း သၽႃးၸိူဝ်ႉၸၢတ်ႈ224 ၵေႃႉ တႅၼ်းၽွင်း သၽႃးၵူၼ်းမိူင်း 440 ၵေႃႉ |
 | |
ၸုမ်းပၢႆးၵၢၼ်မိူင်း သၽႃးၸိူဝ်ႉၸၢတ်ႈ | NLD (135) |
 | |
ၸုမ်းပၢႆးၵၢၼ်မိူင်း သၽႃးၵူၼ်းမိူင်း | NLD (255) |
| ပၢင်လိူၵ်ႈတင်ႈ | |
သၽႃးၸိူဝ်ႉၸၢတ်ႈ ပၢင်လိူၵ်ႈတင်ႈ လိုၼ်းသုတ်း | 2015 ၼူဝ်ႇဝႅမ်ႇပႃႇ 8 |
သၽႃးၵူၼ်းမိူင်း ပၢင်လိူၵ်ႈတင်ႈ လိုၼ်းသုတ်း | 2015 ၼူဝ်ႇဝႅမ်ႇပႃႇ 8 |
| တီႈဢုပ်ႇၵုမ် | |
 | |
| သၽႃးမိူင်းႁူမ်ႈတုမ်၊ ၼေႇပျီႇတေႃႇ | |
| ဝႅပ်ႉသၢႆႉ | |
| www | |
တီႈ သၽႃးမိူင်းႁူမ်ႈတုမ်ၼၼ်ႉ ၶဝ်ႈပႃးဝႆႉ သၽႃး (2) ဢၼ်ယဝ်ႉ။
- သၽႃးၸိူဝ်ႉၸၢတ်ႈ ဢၼ်တႅၼ်းၽွင်း ၶဝ်ႈပႃးဝႆႉ 224 ၵေႃႉ
- သၽႃးၵူၼ်းမိူင်း ဢၼ်တႅၼ်းၽွင်း ၶဝ်ႈပႃးဝႆႉ 440 ၵေႃႉ
ဝၢႆးသေ ပၢင်လိူၵ်ႈတင်ႈၵူထၢၼ်ႈ 2010 ယဝ်ႉၵႂႃႇယဝ်ႉ ဢၼ်ပဵၼ်ပၢင်ၵုမ်ပွၵ်ႈၵမ်းဢွၼ်တၢင်းသုတ်း တႃႇ သၽႃးမိူင်းႁူမ်ႈတုမ်ၼၼ်ႉ လႆႈၸတ်းႁဵတ်းႁွင်ႉဢဝ်မႃး မိူဝ်ႈ ပီ 2011 လိူၼ်ၸၼ်ႇဝႃႇရီႇ 31 ၼၼ်ႉယဝ်ႉ။
ပုၼ်ႈၽွင်းပိူင်လူင်တႃႇ သၽႃးမိူင်းႁူမ်ႈတုမ်ၼႆ့ ၸိူဝ်းပဵၼ် တႅၼ်းၽွင်းၵူၼ်းမိူင်း (168 ၵေႃႉ) ဢၼ်မီးတီႈ သၽႃးၸိူဝ်ႉၸၢတ်ႈ၊ တႅၼ်းၽွင်းၵူၼ်းမိူင်း (330 ၵေႃႉ) ဢၼ်မီးတီႈ သၽႃးၵူၼ်းမိူင်း လႄႈ တႅၼ်းၽွင်းတပ်ႉမတေႃႇ (166 ၵေႃႉ) ဢၼ်မီးတီႈ သၽႃးသွင်ဢၼ်ၼၼ်ႉသေ မီးသုၼ်ႇလိူၵ်ႈတၢင်ႇ ၸွမ်ပွင်ၸိုင်ႈ ၼႂ်းၵႃႈ ၵႅမ်ပွင်ၸိုင်ႈ (3) ၵေႃႉ ဢၼ်လုၵ်ႉတီႈ ၸုမ်းလိူၵ်ႈတၢင်ႇၸွမ်ပွင်ၸိုင်ႈၼၼ်ႉ လိူၵ်ႈဝႆႉၼၼ်ႉယဝ်ႉ။
လုၵ်ႉတီႈသၽႃးမိူင်းႁူမ်ႈတုမ်သေ ပီ 2011 ၾႅပ်ႇဝႃႇရီႇ ဝၼ်းတီႈ 4 ၼၼ်ႉ ဝၢႆးသေလႆႈမၵ်းမၼ်ႈ လၵ်းမိူင်း 2008 ယဝ်ႉ ၸင်ႇလႆႈဢဝ် ၸွမ်သိုၵ်းလူင်ၵေႃႉၵဝ်ႇ ဢူးတဵင်းၸဵင်ႇ လိူၵ်ႈတၢင်ႇပဵၼ် ၸွမ်ပွင်ၸိုင်ႈမိူင်းမၢၼ်ႊ ၵေႃႉဢွၼ်တၢင်းသုတ်းၼၼ်ႉယဝ်ႉ။ ၸိူဝ်းပဵၼ်ၵႅမ်ၸွမ်ၸိုင်ႈ ဢၼ်လုၵ်ႉတီႈ သၽႃးၸိူဝ်ႉၸၢတ်ႈ]] လဝ်ႈတၢင်ႇမႃး မေႃႇယႃ ၸၢႆးမွၵ်ႇၶမ်း ၵူၼ်းၶိူဝ်းတႆး လႄႈ ဢၼ်ပဵၼ် ၽူႈတၢင်တူဝ်ၽၢႆႇတပ်ႉၶဝ် လဝ်ႈတၢင်ႇၶိုၼ်ႈမႃး ၵေႃႉဢၼ်ပဵၼ် ၸွမ်သိုၵ်းလူင်ၵေႃႉၵဝ်ႇ တိၼ်ႇဢွင်ႇမျိၼ်ႉဢူး ၼၼ်ႉယဝ်ႉ။
ဢိင်ၼိူဝ်လၵ်းမိူင်းသေ ၼႂ်းဢႃႇယုႇသၽႃး 30 လိူၼ် ၽၢႆႇၼႃႈ ၼၼ်ႉ ၸိူဝ်းပဵၼ် ၽူႈၼၢမ်း လႄႈ ၵႅမ်ၽူႈၼၢမ်း သၽႃးၸိူဝ်ႉၸၢတ်ႈၼႆႉ ပဵၼ်ပႃး ၽူႈၼင်ႈၸိုင်ႈ လႄႈ ၵႅမ်ၽူႈၼင်ႈၸိုင်ႈ သၽႃးမိူင်းႁူမ်ႈတုမ်ယဝ်ႉ။ ၼႂ်းဢႃႇယုႇဢၼ်ၵိုတ်းလိူဝ်ၼၼ်ႉ ၸိူဝ်းပဵၼ် ၽူႈၼၢမ်း သၽႃးၵူၼ်းမိူင်း လႄႈ ၵႅမ်ၽူႈၼၢမ်းၶဝ် လႆႈၶိုၼ်းသိုပ်ႇဢဝ် ပုၼ်ႈၽွၼ်း ၽူႈၼင်ႈၸိုင်ႈလႄႈ ၵႅမ်ၽူႈၼင်ႈၸိုင်ႈယဝ်ႉ။ သင်ၸိူဝ်ႉဝႃႈ ၽူႈၼင်ႈၸိုင်ႈ သၽႃးမိူင်းႁူမ်ႈတုမ်ၼႆ့ ဢမ်ႇပဵၼ်လႆႈ တႃႇသိုပ်ႇႁၢပ်ႇပုၼ်ႈၽွၼ်းၵႂႃႇယဝ်ႉၼႆၸိုင် ၵႅမ်ၽူႈၼင်ႈၸိုင်ႈ တေလႆႈဢဝ် ပုၼ်ႈၽွၼ်းၽူႈၼင်ႈၸိုင်ႈ ၸူဝ်ႈၵႅပ်ႉယဝ်ႉ။
ၽိုၼ်ဢိင်
ႁဵင်းၵွင်ႉၽၢႆႇၼွၵ်ႈ
This article uses material from the Wikipedia လိၵ်ႈတႆး article သၽႃးမိူင်းႁူမ်ႈတုမ်, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ၸိူဝ်းၶဝ်ႈပႃးဝႆႉၼႆႉ မၼ်းတေၸၢင်ႈၸႂ်ႉလႆႈ ၵႃႈတီႈ မ်ႂ CC BY-SA 4.0 Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki လိၵ်ႈတႆး (DUHOCTRUNGQUOC.VN) is an independent company and has no affiliation with Wiki Foundation.