Wiki Commons

Wiki Commons

Wiki လိၵ်ႈတႆး
Screenshot  ၼႃႈႁူဝ်ႁႅၵ်ႈ Wiki Commons
လိူင်ႈမဵဝ်း	ယေးယွင် မီႇတီႇယႃႇ
ၸဝ်ႈၶွင်	ဝီႇၶီႇမီႇတီႇယႃႇ ၾွင်ႇတေးသျိၼ်း
ဝႅပ်ႉသၢႆႉ	commons.wikimedia.org
Alexa ၸၼ်ႉ	255 (တေႃႇထိုင် ၼူဝ်ႇဝႅမ်ႇပႃႇ 2016)
လွင်ႈတၢင်ႇမၢႆၽၢင်	Optional (လူဝ်ႇ တွၼ်ႈတႃႇလူတ်ႇၾၢႆႇၶိုၼ်ႈ)
ပီတႄႇပိုတ်ႇတၢင်ႇ	သႅပ်ႇထႅမ်ႇပႃႇ 7, 2004; 19 ပီ ပူၼ်ႉမႃး (2004-09-07)
သၢႆငၢႆယၢမ်းလဵဝ်	ဢွၼ်ႇလၢႆး

ၸိူဝ်းပဵၼ်ၾၢႆႇ ဢၼ်မီးတီႈ Wiki Commons ၼၼ်ႉ ၸၢင်ႈဢဝ်ၵႂႃႇၸႂ်ႉလႆႈ ၵႃႈတီႈ ဝီႇၶီႇမီႇတီႇယႃႇ ပရေႃးၵျႅတ်ႉတင်းသဵင်ႈ ၸိူဝ်းပဵၼ် ဝီႇၶီႇၽီးတီးယႃး၊ ဝီႇၶီႇပပ်ႉ၊ ဝီႇၶီႇၵူႈမိုဝ်းဢွၵ်ႇတၢင်း၊ ဝီႇၶီႇၸိူဝ်ႉၽၼ်း၊ ဝီႇၶီႇငဝ်ႈငႃႇ၊ လႄႈ ဝီႇၶီႇၶၢဝ်ႇ ၸၵႂႃႇၸိူဝ်းၼႆႉယဝ်ႉ။ ၼႂ်းပီ 2018 ၼၼ်ႉ တီႈၼိူဝ် Wiki Commons ၼႆႉ ၾၢႆႇမီႇတီႇယႃႇတင်းသဵင်ႈ မီးယူႇ 48 လၢၼ်ႉပၢႆယဝ်ႉ။ မိူဝ်ႈပီ 2013 လိူၼ်ၵျူႇလၢႆႇၼၼ်ႉ တီႈ Commons ၼႆႉ မီးလွင်ႈမႄးထတ်း ထိုင် 100,000,000 ၵမ်းမႃးယဝ်ႉ။

ပရေႃးၵျႅတ်ႉၼႆႉ Erik Moller ၵေႃႇတၢင်ႇလဝ်ႈမႃး မိူဝ်ႈပီ 2004 လိူၼ်မၢတ်ႉၶျ် ၼၼ်ႉသေ ထိုင် ပီ 2004 လိူၼ်သႅပ်ႇထႅမ်ႇပႃႇ 7 ဝၼ်းမႃး တႄႇပိုတ်ႇတၢင်ႇမႃးယဝ်ႉ။ မိူဝ်ႈပႆႇမီး Commons ၼၼ်ႉ ၾၢႆႇၸိူဝ်းဢၼ်မိူၼ်ၵၼ်ၼႆႉ ဢွၼ်ၵၼ်တၢင်ႇႁင်းၽႂ်ႁင်းမၼ်း တီႈဝီႇၶီႇၵူႈမဵဝ်းမဵဝ်းလႄႈ တွၼ်ႈတႃႇႁႂ်ႈယွၼ်ႇယွမ်းလႆႈ လွင်ႈၾၢႆႇမိူၼ်ၵၼ် သွၼ်ႉၵၼ်တီႈ သၢႆႉၽႃႇသႃႇၶေႃႈၷႂၢမ်းလႄႈ တီႈဝီႇၶီႇမီႇတီႇယႃႇ ပရေႃးၵျႅတ်ႉ ၼႆလႄႈ ၸင်လႆႈတႄႇတင်ႈမႃးယဝ်ႉ။

ၸိူဝ်းပဵၼ်ပရေႃးၵျႅတ်ႉၽႃၽေ (တူဝ်ယၢင်ႇမၼ်း တၢတ်ႉၶျ်၊ သုၺ်းတိၼ်ႇ၊ တဵင်းမၢတ်ႉ၊ ၼေႃႉဝူၺ်ႇ၊ သပဵၼ်ႇ၊ ပိတ်ႉၶီႇ၊ ပူဝ်းလႅၼ်ႇ၊ ၶျၢတ်ႉ လႄႈ သလူဝ်ႇဝႅၼ်ႇ ၸိူဝ်းပဵၼ် ဝီႇၶီႇၽီးတီးယႃးၼႆႉ) ၶဝ်ဢဝ် ၾၢႆႇမီႇတီႇယႃႇၶဝ် ၶၢႆႉၶိုၼ်ႈၼိူဝ် Commons မႃးသေ ၶဝ်ၵိုတ်းလိုဝ်ႈ လွင်ႈတၢင်ႇၼိူဝ် ဝီႇၶီႇၽီးတီးယႃးပိုၼ်ႉတီႈၶဝ်ႈၼၼ်ႉယဝ်ႉ။ မိူၼ်ၼင်ႇတီး ဝီႇၶီႇၽီးတီးယႃးဢင်းၵိတ်ႉ ၸိူဝ်းၼၼ်ႉတႄႉ ယွၼ်ႉမီးလွင်ႈ တိူင်ႇလၢတ်ႈၵဵဝ်ႇလူၺ်ႈ သုၼ်ႇၸဝ်ႈၶွင်လႄႈ ၸင်ႇလႆႈ သိုပ်ႇထိင်းဝႆႉ သိုပ်ႇပၼ်သုၼ်ႇ တၢင်ႇၾၢႆႇၸိူဝ်း ဢၼ် Commons ဢမ်ႇႁပ်ႉပၼ်ဝႆႉလႆႈၼၼ်ႉယဝ်ႉ။

ၶေႃႈယိူင်းဢၢၼ်း Wiki Commons ၼႆႉ တွၼ်ႈတႃႇၵမ်ႉထႅမ်ပၼ်လႆႈ ၼင်ႇ ယေးယွင်မီႇတီႇယႃႇ "ဢၼ်တေၵမ်ႉထႅမ်ပၼ်လႆႈ ယေးယွင်ၵွင်ၵၢင် တွၼ်ႈတႃႇ ပရေႃးၵျႅတ်ႉၵူႈမဵဝ်းမဵဝ်း ၶွင် ဝီႇၶီႇမီႇတီႇယႃႇ ၾွင်ႇတေးသျိၼ်း လႄႈ တွၼ်ႈတႃႇ ဢဝ်ၸႂ်ႉလႆႈ မီႇတီႇယႃႇ ၵဵဝ်ႇလူၺ်ႈ ပၢႆးပႆႇၺႃႇ ဢၼ်ဢမ်ႇမီးသုၼ်ႇၸဝ်ႈၶွင် ဢၼ်ၸႂ်ႉလႆႈ လွတ်ႈလွတ်ႈလႅဝ်းလႅဝ်းၼၼ်ႉ" ၼႆယဝ်ႉ။ "ၵဵဝ်ႇလူၺ်ႈ ပၢႆးပႆႇၺႃႇ" ဢၼ်ဝႃႈၼႆႉ ၶႂ်ႈႁႂ်ႈပွင်ႇႁၼ်ထိုင်ဝႃႈ "တွၼ်ႈတႃႇၵမ်ႉထႅမ်ပၼ် တႃႇမီးတၢင်းႁူႉတၢင်းႁၼ်၊ တွၼ်ႈတႃႇ ၵဵဝ်ႇလူၺ်ႈ လွင်ႈပူင်သွၼ်၊ တွၼ်ႈတႃႇပိုတ်ႇပၼ်ပၢႆးႁူႉ" ၼႆယဝ်ႉ။

တီႈ Wiki Commons ၼႆႉ ၸိူဝ်းဢၼ်ပဵၼ် ဢၼ်မီးသုၼ်ႇၸဝ်ႈၶွင်၊ ဢၼ်ဢမ်ႇၸႂ်ႈ မႂ်ၶႂၢင်း ဢၼ်လွတ်ႈလႅဝ်းထၢင်ႇႁၢင်ႈ၊ ဢၼ်ပဵၼ်တႃႇၸႂ်ႉ ၵဵဝ်ႇလူၺ်ႈလွင်ႈၵၢၼ်ပၢႆးမၢၵ်ႈမီး၊ ၾၢႆႇၸိူဝ်းဢၼ် သိုပ်ႇသေၶူင်သၢင်ႈဝႆႉၼၼ်ႉ ဢမ်ႇမီးသုၼ်ႇတၢင်ႇၶိုၼ်ႈ။ ယွၼ်ႉလွင်ႈတၢင်းဢၼ်ၼႆႉလႄႈ Wiki Commons ၼႆႉ တိုၼ်းလူတ်ႇတၢင်ႇၶိုၼ်ႈပၼ် ၾၢႆႇ ဢၼ်ဢမ်ႇမီးသုၼ်ႇၸဝ်ႈၶွင်ၼၼ်ႉတႃႇသေႇသေ တိုၼ်းဝႃႉ ယႃႉပႅတ်ႈ လွင်ႈပူၼ်ႉပႅၼ်သုၼ်ႇၸဝ်ႈၶွင်ၼၼ်ႉယဝ်ႉ။ ၼႂ်းမႂ်ၶႂၢင်း ဢၼ်ႁပ်ႉပၼ်လႆႈၼႆႉ မႂ်ၶႂၢင်း GNU Free Documentation License, Creative Commons Attribution and Attribution/ShareAlike ၊ ၶဝ်ႈပႃး ၸိူဝ်းပဵၼ် လွင်ႈတၢင်းဢၼ်လႆႈလၢႆ လႄႈ မႂ်ၶၢင်းသွပ်ႉၾ်ဝႄးလ်ဢၼ်လႆႈလၢႆ တင်း public domain ၸိူဝ်းၼၼ်ႉယူႇယဝ်ႉ။

 

ငဝ်ႈငႃႇ: commons:Commons:Milestones

• ၼူဝ်ႇဝႅမ်ႇပႃႇ 30၊ 2006 - ၾၢႆႇမီႇတီႇယႃႇ 1 လၢၼ်ႉ
• သႅပ်ႇထႅမ်ႇပႃႇ 2၊ 2009 - ၾၢႆႇမီႇတီႇယႃႇ 5 လၢၼ်ႉ
• ဢေႇပရႄႇ 15၊ 2011 - ၾၢႆႇမီႇတီႇယႃႇ 10 လၢၼ်ႉ
• တီႇသႅမ်ႇပႃႇ 4၊ 2012 - ၾၢႆႇမီႇတီႇယႃႇ 15 လၢၼ်ႉ
• ၵျူႇလၢႆႇ 14၊ 2013 - လွင်ႈမႄးထတ်းႁူမ်ႈ 100,000,000
• ၸၼ်ႇဝႃႇရီႇ 25၊ 2014 - ၾၢႆႇမီႇတီႇယႃႇ 20 လၢၼ်ႉ
• ၸၼ်ႇဝႃႇရီႇ 13၊ 2016 - ၾၢႆႇမီႇတီႇယႃႇ 30 လၢၼ်ႉ
• သၢႆမၢႆယၢမ်းလဵဝ် - Commons:Special:Statistics

• ဝႅပ်ႉသၢႆႉ ပဵၼ်တၢင်းၵၢၼ် (မူဝ်ႇပၢႆး)
• Commons:Picture of the Year
• Commonist – တွၼ်ႈတႃႇ လူတ်ႇၶႅပ်းႁၢင်ႈ တၢင်ႇၶိုၼ်ႈလႆႈ တီႈၼိူဝ် Wiki Commons ၶိူင်ႈၵေႃႇငဝ်ႈ Java
• Multimedia Usability Project – aims to improve multimedia uploading on Wiki Commons
• Mirror of Wiki Commons by WikiTeam