سوانح نگاري (Biography) پنھنجي زندگيءَ کي ڇڏي ڪنھن ٻئي جي حياتي، حياتيءَ جا حادثا واقعا ۽ زندگيءَ جو احوال قلمبند ڪرڻ کي سوانح نگاري سڏبو آهي.
سوانح لکندڙ کي سوانح نگار (Biographer) چئبو آهي. انسائيڪلوپيڊيا برٽانيڪا ۾ ھن صنف لاءِ لکيو ويو آھي تہ ”ھي غير افسانوي ادب جو قسم آھي، جنھن جو موضوع فرد جي حياتي ھوندو اھي. عام طور تي ھن ۾ آتم ڪھاڻي بہ اچي وڃي ٿي. جنھن جو موضوع ڪنھن جي پنھنجي تاريخ جو بيان ڪرڻ ھوندو آھي.“ تاريخ، وسيع تناظر ۾ نسلن ۽ گروھن جي حالات، واقعات حادثات، عروج و زوال ۽ شڪست وغيره جي ڪھاڻي ٻڌائيندي آھي، جڏھن تہ سوانحي ادب ھڪ فرد جي شخصيت جي مڙني پھلوئن جي تصوير ڏيکاريندو اھي ۽ ان سان لاڳاپيل تاريخي واقعا ان ۾ خود بخود اچي وڃن ٿا. ان حساب سان جيون ڪھاڻي کي تاريخ جو حصو سمجهڻ گهرجي. ڇو جو ان جو دارومدار واقعن جي تسلسل ۽ لکيل توڙي زباني مواد جي وضاحت تي ھوندو آھي، جيڪو تحقيق ۽ ذاتي يادگيرين تي قائم ھوندو آھي.
This article uses material from the Wikipedia سنڌي، سندھی ، सिन्ध article سوانح نگاري, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). مواد CC BY-SA 4.0 ھيٺ موجود آھي جيسيتائين ٻي صورت واضع نہ ڪئي وڃي. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki سنڌي، سندھی ، सिन्ध (DUHOCTRUNGQUOC.VN) is an independent company and has no affiliation with Wiki Foundation.