Halywuid, Dumfries An Gallowa

Halywuid (English: Holywood) is a veelage an ceevil pairish in the historical coonty o Dumfriesshire in Dumfries an Gallowa, Scotland. The veelage wis developit in the mid 20t century. In 1949 aichteen hooses wis biggit bi the coonty cooncil an follaed short efter bi anither 38.

Dercongal Aibey (or Halywuid Aibey) wis a Premonstratensian aibey that wis estaiblisht in 1225 an dissowlit in 1609. The aibey wis demolisht an uised tae build the pairish kirk in 1778. As o 2002, no remeens wis veesible.

The name Dercongal means "Congal's aik shaw". The name Halywuid refers tae this aik shaw. The saunt commemoratit in this name micht be Convallus, a disciple o Saunt Mungo. Houiver, thare is a number o ither saunts that the dedication coud applee tae. The surroondin laundskip haes several prehistoric moniments, includin twa cursi an the Twal Apostles stane circle, that suggests a conteenuity o a saucrit or admeenistrative tradeetion in the aurie.

The pairish aforehaund haed three schuils: Speddoch, Steilston, and Holywood, near the veelage. The praisent schuil biggin wis biggit in 1967. Its catchment includes the Woodland aurie o Dumfries an pairt o the catchment o Auldgirth Primary Schuil that closed in 2000.

Holywood railwey station appent as Killylung in 1849 bit wis renamit Holywood within a year, an it closed in 1949.