Lu Surrialismu è nu muvimentu curturali ca nascìu ntî l'anni 20 a Parigi.
Tiurizzatu di André Breton si sviluppò nti l'arti visivi (comu la pittura, scurtura, etc.), ma videmma ntâ la Littiratura e ntô Cinima.
Li espunenti cchiù mpurtanti di lu Surrialismu sù René Magritte e Salvador Dalì pâ pittura e Luis Buñuel pô cìnima.
Lu mèdicu austriacu Sigmund Freud, cu la sò tiurìa psicanalìtica, analizza la nfluenza di lu nostru cumpurtamentu di ssi disìi e mpulsi istintivi ca fannu parti di lu nostru ncosciu, ca è la parti cchiù ammucciata di nuàutri e ca si manifesta suprattuttu nti li sonna.
N accordu cu la tiurìa di Freud, ntô 1924 lu pueta francisi André Breton pùbbrica lu Primu manuscrittu du Surrialismu. Nta stu scrittu, Breton spijiga lu scopu di lu sò muvimentu: esprìmiri tuttu chiddu c'apparteni a la parti irrazziunali di l'èssiri umanu, lu ncosciu, nta tutta libbirtati e a na manera "autumàtica", zoè sinza nuddu ntirventu di la raggiuni. Propiu cumu avveni nti lu sonnu, quannu la mmàggini si sussìgunu sinza nu lijami apparenti, rilivannu la parti cchiù prufunna e scura di la nostra menti.
P'agghicari a st'ubbiettivu, li Surrialisti ùsanu lu autumatismu psìchicu: l'esprissiuni artìstica havi a èssiri lu risurtatu di la mmidiata currispunnenza ntra lu ncosciu e lu gestu artìsticu; la cuscienza nun havi a esircitari nuddu cuntrollu murali o razziunali supra li risurtati finali.
Ni tradurri lu ncosciu ni li tèrmini fiurativi si sìinu dui nnirizzi diversi: unu privileggia la fiurazzioni naturalìstica, l'àutru chidda astratta.
Ntâ fiurazzioni naturalìstica, vìnninu accustati banni di mmàggini riali sinza nuddu criteriu lòggicu o razziunali. L'arti surrialista addiventa accussì nu munnu novu, fantàsticu e stravaganti, unni la rialitati si funni cu lu sonnu. Asimplari è a tali prupòsitu René Magritte, ca arrializza òpiri ca pròvucanu, a cui li talìa, effetti di surprisa e spaisamentu.
Ultra a chisti accustamenti assurdi, li Surrialisti arrifurmanu spissu li fiuri, comu putemu taliari nti li òpiri di Salvator Dalì, mantinennu pirò sempri furmi difiniti e nìtidi: chissu cuntribbuisci a criari n'attimusfera nquitanti e allucinanti.
Ntâ fiurazzioni astratta li artisti pàrtunu sempri di li furmi naturali, ca vìnninu pirò trasfiurati siquennu nu princìpiu d'astrazzioni. Artisti comu André Masson, Joan Mirò, Max Ernst e Yves Tanguy, addipìnninu quatri fantàstici attincìnnu di li sonna e di la mimòria d'iddi. Cu talìa è lìbbiru di ntirpritari e asciari n chisti òpiri significati simmulici: n chistu sinzu, lu Surrialismu pò èssiri cunzidiratu l'eredi principali di lu Simmulismu e di lu Dadaismu.
This article uses material from the Wikipedia Sicilianu article Surrialismu, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Stu cuntinutu è dispunìbbili sutta â CC BY-SA 4.0 quannu nun veni spicificatu diversamenti. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Sicilianu (DUHOCTRUNGQUOC.VN) is an independent company and has no affiliation with Wiki Foundation.