Pierre De Fermat

'N particulari, fu lu pricursuri dû càlculu diffirinziali cô sò mètudu pi la nnividuazzioni dî màssimi e dî mìnimi dî funzioni, anàlugu a chiddu pû càlculu diffirinziali chi va a èssiri sviluppatu di Gottfried Leibniz e Isaac Newton. Forsi ancora cchiù mpurtanti forru li sò ricerchi 'n tiurìa dî nùmmura chi ni fannu lu funnaturi dâ tiurìa muterna. Cèlibbri è lu sò ùrtumu tiurema di Fermat. Lu tiurema di Fermat nicu assai mpurtanti 'n àlgibbra duna la rilazzioni

${\displaystyle a^{\phi }(n)\equiv 1{\bmod {n}},}$

funnamintali pi lu studiu dî gruppi abbiliani e li gruppi cìclici. Desi puru cuntribbuti mpurtanti 'n giometrìa analìtica e 'n prubbabbilitati.