Isabel Allende
Isabel Allende (2 di austu 1942- ) è na scrittrici Cilena nata a Lima, Peru.
Niputa di l'ex-prisidenti Cilenu Salvador Allende, lu primu pulìticu marxista elettu dimucraticamenti (1970-1973) ntô munnu. Quannu veni lu corpu di statu viulentu di l'11 di sittèmmiru unni mori Salvador, guidatu dû Ginirali Augusto Pinochet, Isabel dui anni dopu (1975) lassa lu Cili pi jiri n Venezzuela unni arresta pi 13 anni.
Travagghiava comu jurnalista prima di scrìviri libbra e luntana dâ sô patria, unni nun putìa turnari pi curpa dâ dittatura militari di Pinochet, scrivìu lu sô libbru cchiù mpurtanti La Casa degli Spiriti (1982).
Casa de los Espiritus, cinzuratu dû statu militari Cilenu, cunta la storia dâ famigghia Trueba, usannu la storia di sta fammigghia pi ripprisintari li canci dû paisi ntô sèculu XX. Videmu n'attaccu contra la "virsiuni ufficiali" dû statu, na duttrina usata di vari stati militari sud miricani, unni Allende voli ca la genti nun si scorda lu passatu, nu passatu unni la dittatura ammuccia la virità.
Lu libbru ripprisenta la storia dû paisi, dû pòpulu Cilenu e pi tanti cileni arresta n'esempiu pi lèggiri la virità, p'arricurdari la storia dû sò paisi.
This article uses material from the Wikipedia Sicilianu article Isabel Allende, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Stu cuntinutu è dispunìbbili sutta â CC BY-SA 4.0 quannu nun veni spicificatu diversamenti. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Sicilianu (DUHOCTRUNGQUOC.VN) is an independent company and has no affiliation with Wiki Foundation.