Limba Rutena

Su rutenu, naradu fintzas russinu (in rutenu: русиньска бесїда o русиньскый язык, rusin'ska besjida o rusin'skyi jazyk), est una limba islava orientale faeddada de is rutenos de s'Europa orientale.

B'ant linguistas chi ddu tratant che una limba dislindada, ma àteros istudiosos de limbas islavas retènent chi siat unu dialetu de s'ucrainu. Ambadus is categorizatziones agatant implicatziones polìticas perricadas.

Segundu ethnologue su rutenu diat èssere faeddadu de unas 65.000 pessones, biventes in majoria in s'Oblast de Transcarpàtzia,Ucraina, in ue s'agatant unos 56.000 locutores. Foras de Ucraina is comunidades linguìsticas prus numerosas sunt in sa regione de Vojvodina, Sèrbia, chi contat unos 30.000 locutores, in Islovàchia cun unos 24.000 chi s'agatant in su Kraj de Prešov. Àteros istados cun minorias rutenas sunt Belarus, Croàtzia, Repùblica Ceca, Estònia e Ungheria.